فكرة لمشروع

**besso** · 06-07-2015 10:13 PM

المشاركة الأصلية كتبت بواسطة mazagangee

فعلا السوق بشكل عام و الصناعه بشكل خاص زي الزفت لكن فيه منتجات الطلب عليها مش بيتأثر زي الفول و الطعمية مثلا لو خدنا الاكل كموال بعكس اللحوم الطلب عليها قل بشكل ملحوظ ..
برضه لو هناخد الصناعه كمثال هتلاقي صناعة مواد التجنيل مثلا الطلب قل عليها عن السنين اللي فاتت و اللي بيشتري بيدور علي البديل الارخص… و الاكياس البلاستيك الطلب عليها مش هيقل لانها منتج مكمل لمشترياتك او عشان تحط فيه الزبالة لكن ممكن تستغني غن مفرش السفرة .. و التعديل اللي حصل في الاكياس ان المصانع بقت بتستخدم الخامات المعاد تصنيعها بنسب اكبر من الاول عشان تقلل التكلفة علي حساب الجودة و بيفللوا السمك عشان عدد الاكياس في الكيلو يكون اكتر…

لكن دي صناعه مفيش ليها احصائيات لانها صناعات محدش بيعملها رخص ولا بتكون في مناطق صناعية

طب اي رأى حضرتك فى قطع غيار السيارات كتجاره وحاله السوق بالنسبه ليه ايه ؟؟

انا شايف انه ده مجال مش مرتبط بحاله بردو لانها سلعه الناس مش هاتستغنى عنها

**MaZaGAngeE** · 07-07-2015 04:28 AM

المشاركة الأصلية كتبت بواسطة besso

طب اي رأى حضرتك فى قطع غيار السيارات كتجاره وحاله السوق بالنسبه ليه ايه ؟؟

انا شايف انه ده مجال مش مرتبط بحاله بردو لانها سلعه الناس مش هاتستغنى عنها

لسه كنا بنتكلم النهاردة في موضوع قريب من ده و هوه ورشة صيانة مذكانيكا و كهربا و عفشة .. مشروع خدمي يعني و كان رايي انه فعلا مش مرتبط بحالة السوق البلد العامه قوي ..
يعني هتلاقي صاحب العربية بدال ما هوه متعود يجيب القطع الاصلية هيدور علي التقليد او بجيب استعمال عشان يوفر و بدال ما بيعمل صيانه في التوكيل او كل 5000 كيلو هيدور علي ورشة كويسة و يعمل صياناته كل 10000 مثلا و بدال ما بيجيب زيت غالي هيدور علي ارخص شوية ..

**أبو_يوسف** · 07-07-2015 02:46 PM

ممكن نضيف اقتراح مشروع فرن أفرنجي؟
ولا بعيد عن الميزانية دي؟

**besso** · 07-07-2015 05:27 PM

المشاركة الأصلية كتبت بواسطة mazagangee

لسه كنا بنتكلم النهاردة في موضوع قريب من ده و هوه ورشة صيانة مذكانيكا و كهربا و عفشة .. مشروع خدمي يعني و كان رايي انه فعلا مش مرتبط بحالة السوق البلد العامه قوي ..
يعني هتلاقي صاحب العربية بدال ما هوه متعود يجيب القطع الاصلية هيدور علي التقليد او بجيب استعمال عشان يوفر و بدال ما بيعمل صيانه في التوكيل او كل 5000 كيلو هيدور علي ورشة كويسة و يعمل صياناته كل 10000 مثلا و بدال ما بيجيب زيت غالي هيدور علي ارخص شوية ..

انا بقالى فتره بفكر فيه انا و2 زمايل خصوصا ان واحد منهم عنده محل بس المشكل فى انه المشروع ده عايز مبلغ بردو فى الاول وفكرنا كمان فى ورشه بس دى هاتكلف كتير جدا عن قطع الغيار ده غير كمان اجور الناس اللى هاتشتغل والاجهزه والكواريك ... الخ
ففكرنا فى قطع الغيار دى احسن بس مستنيين نوفر مبلغ بس

**هيثم مجدي** · 07-07-2015 07:10 PM

المشاركة الأصلية كتبت بواسطة a7med_pharma

صيدلية في مكان تاني ... صعب
الصيدلية بتاعتي واخدة وقتي كله وده مخليها مجزيه ماديا.. تضييع وقتي على صيدليتين هيضيع الاتنين
وخصوصا ان الصيدلية قايمة عليا شخصيا .. أنا لو موجود بتشتغل , ولو مش موجود مش بتشتغل
غير أني عاوز حاجة في مجال العربيات أو أي مجال تاني يكون بالمتابعه بس
يعني أروح في اليوم ساعه مثلا ..أو يتتباع بالتليفون
الفكرة اني عاوز مشروع يديني فرصة اقدر اقلل فترات وجودي في الصيدلية شوية لأني ماعنديش حياة اجتماعيه نهائي ولا بعرف اتحرك..الشغل الجديد يوفر دخل , الدخل ده يعوض فترات عدم وجودي في الصيدلية
محتاج اخرج
اروح اصيف..أعمل أي مشاوير .أروح أجي
الصيدلية مش مدياني فرصة

حاول تقرأ شوية في إدارة الأعمال.