الموضوع: موبينيل من فشل لفشل

موبينيل دايما بيستعبطوا.
انا كنت معاهم من أوائل ما طلعوا و جربت كل انواع الخطوط و طلعوا عيني دايما.
و اخر خاجة كنت عامل بيزنس كونترول ... كونترول ... لقيت باعتين الفاتورة و عليها 360 جنيه موبايل تي في .... الكلام ده من اكتر من 5 سنين ايام ال gprs و المصيبة ان اللي كان معايا ساعتها نوكيا n70.... و كان المفروض اني لو فعلا اتفرجت عليهم ان يكون الوقت 720 دقيقة لان كانت الدقيقة ب 0.5 جنيه ... و الكوميديا الخطيرة اني لما اعترضت و طلبت الفاتورة التفصيلية طلع ان ال720 دقيقة محسوبين في يوم واحد ....!!! و الكوميديا الاكتر ان اكتشفت 21 من اللي معايا في نفس الجروب البيزنس اتعمل معاهم كده بالضبط....و كلهم في نفس الوقت و اليوم....
طبعا قدمنا شكاوي و طلعوا عيني شهر كامل لا عارف اتصل و لا استقبل مكالمات لان بتقطع كل ثانيتين بحجة انهم بيراجعوا الخط احسن يكون حصل فيه مشكلة و عملت علطة للكومبيوتر. ...
و لما كلنا هددناهم بالشكوي و تصعيد الموضوع اصروا على دفع المبلغ و انه يتخصم من الفواتير اللي جاية.... و غلطنا و وافقنا و اكتشفنا ان كل الفواتير اللي جت بعد كده متحملة مبالغ زيادة علشان ما يردوش المبلغ....
رجعت خطي عادي مش بيزنس و برضه استمر الاستعباط...يغيروا نظامي بدون علمي من كونترول لعادي و يقولوا غلطة.... يلغوا النظام بدون سابق إنذار و يحولوني لنظام تاني و يقول لي أحسن علشانك ...
رحت مقدم طلب تحويل لاتصالات بنفس الرقم...
ابتدت موبينيل تماطل و يتصلوا بي و يقولوا طب ايه اللي مضايقك و احنا نحاول نصلحه لك ... بس مافيش تحويل ... رحت مشتكيهم في الجهاز القومي لتنظيم الاتصالات. ... و حولت لاتصالات و دي رابع سنة لي معاهم و احسن بكتييببيير من موبينيل.
اشتري نفسك من اللي بيعملوه و احرقي دمهم و حولي خطك بنفس الرقم لاتصالات ما دام معاكي فودافون الخط التاني. و خليهم هم اللي يشربوا اللي بيعملوه.