فى بيتنا مريض نفسى

**موعود** · 30-06-2015 05:30 PM

تحيه طيبه لكل الاعضاء في المنتدى
اكتب هذا الموضوع باسم مستعار نظرا لحساسيه الموقف

البداية يوجد انسان يهمني امره جدا جدا مريض مرض نفسى وابحث عن دكتور في القاهرة او الجيزة يكون له خبره وصبر في التعامل مع المرضى النفسيين احنا لفينا على اطباء كتير لكن المشكلة في انهم يتعاملوا مع المريض مثل
مريض الضغط او السكر بمعنى لا يوجد الاهتمام الكافي للعلاج نتيجة اختلاف طبيعة المريض

الحالة لقريبي معقده ومركبه جدا
مصاب بالوسواس القهري
اكتئاب شبه حاد
انفصام في الشخصية

وفوق كل ذلك مصاب بمرض بالسكر من فتره قليله نتيجة الأدوية النفسية وتراكمها في الجسد

الحياه معه صعبه جد اجدا وهو لم يتزوج ويبلغ من العمر 32 سنه والحالة تتدهور كل يوم عن الثاني بالطبع لديه تأخر في العملية التعلمية والذكاء التحصيلي وضعف في المهارات العامة وعلى راسها النظافة الشخصية

هو يستطيع ان يأكل ويمشى ويتحرك ويقرا ويكتب ويشترى ويصلى لا يوجد له عمل او صاحب
نصحني البعض بزواجه والاخر بإدخاله في مستشفى الامراض النفسية
لو ليس مجنون بل عاقل وحنون ويحبني حب كبيرا جدا

لا استطيع ان اتخلى عنه لأنه اخى شقيقي من لحمى ودمى وهو اخى الوحيد والاب متوفى من 20 عام
ولا استطيع التفكير في حاله وفاه الام ماذا افعل معه

انتظر منك النصيحة والتوجيه

**mk3** · 30-06-2015 05:46 PM

هل فى اسباب او سبب معين لكل ذلك
مصاب بالوسواس القهري
اكتئاب شبه حاد
انفصام في الشخصية
؟

**wael61** · 30-06-2015 05:47 PM

اولاً : انا مش عايزك تيأس من رحمة الله
ثانياً : انتم فكرتم تعالجوه كتير وخد ادوية كتير زى ما حضرتك بتقول والادوية النفسية بطبيعتها من اعراضها الجانبية الاكتئاب فمش غريب انه ميخفش بلاش تفكر فى المستشفيات النفسية الحكومية لانهم مش بيعتنوا بالمرضى بل بالعكس لو قدرتك المادية تسمح بأنزالة احد مراكز إعادة التأهيل هيكون افضل لانهم هيعلموه طريقة التفكير والتصرف وخلافه
وتدور على دكتور شاطر قوى ومبيحبش يكتب علاج كتير والله المستعان

**reda elgohary** · 30-06-2015 05:57 PM

ربنا يجعل تعبك معاه فى ميزان حسناتك .
أنصحك لو حالتك المادية تسمح تدخل مستشفى خاص أفضل بكتير من الحكومة
وربنا يشفيه ويبارك لك فى والدتك .

**موعود** · 30-06-2015 06:11 PM

المشاركة الأصلية كتبت بواسطة mk3

هل فى اسباب او سبب معين لكل ذلك
مصاب بالوسواس القهري
اكتئاب شبه حاد
انفصام في الشخصية
؟

الامراض دة معظمها تراكمى يعنى بتيجى وراء بعض نتيجه بعض
اعتقد ان السبب الرئيسى كان فى حاجتين
اولا صعوبات التعلم منذ الصغر لم يتم الاهتمام بها وكانت النتيجه البعد عن الوسط الاجتماعى لشعورة بالاحراج كثيرا خاصه اننا قفى مجتمع لا يرحم هولاء المرضى

