السلام عليكم
فى عربية عجبتني بحاول اشتريها ، البائع بيقولي ممكن يعملي العقد المسجل بدون امضاء مشتري
السؤال بقة لو رحت انقل ملكية فى المرور لازم ارجع تانى الشهر العقاري امضي كمشتري و لا اروح المرور على طول ؟
عرض للطباعة
السلام عليكم
فى عربية عجبتني بحاول اشتريها ، البائع بيقولي ممكن يعملي العقد المسجل بدون امضاء مشتري
السؤال بقة لو رحت انقل ملكية فى المرور لازم ارجع تانى الشهر العقاري امضي كمشتري و لا اروح المرور على طول ؟
لأ بتروح على طول أظن لكن هو ليه يشترط إنك ماتمضيش مشتري يعني لو حضرتك ناوي تسجل في خلال شهر ماتمضي مشتري هو ماله البايع
شكرا على الرد ، هوة مش مشترط بس هوه تبع حلوان و دا مشوار بعيد عنى مش عاوز اعملةاقتباس:
المشاركة الأصلية كتبت بواسطة sherbinii
مع احترامي حضرتك برده بتشتري عربية ولازم تبقى حاضر تسجيل العقد في الشهر العقاري قدام عينك , مبقاش فيه حاجة مضمونة دلوقتياقتباس:
المشاركة الأصلية كتبت بواسطة mzaki
انت تحضر كتابة العقد وما تمضيش وترخص قبل انتهاء الترخيص بشهر
دا افضل لك
انا عملت كده
مبروك مقدما
شكرا يا رجالة
مفيش حاج هاسمها بعيد او مش بعيد دى تبقى مصيبه لا قدر الله لو مش ماضى اى حاجه ممكن مثلا ياخدو العربيه منك لانك مش ماضى فى شهر العقارى انا بصراحه اكرهه الحاجه دى بحب كل حاجه رسمى وبعدين ايه مفيش امضاء مشترى مفيش كلام ده اله بقى لو حاجه تانيه
بص فائدة إنك لا تمضى مشترى إنك لا تدفع الرسوم الباهظة للتسجيل و تؤجل ذلك لحين التجديد قبل الذهاب للمرور تذهب لوحدك بالعقد للشهر العقارى تمضى مشترى و تدفع الرسوم حسب موديل السيارة.
انا اقول معلومة فى الموضوع انا اشتريت عربية بعقد مسجل وفى الشهر العقارى مفيش فى العقد خانة مشترى وسالت الموظف فى الشهر العقارى قال مش لازم تمضى مشترى اهم شى ما يعدى سنة على العقد المسجل ولسة لم اذهب للمرور من شهر فبراير اللى فات مع ان الرخصة منتهية وحتى لو قفلت ممكن اروح الشهر العقارى امضى امام الموظف مشترى بتاريخ اللى اروح فية المرور
السلام عليكم ورحمة الله وبركاته
يا باشا الموضوع اسهل من كده بكتيير حضرتك في نوعين من العقد المسجل
الاول انك تمضي مشتري وفي هذه الحالة لازم ترخص السيارة في موعد اقصاه شهر
الثاني انك متمضيش مشتري وفي هذه الحالة السيارة مثلا اذا كان بها رخصة ثلاث سنوات مش محتاج تنقل ملكية طوال هذه المده وتمشي بالسيارة عادي دون الحاجة الملحة للتجديد ...
في كلا الحالتين السيارة ملكك والملك لله وحده ومسجله شهر عقاري وفي كلا الحالتين بتدفع قيمة العقد المسجل
وطبعا القيمة عليك كاملة اما في حالة التوكيل فعلى البائع
تكرم وقولي نوع السيارة ايه ان شاء الله اقولك قيمة التسجيل
اذا كنت باذن الله حابب تعرف مميزات اخرى عن التسجيل والتوكيل تفضل انا تحت امر حضرتك
تقبل مروري
الف شكر لحضرتكاقتباس:
المشاركة الأصلية كتبت بواسطة alaamousa
الحمد لله عملت العقد المسجل و لم اوقع كمشتري ( فى خانة المشتري المظف عمل علامة كدة بالقلم )
هل بيبقى مكتوب صراحة المشتري لم يوقع و لا هيا بس كدة ؟
لما بروح المرور ارخص محتاج ارجع الشهر العقاري تانى و لا اروح المرور على طول ؟
معلش سؤال برضه في سياق الموضوع:
طيب لو عملت عقد مسجل ومضيت مشتري عادي ورحت المرور أنقل الرخصة بأسمي, هل لو الرخصة لسه فاضلها سنتين مثلا, هل بتضيع عليا المده ديه وبدفع تاني تأمين أجباري وضريبة؟
مش متأكد ، بس اللى اشتريت منة قالى بتعمل ملحق للتأمين الاجبارى مش عارف الضرائب اية نظامهااقتباس:
المشاركة الأصلية كتبت بواسطة road_devil
يا ريت حد يأكدلنا المعلومة
سلام عليكم انا اشتريت عربية نوبيرا 2001 هي كان فيها توكيل وانا عملت عقد وبعتها لنفسي بس انا ماضي بايع بس مش ماضي مشتري هل كده لازم نقل ملكية بعد شهر من تسجيل العقد ولو منقلتش الملكية في المدة دي ايه اللي هيحصل هل في عقوبة او غرامة لان بصراحة فلوس نقل الملكية معجزة معايا شوية الرخصة فاضل فيها 3 شهور مدفوعة الضريبة والتاميناقتباس:
المشاركة الأصلية كتبت بواسطة alaamousa