عرض للطباعة
السلام عليكم.
لو سمحتوا كنت محتاج رأيكوا لأني محتار بين نيسان سينترا و لانسر شارك هاي لاين.
مش عارف اقارن بينهم من حيث: بلد التصنيع و الأداء والثبات وجودة الوكيل واسعار قطع الغيار وطبعا اعادة البيع.
كماليات السينترا أعلى وشكلها احلى لكن الشارك باعت اكتر كتير!!
ياريت اللي يقول رأيه يوضح ليهززهتعبكم معايا بس بجد محتار وعاوز مساعدتكم في القرار.
شكرا.
ملحوظة: العربيتين سعرهم في حدود 165 ألف.
أنا رأيي السنترا أحسن، بالرغم من إنها تقفيل تايلاند مش اليابان زي الشارك!
السنترا أحدث وأجمل، وصالونها أوسع، وشنطتها أكبر، عزلها أحسن، فتيسها أحسن، دريكسيونها أخف على السرعات البطيئة وأتقل على السرعات العالية.. الحاجة الوحيدة اللي ممكن السارك تتفوق فيها هو سعر إعادة البيع بسبب انتشارها الخرافي في السنتين الأخيرتين!! لكن الكلام هيفرق معاك لو هتبيع بسرعة بعد سنة أو سنتين، إنما على المدى البعيد أتوقع إن السنترا هتاخد وضعها وهتنتشر وسعر إعادة بيعها بعد غ أو 6 سنين من النهارده هيبقى تمام إن شاء الله.
وعلى فكرة بالنسبة للشارك في حاليا أكتر من 18 فئة في مصر، ما بين وكيل، وخليجي سعودي، وشرق أوسط، وأنا شايف إن دي مش ميزة بل عيب، لأن ده معناه لعب كبير في الكماليات والفئات من قبل التوكيل والتجار، وكفاية إن الشارك عربية لم تحظ بأي تطوير على مدار 8 سنوات، اللهم إلا تغيير الموتور من 1500 إلى 1600 فقط لا غير.
بخصوص جودة الوكيل، مفيش توكيل في مصر عدل لكن ممكن يبقى فيه توكيل أحسن من التاني، وعموما توكيل الاتنين، ميتسوبيشي ونيسان، أسوء من بعض.. والله أعلم.
انا معرفش حاجة عن النيسان
بس اقدر اقول لك ان الشارك من اكتر العربيات مبيعا فى مصر .. و الهاى لاين فيها كويس .. و سعر اعادة بيع ممتاز و عربية حمالة اسية
سنترا حتي اﻻن في مشاكل في توافر قطع غيارها .
غير موجوده بسبب مبيعات العربيه الضعيفه
الشارك سبحان من يحيي العظام
اصبحت مابين كل عربيه وعربيه عربيه
السنترا رغم انها نازله بقالها فتره بس مشوفتهاش غير مرتين او ثلاثه
لو عاوز سنترا استنى عليها شويه
مستعجل شوف الشارك عربيه برضه محترمه
الشارك سيارة ممتازة في كل حاجة
لكن عيبها الوحيد هو العزل
لكن في الهاي لاين بيبقي العزل افضل
اما السنترا فهي عربية ممتازة
لكن يعيبها اعادة البيع و قطع الغيار مش موجودة
لكن هتبقي موجودة السنة الجاية لانها هتتقفل في مصر و سعرها هيبقب في حدود 130 الف جنية او 140 الف جنية
و كمان سحب الشارك افضل من سحب السنترا
كنت قريت هنا مشاركتين عن ناس بتعاني معاناة السنين عشان تلاقي قطع غيار السنترا ..والمشكلة إن هما مش لاقيينها ..اللي هي قطع الغيار ..المشكله إن هما مش لاقيينها ..لا في السوق ولا في التوكيل
سنترا أحسن
سنترا حتي اﻻن في مشاكل في توافر قطع غيارها
و مش منتشره و اعاده البيع مش هتكون حلوه