الموضوع: اعضاء المنتدي الكرام ربنا يحفظكم حد يفيديني بخصوص الصيانة ضروري

بص اهم حاجة تبص عليها دلوقتى مدام مزنوق فالوقت تيل الفرامل لان 60 الف كيلو ومرحتش ولا مره صيانه يبقى اكيد التيل خلص دا رقم واحد

اكيد طبعا كنت بتغير زيت وفلتر ولالا؟؟!! لو مغيرتش زيت لازم تروح تغير فورا !

بالنسبه للسير اعتقد مش ازمه اوى انا معرفش عندك جنزير ولالا بس لو جنزير زى الانترا يبقى متقلقش خالص انما لو عادى اعتقد انو بيتغير على ال 60 بس مش مشكله اوى لو اعدت فوق كدة بس بردوا الحرص واجب

انتا ممكن تروح اى مركز صيانه جانب بيتك يبصولك على العربيه على طول وتغير الحاجات المهمه بس دلوقتى.

تحياتى ليك وربنا يحفظك ورمضان كريم

virus 2007 متشكر جدا علي ردك
ربنا بجازيك خير

انا التيل فعلا اللي محتاج يتغير بالرغم اني تاني مرة هاغيرة ،،والسير عندي مش جنزير زي حضرتك بس لو كدة هاعمل الحاجات الخفيفة واستني علي التيل وربنا يسترها ان شاء الله

وكل سنة وحضرتك بألف خير

مرحتش ولا صيانه ماشى نتكلم فاتك اد اية وايه المفروض كان بيغير ومتغيرش
لكن اكيد لازم متكونش لخبط ف تغيير الزيت
لازم تغير الزيت والفلتر ف معادة

بص صيانة 10000 مفيهاش حاجه تتغير غر الزيت
صيانة 20000 كان المفروض تغير فلتر الهواء والبوجيهات
صيانه 30000 مفيهاش حاجه غير الزيت
صيانه 40000 كان المفروض تغير فلتر هواء بوجيهات فلتر بنزين زيت فرامل مياه تبريد
صيانه 50000 مفيهاش حاجه تتغير غير الزيت
صيانه 60000 كان المفروض تغير فلتر هواء بوجيهات زيت فتيس طقم سيور

يعنى فاتك تغير الحاجات كام مرة فى الفترة دى
-فلتر هواء 3 مرات فلازم تفكه وترمية فى الزبالة وتركب جديد وكل مرة وانت بتغسل العربيه ف المغسلة فكة انت ونظفة بالهواء من التراب
-البوجيهات 3 مرات فلازم تفكهم وترميهم ف الزبالة وتجيب جديد
- فلتر بنزين مره واحدة فمش لازم تغيرة دلوقتى بس نصيحة متخليش التانك بتاع البنزين يقل عن الربع علشان متحملش علية فى وساخه التانك وهو اصلا مش نضيف
-زيت فرامل مرة واحدة بص التوكيل بيغيرها ب 20 جنيه بس
-مياه تبريد ممكن تنفضلها او تغيرها بره او تزودها بس وتغيرها الصيف الجاى بس طالما العربية مش بتسخن فا انت امان
-زيت فتيس التوكيل بيقول يتغير عند 60 الف يعنى اكيد ممكن يقعد 20 الف تانى مثلا
-طقم سيور التوكيل بيقول عند 60 الف فااكيد ممكن يقعد 10 او 20 الف كم تانى بس تحت الملاحظة
- تيل الفرامل بص علية علشان لازم تغيرة كفاية علية اوى كدة
- تربيط العفشة لازم وشى اساسى
- الكاوتش مش عارف لية حاسك منفضلة - فلو منفضله يبقى لازم تغيرة ضرورى

وعن تجربة شخصية لما تغير فلتر الهواء والبوجيهات وزيت المحرك هيفرق معاك ف العربية جدا

الاسعار قطع الغيار الاصلى من التوكيل
- بوجيهات 180 ج
- قلتر الهواء مش فاكر اوى بس اوائل المية 100 120 كدة
- زيت الفرامل 20 ج
- مياه التبريد 120 ج

ونصيحة منى ليك متهملش ف العربية علشان متكسفكش قريب هيا ماشاء الله لسة جديدة بس الحقها قبل ما تكسفك

تيل الفرامل مهم يتغير وده ليه مؤشرات من صوت ولمبة تابلوة وخلافة
اما سير الكاتينة لو فابريكة ممكن يشتغل معاك حتى 70000كلم بس فيه سيور تانية مهمة زى البور والدينامو والتكييف
ممكن بعد رمضان تغير السيور بس لازم تكون سيور اصلى ودى سعرها معقول من اى موزع معتمد والغيار بعد كده على 40000كلم فى اقصى تقدير
والله الموفق

استاذ Amr_86 انا هاعمل صيانة ال60000 كاملة ان شاء الله ، وال4 كاوتشات مغيرهم ياباشا عند 40000 ،، ده الا الكاوتش بصراحة ماتقلقش D:
وطبعا كلامك مظبوط وانا يعني كنت غيرت فلاتر هوا وبنزين بس في ورش ، لكن عمري مارحت توكيل وال60000 علشانها حاجة اساسبة فاقلت هاعملها في التوكيل بس مشكلتي كلها اننا في رمضان بس


بشكرك علي ردك جدا وان شاء الله هاخليني مع التوكيل