ماهى الخطوات التى تتعمل للسيارة لتصل سرعتها الى 140 او 160 كم ساعة؟
عرض للطباعة
ماهى الخطوات التى تتعمل للسيارة لتصل سرعتها الى 140 او 160 كم ساعة؟
مكنة العربية حالتها عاملة ايه واخر سرعة وصلتلها كام ؟
اقصى سرعة تقريبا كانت 120 كيلو والماكينة كويسة مفيهاش مشاكل لا بتاكل زيت ولا حاجة والحمد لله
وزيت كاسترول جديد
هل تغيير فلتر الهواء ضرورى؟
اخر مرة غيرت الفلاتر والبوجيهات امتى
منذ فترة كبيرة ولكن السيارة تدور بلامشاكل
ضبط توقيت الشرارة من الاسبراتير بيفرق جدا فى الموضوع ده ... اضبط الكهرباء كويس وجرب مع التأكد من ان الباب الثانى بالكربراتير بيفتح مع السرعات العالية وتوصيل خرطوم الفاكيوم الواصل بين الاسبراتير والكربراتير والمسئول عن تقديم الشرارة مع السرعات العالية . مع التأكد من مقاس بك السرعة للبابين الاول والثانى ( الاول بيكون 92.5 والثانى 120 ) .
ازاى اتاكد من ان الباب التانى بيفتح مع السرعات العالية
http://cdn.top4top.net/i_b6c5bfd2611.jpg
و العربية مبطلة هتفك العمة وبعد كده تدوس بنزين على الاخر وتفضل دايس عن طريق تحريك الجزء المربوط فيه كابل الاكسلاتير ( او خلى حد يدوسلك بنزين ) بعد كده هتفك الخرطوم الاسود اللى عليه السهم فى الصورة وتشفط بفمك لازم تلاقى الباب التانى بيفتح ....
الفليشيا كانت معايا تقريبا كسر زيرو 1300 وكان الكتالوج كاتب اقصى سرعة 145 كم/ ساعة. وفعلا بعد طقم السرفيس وضبط كل شيئ آخرها 145 كم.
وانا غيرتها علشان السبب دا.
تم تنظيف الكربارتير عند متخصص كاربراتير
قام بفك الكابراتير وتنظيفة قطعة قطعة فى البنزين وتم تنظيف كافة البيكات وتشغيل بوابه السرعة
والبوجيهات سليمة و3 شمعة كمان
وتمت التجربة وبرضة السيارة تقريبا اخر سرعة لها 120 كم وممكن تزيد شوية لو انت نازل من على منحدر
والموضوع بتاع البوابة الخاصة بالسرعة لم يقدم جديد فى زيادة السرعة
برجاء الافادة ايه اللى ممكن يتعمل تانى لزيادة السرعة الى 160
حاله الموتور عندك ايه؟ فيه دخان بياكل زيت ؟؟
فيه هباب فى الجكمان؟
البوجيهات نوعها ايه؟
غيرت سلك البوجيهات ولا لا؟
مجموعه الدبرياج كويسه ؟
اخبار الجنوط امامى بتسخن قوى وبتلسع؟
نوع زيت الفرمل ايه؟
نوع زيت الموتور ايه؟
نوع زيت الفتيس ايه؟
لو جاوبتنى ممكن اساعدك
حاله الموتور عندك ايه؟ فيه دخان بياكل زيت ؟؟
الحمد لله الموتور كويس ومش بياكل زيت
فيه هباب فى الجكمان؟
كان فيه هباب بسيط وتم تنظيف الكاربراتير والهباب اتصلح
البوجيهات نوعها ايه؟
البوجيهات نوعها تقريبا دانسن ثلاثة شعلة وحالتهم كويسة
غيرت سلك البوجيهات ولا لا؟
سلك البوجيهات زى ماهو من زمن (شغالين ومفيش مشكلة)
مجموعه الدبرياج كويسه ؟
الحمد لله كويسة
اخبار الجنوط امامى بتسخن قوى وبتلسع؟
الجنوط عادية ومش بتسخن
نوع زيت الفرمل ايه؟
زيت فرامل عادى اللى فى العبوة الصفراء وبيقعد كتير
نوع زيت الموتور ايه؟
زيت الموتور كاسترول ولسا جديد مكملش 500 كيلو
نوع زيت الفتيس ايه؟
زيت الفتيس كويس ولسا مزوده وهو الزيت اللى فى البراميل عند محل تغيير الزيت
لو جاوبتنى ممكن اساعدك
1- بالنسبه لزيت الفتيس اللى فى البرامبل ده زيت 140 وده اكبر سبب لتقل الفتيس عندك ممكن تغيرة وتحط زيت توتال 90/80 اللتر بحوالى 20 جنية العربية بتاخد 2.5 لتر
2- بالنسبه لزيت الفرامل العادى ده مابينفعش لفرامل الفليشيا لازم تحط زيت dot.4 موبيل على الأقل وتنزل الزيت القديم خالص الdot.3 وحتحس بقوة فرامل رهيبه بمجرد ماتغير الزيت
3- سلك البوجيهات القديم ده سبب رئيسى فى قله سرعه العربية وضعف السحب عندك لازم تغيره بنوع اصلى مش صينى
لو عملت اللى قولت عليه ليك حتحس بفرق كبير والعربية تجيب معاك 135 ك بس حطلها بنزين 92 وغير فلتر الهواء وغير اتجاه البوابه اللى فى عمه الكاربراتير
ودى طريقه تعديل اتجاه البوابه للاخوة الأعضاء الجداد وحتدعولى !!!
