الموضوع: فكرة لمشروع

المشاركة الأصلية كتبت بواسطة secret-man

متشتغلش فى حاجه الا لما تكون بتفهم فيها

افكار المشاريع كتير لدرجه عدم حصرها لكن هل عندك :
1- خبره فى المجال
2- علاقات
3- خطه لتسويق شغلك صح
4- راس المال
5- حطه عمل بسيطه لشغلك تبتدى بيها على الاقل
6- تقدر تشتغل لوحدك ولا محتاج شركاء ؟


كل ده لازم تكون مجهزه لان المشاريع مش فكره على منتدى ولا على النت تجبها من جوجل
علشان كده ناس كتير بتعمل افكار ومبتكلمش وبتخسر علشان الاسباب الى قولتها فوق وعدم التخطيط السليم

ماهو علشان كده أنا حاطط هامش ربح صغير
راس مال 100الف المفروض تقول عاوز ربح شهري 3-5الاف
انا كل الي عاوزه كحد مقبول 2000ج أو أكتر بدون صداع
لدرجة اني فكرت اجيب ميكروباص يمسك ورديات شغل لمصانع العاشر عندنا..بيصفي 3500 بعد السواق والمصاريف بس مليش دماغ لشغل السواقين والصداع بتاعهم
وفكرت في car care جمب الصيدلية بشكل راقي أوي .. ولسه قيد البحث
وفكرت في تجارة الفاكهه
أأجر محل .. وعربية تنزل كل يوم الصبح للوكالة تجيب على اد اليوم بس...لان الفاكهه لو باتت هتخسر
هيكون ساعتها فيه محل وتكلفته قليلة جدا مش هتعدي 3الاف بضاعه بس..وهيكون فيه عربية نص نقل هتعمل مشوار الوكالة الصبح .. وباقي النهار يطلع عليها سواق تشتغل...ولسه قيد البحث
وخصوصا اني جربت موضوع الفاكهه ده مرة ومربح وكويس

وفكرت في تجارة العربية .. أفتح معرض وأحط فيه عربيتين تلاته لانوس وربنا بيرزق
بس علشان تشتري عربية نظيفة بيطلع عينك وتلف كتيررر..غير ان شغل التجارة في العربيات معظمه نصب وانا مابعرفش البس حاجة لحد او اغش او اصلب العربية لحد ماتتباع او العب في دواخل أو ...أو

فقولت أخد رأيكم