معنديش Art و عايزة أتابع ماتش الأهلي.. حد يعرف ازاي؟

**TaoTao** · 16-11-2008 07:31 PM

المشاركة الأصلية كتبت بواسطة OlaOsman

ندعولك يا تامر من غير قنوات كمان :)

هو بس بادئ الماتش من الأول، يعني همه لسه دلوقتي بيسنتروا لضربة البداية :K15:

هو صحيح بيبقى فيه تأخير من 5 لـ 10 دقايق عن الإرسال العادي .. نسيت اقول على العيب ده لا مؤاخذة

المهم مبروك للأهلي، القناة الأولى هاتذيع ملخص للماتش الساعة 8 وبعد نشرة 9

وشكرا ع الدعاء وعلى ذوقك يا علا هانم :)

**Dr.A.Nabil** · 16-11-2008 08:04 PM

انا قررت اني اشترك في الاي ار تي

النهارده انا صدري باظ من القعده في القهوه
كميه تلوث
وكله بيشيش وكله بسيدخن

اخر قرف
بصراحه لم استمتع بالماتش

واحد بيستعرض وسع رئتيه وينفخلك سحابه دخان في التلفزيون وتحس انك بتتفرج فوق السحاب

**2hmed_7osam** · 18-11-2008 02:32 PM

المشاركة الأصلية كتبت بواسطة ahmodium

واحد بيستعرض وسع رئتيه وينفخلك سحابه دخان في التلفزيون وتحس انك بتتفرج فوق السحاب

ههههههههههههههههههههههههه هههههههههههههههههه

انا اتدبست فمشاوير توصيل اخواتي ساعة الماتش قلت مش مشكلة اشغله عالشاشة ف العربية واكمله فأي كافيه او قهوة
واجيب القناة التانية ابص الاقيه مش متذاع

الشوارع كانت زحمة جدا جدا جدا اول موصلت اخواتي روحت راكن جمب اقرب قهوة وكانت كاملة العدد مفيش فيها كرسي اتفرجت على اخر تلت ساعه فالشوط التاني ونا واقف
طبعا فوق السحاب زي الدكتور احمد بالزبط

**د.أبونضال** · 21-11-2008 01:35 AM

هو الرد متأخر طبعا يا علا باشا لكن علشان في المستقبل تبقى عامله حسابك
فيه قناة فرنسية على الدش العادي نايل سات يعني اسمعا "5" بيقولو عليها "كانال سانك" ودي بتجيب كل ماتشات بطولات أفريقيا وأيام كاس العالم كانت بتجيب كاس العالم.
البطولة الجاية إن شاء الله شوفيها وادعيلي