الموضوع: مقارنه عاجله بين ال a516 & m11

مفيش حد معاة m11 او A516 يفيدنا ايه الافضل فيهم وهل هما نفس الموتور والعفشه ولا لا وحدود اسعارهم ايه ؟؟؟

للاسف للاسف للاسف الام 11 قطع غيارها مش منتشرة زى ال 516
ثانيا مابيركبش عليها حاجات من مواتير تانية او عفشة تانية زى ال 516
ثالثا
عدم انتشار m11 خلى اعادة سعر بيعها اقل من 516
فى المقابل ال m11 هايلة فى الملفات و شكلها اشيك و ثابتة و موتورها اشد فى التسارع

المشاركة الأصلية كتبت بواسطة JOHN YOUSSEF

للاسف للاسف للاسف الام 11 قطع غيارها مش منتشرة زى ال 516
ثانيا مابيركبش عليها حاجات من مواتير تانية او عفشة تانية زى ال 516
ثالثا
عدم انتشار m11 خلى اعادة سعر بيعها اقل من 516
فى المقابل ال m11 هايلة فى الملفات و شكلها اشيك و ثابتة و موتورها اشد فى التسارع

شكرا علي رد حضرتك بس انا سمعت ان الاتنين نفس الموتور هل دا صحيح واللي ظاهر علي مواقع بيع السيارات ان ال m11 اغلي من ال 516 بشويه يعني رنج ال 516 من 38 لحد 45 موديل 2010 اما ال ام 11 سعرها في حدود 54 لحد 50 الف موديل 2010 او 2011

من خلال تجربتى لسيارتى m11 قطع غيارها كلها متوفرة فى معظم محلات قطع الغيار m11 الاخ اJOHN YOUSSEF انا مش عارف حضرتك جبت معلومة عدم توفر قطع غيارها دى منين رغم انى شايفك عامل لموضوع لمشكلة عندك فى m11 يعنى حضرتك تملك نفس السيارة ياترى فى قطعة غيارة من السيارة تلفت منك ومعرفتش تجيبها
بالنسبة لسعر بيعها مش زى حضرتك بتقول ان سعر بيعها اقل من 516 بالعكس هى اعلى فى سعر البيع من وممكن تصل الى من 50 الف الة 60 الف حسب حالة العربية
وممكن تجيب سيارة 516 من 38 الى 50 الف حسب الحالة برضة
وطبعا لو قارنا بين الاتنين الاتنين كويسين صراحة بس m11 احسن فى التسارع وطبعا اجمل فى الشكل وفى الامكانيات ومن خلال تعاملى مع محلات قطع الغيار فى الخارج وليس التوكيل كل موجود حتة اكرة الباب كانت انكسرت منى ووجدتها متوفرة الحمد للة

الف شكر يا خبراء المنتدي يعني من الكلام العربيتين ممتازين بس ال m11 اجمل طبعا ربنا يسهل واجيب ال m11

وشكرا للمسادة وبرضو لو حد عندة تجربه يحكيها علشان الكل يستفيد

1-جبت قبل كدة جلب للعفش الامامية ... الجزء اللى بيتكبس بالمكنة .. جيبته من عند صقر مادخلش و صاحب المكنة قالى غيره دا مش هيدخل شحط لانه ممكن يدخل بدون كبس و يبقى لووووس و فضلت ادور عليه و كنت بقيسه عند البياعين بالقدمة ذات الورنية لغاية لما لقيته ... دا موقف

2- روحت سألت على المقص الخلفى فى كل محلات قطع الغيار فى الحرفيين اللى هو ب 350 دا و مكانش موجود ... فين لما لقيته و كان قطعة شايلها عنده و مش عاوز يطلعها غير لما العفشجى اللى بعمل عنده كان صديق للملك فى الحرفيين كلمه عشانى و قاله تعالى خدها.. اما بقية المحلات مكانش فيها

3-روحت اشترى الرفارف الخلفية (اللى حوالين العجل دى مش فاكر اسمها.... هى الجزء البلاستيك المحيط بالعجل فى الداخل و راكب بمسامير) مالقيتهاش لقيت الامامية بس

و فيه امثلة كتير

اما موضوع المحرك فاللى قال انه مختلف عن 516 فى بعض حاجات و انهم مش تيبيكال فدا نبيل الميكانيكى كمان المحرك دا تسارعه افضل من ال 516 -زى مابيقولوا الاعضاء قبلى - ازاى بقة هيبقوا واحد ... الله اعلم جايز عشان فرق الوزن مش متأكد

سعر اعادة البيع عند نفس سنة الصنع و نفس الحالة و نفس الكيلومتر ال 516 اغلى و دا عن تجربة مش عن قراية اسعار على النت و كونتاكت كار

لما حد بيشترى ال ام 11 بيعيبها ان العين مش بتشوفها كتير لكن ال 516 بقت تاكسى و موجودة فى كل شارع فى مصر و فى المدن و دا بيخلى المشترى يخاف .. الا اللى غاويها و عارف قيمتها.. و هى فى رأيى احلى من ال 516

دا رأيى بس الصراحة الناس اللى قبلى عندهم خبرة بيها اكبر... جايز لما اقعد فترة بيها اكون كونت فكرة اكبر..