http://www.nilemotors.net/Nile/355793-a.html
باذن الله سوف اقوم بعمل الخطوات السابقة على مراحل كى اصل الى النتيجة المطلوبة
الحمد لله بدئت اعمل بعض الحاجات اللى فوق وهحكيك ايه اللى حصل
1- تم شراء فتر هواء جديد ب 35 جنية وقمت بتركيبه
2-قمت بغسل خرطوم العمة بعد ماقرءات موضوع البوابة هذا فقمت بنقع الخرطوم والعلبة الخاصة بالبوابة فى ماء وصابون وتنظيفهم بماء ساخن وقمت بغسل الثرموستات الخاص بدرجة حرارة الهواء وفوجئت ان البنز بتاعة كان قافش فبعد التنظيف بدء يتحرك بسهولة ولما حطيته تحت ميه سخنه لقيته بيشتغل وبيتمدد بس برضة كان ضعيف ومش قادر يفتح البوابة فقمت بفتها بقطعة قوية من البلاستيك وتثبيتها بحيث تقفل مدخل الهواس السخن لانه ايضا لاحظت مدخل الهواس الساخن مساحتة اقل من مساحة الهواء البارد وللعلم لم يكن هناك اى خرطوم اخر واصل مع فرن الشكمان وطبعا ركبت هذه الاشياء
3- دورت على زيت توتال 90/80 لم القاه فاشتريت ثلاث عبوات موبيل العبوة ب 27 جنية وفى محل لقيته بيبيعهم العبوة ب 32 جنية ورفعت العربية على رصيف فى الشارع ونزلت تحت العربية عشان اغير الزيت ده ولكن فوجئت ان مسمار زيت الفتيس ده كبير قوى مقاسة حوالى 24 ومكانش معايا مفتاج ليه غير كده حسيت انه قوى وانه لو باظ ومعرفتش اركبة كويس تانى ممكن تحصل مشكلة فقلت ادور على ميكانيى فى يوم تانى يغير الزيت بس لاحظت تسريب بسيط لقطرات من الزيت الفتيس من اسفل الفتيس فى قطعة حول مسسمار مكسورة ودى غالبا من خبطة جامدة قديمه لانى بزود الفتيس نص لتر تقريبا كل 3 شهور وايضا تسريب خفيف من اولسيل المدفع فجيبت امبوبتين حديد ولزقت مكان الجزء المكسور
4- فتحت غطاء الاسبراتير وكان فيه شويه هباب بسيط نفختهم
النتيجة الان:
السيحب بقى افضل فعلا من الاول وايضا صوت الموتور بفى افضل من الاول
بس برضة السرعة لم تتجاوز ال 120
ان شاء الله احاول اعمل التالى:
1- زيت الفتيس
2- زيت الفرامل لقيت علبه اسمها بندكس ب 16 جنية صفيح لونها اسود فى احمر (هل هذه كويسة؟) بس برضة هخلى الميكانيكى هو اللى يعمل الفرامل دى عشان فيها خطورة لو باظت
كنت بسال عن توصيل خرطوم الهواء بين الاسبراتير والكاربراتير... هل هو مفيد ام مش مفيد
ثانيا مش عارف اوصل الخرطوم فين فى الكاربراتير.
مع التحية على المجهود والمعلومات القيمة اللى اساسا مش موجودة عند كثير من الميكانيكية
(مثلا لن تجد كتير من الميكانيكيه يقولك الفليشيا زيت الفتيس نوعة المفروض يكون ايه مع زيت الفرامل مع موضوع بوابه الهواء ده(
هو الصراحة يعني.. العربية دي تغر في السرعة ..
يعني الغيار الأول - التاني - الثالت - الرابع بيدو تسارع رائع وبيرموا العربية فوق 120 بسرعة .. تيجي بقى للخامس.. تلاقي الكيلو بيزيد بالضالين.
أنا كنت بفكر أسقط فيها 1600 بس لقيت الموضوع حيتكلف كتير قوي.
تغيير تانك بنزين - وضفيرة - وكنترول- وعلبة دريكسيون - وعلبة فيوزات...............
موضوع السرعة دة شئ مهم لو انت بتسافر فمثلا بدلا من السير على سرعة 120 كم-ساعة يمكنك السير على سرعة 140 م -ساعة مثلا فتقدر تصل 40 كم اسرع كل ساعتين مما ينجز معاك ويقلل من وقت السفر خاصة اذا كنت تسافر بين المغرب والعصر فتقدر تصل قبل غروب الشمس
بالاضافة انه عامل نفسى لما تلاقى طيارات عمالة تطير من خوليك وانت ماشى زى البطة بتحس باحساس الاحباط