ثانيا وفاه الاب فى سن مبكر وانشغالى الشخصى بامور الحياه الطبيعه سبب له ضررر نفسى
انا استقالت من شغلى ةقعت معاه سنه فى البيت من اجل التعةيض ولكن ابدا

**موعود** · 30-06-2015 06:14 PM

المشاركة الأصلية كتبت بواسطة wael61

اولاً : انا مش عايزك تيأس من رحمة الله
ثانياً : انتم فكرتم تعالجوه كتير وخد ادوية كتير زى ما حضرتك بتقول والادوية النفسية بطبيعتها من اعراضها الجانبية الاكتئاب فمش غريب انه ميخفش بلاش تفكر فى المستشفيات النفسية الحكومية لانهم مش بيعتنوا بالمرضى بل بالعكس لو قدرتك المادية تسمح بأنزالة احد مراكز إعادة التأهيل هيكون افضل لانهم هيعلموه طريقة التفكير والتصرف وخلافه
وتدور على دكتور شاطر قوى ومبيحبش يكتب علاج كتير والله المستعان

انا طبعا مش بفكر فى مستشفيات حكوميه
انا نفسى القى مكان محترم باسعار معقوله نسبيا بالاضافه الى اطباء تتعرف تتعامل مع الحاله

مفيش دكتور نفسى طلع فى التليفزيون مرحتش له لكن تقريبا الحاله اكثر تعقيد وهم يبحثون عن مشاكل اخرى اسهل فى التشخيص و العلاج

**banzai** · 30-06-2015 06:25 PM

الناس كلها مرضى نفسيين مفيش حد سليم
بالنسبه لاخوك نقطه مهمه هل هو عارف انه عيان و بيتمنى يتعالج و يخف ولا هو اساسا ميعرفش و فاكر ان الدنيا كلها واقفه ضده ؟
العلاج الاستدلالى و الاستقرائى عن طريق المخاطبه و الاسئله المنطقيه مفيد جدا فى حالة لو اخوك عارف و مدرك انه تعبان .. مثال مفيش سبب منطقى واحد يخلى النس تراقبه او تتكلم عليه بل بالعكس الناس كل واحد فيه اللى مكفيه من مشاكل و الناس ماشيه مسطوله اساسا من الهم الكبير و قلة الفلوس و البلاوى اللى هيا عايشه فيها
يبقى حتى لو فيه هاجس داخلى جوه دماغه ملىء بالمؤامرات بيجبره على التفكير بهذه الطريقه الغير سويه
لو هو مدرك انه عيان بالعلاج الاستدلالى ده مع الوقت هيجبر هو عقله على السيطره و لو الجزئيه على هاجس المؤامره داخل عقله
لا تبتأس فيه ناس عندها فصام و بيتعايشو معاه طبعا بيكونو فى معاناه لكن بيقدروا يتعايشوا و يكملوا حياتهم
مع الالم مثال على كده جون ناش عالم الرياضيات الحائز على جائزة نوبل
حاول تخرج معاه و يكون فى اماكن مفيهاش ناس كتير لان الاجتماعيات مؤلمه بالنسبه له بطبيعة الحال
يعنى مثلا اشتريله سناره و اقعدوا اصطادو و نافسه قوله انا هصطاد سمك اكتر منك
حاول تبتكر بقى طرق تخرج معاه فيها و فى مناطق مش مكتظه بالناس و تنافسه فى اى حاجه علشان اهتمامه يقل بمرضه و ينشغل بحاجات تانيه

**ibrahim sallam** · 30-06-2015 06:37 PM

الله يكون في العون وشفاه الله وعفاه ( وجميع مرضى المسلمين) اللهم ءامين.

شايف ان حضرتك قطعت شوط طويل مع هذا المريض بحيث تم تشخيصه ومن ثم أخذ الادويه اللازمه بناء على

التشخيص.

التشخيص اللي حضرتك ذكرته بيتم علاجه في ستة اشهر على اقل تقدير محتاج مصابره وطولة بال.

والسؤال لحضرتك

مانوعية العلاج اللي استخدمه والمده اللي اخد فيها العلاج