الموضوع: يعني ايه العروسه جميله

تمام اوي

احنا قولنا ان الجمال ده شئ نسبي ... يعني انا مقولتش تتجوز واحده تقرف منها... انا قولت تكون ماليه عنيك وجميله ف نظرك ( مليش دعوه انها تكون جميله ف نظر الناس كلها) ... بعد كده الشخصيه المرحه... التفاهم... الحب... الارتباط... الحنيه...الدين... الاخلاق... وكل دووول مع بعض يخليك تستحملها طبعا

بس انا تكون شخصيه لطيفه وظريفه وجمالها ساحر سبب اني استحملها... لا يمكن

بص يا صاحبي ..سيدك النبي عليه الصلاة والسلام لم الموضوع كله اللي حضرتك عارضه هنا وفي حاجات تانيه كمان حضرتك ما ذكرتهاش في كلمتين ..لما قال الحديث المشهور ..

تنكح المرأة لأربع لمالها وجمالها وحسبها ودينها ..فاظفر بذات الدين تربت يداك

معلش أنا هفصل في الحديث شوية عشان فيه ناس فاهماه غلط ..يعني فاهمه إنك أهم حاجه تتجوز واحده صاحبة دين ومش مهم بقى لا جمال ولا فلوس ولا حسب ولا غيره ..طبعا الفهم ده منقوص وخطأ

النبي بيقولك مش عيب ومش حرام إنك تتجوز واحده عشان فلوسها ..حقك ...وما حدش يقدر يقول فيه حاجه ..على ألا يكون زواج مصلحه ..

وبيقول برضه مش عيب ومش حرام إنك تتجوز واحده عشان جمالها ..حقك ..وما حدش يقدر يقول فيه حاجه ..على ألا يكون زواج مصلحه

وبيقول برضه إن مش عيب ولا حرام إنك تتجوز واحده عشان حسبها ..يعني بنت فلان ومن عائلات علان ..برضه حقك ومحدش يقدر يقول حاجه فيه ..على ألا يكون زواج مصلحه

بس جه في آخر الحديث وخص حصولك على صاحبة الدين بكلمة الظفر ..وكلفة الظفر بدون الدخول في معناها من المعجم بتستخدم في حالات الفوز والنصر ..يعني تلاحظ إنه في الحديث كله قال إيه ..تنكح المرأة لكذا وكذا وكذا ..وجه عند صاحبة الدين وقال ..فاظفر ..يعني إكسب صاحبة الدين ..فوز بيها ..ده بالإضافة طبعا لتحقيق بقيت الحديث من تنكح لكذا وكذا وكذا

بص ..ببساطة ...إتجوز واحده عشان مالها وجمالها وحسبها ...كل ده عادي ..عادي ..معملتش حاجه جديده ..ما كله بيعمل كده ..لو عايز تفوز بقى ..ضيف على اللي فات دول صاحبة الدين ...يعني يا بخته اللي يتجوز واحده غنيه وجميلة وصاحبة حسب وعندها دين كمان ..وحتة عندها دين دي بقى ..هي اللي بتخليك منتصر أو فائز أو متفوق عن أي حد إختار أحد الإختيارات السابقة أو إختار أحدها ..

خلي بالك ..مالها وجمالها وحسبها ..دول أمور نسبيه ..بتختلف من واحد للتاني ..واحده معاها مليون جنيه بالنسبة لواحد معهوش 100 جنيه تعتبر مليونيره ..واحده معاها مليار جنيه بالنسبة لواحد معاه ميت الف جنيه تعتبر مليونيره ..الجمال برضه نسبي ..فيه واحده كده تلقى في قلب الرجل ما لا يلقي في قلب أحد آخر من الرجال ...برضه الحسب شئ نسبي ..يعني لو واحد مثلا فلاح يهمه قوي يناسب واحد صاحب أطيان ..ما يشغلوش قوي يناسب واحد صاحب مصانع ..مثلا يعني ..إيه بقى اللي مش نسبي في كل ده ولا يمكن الخلاف عليه ..لإن مقاييسه ثابته ومعاييره مش بتتغير ..هو الدين

أجمل واحده ..هي صاحبة الدين ...ما دون ذلك من مال وجمال وحسب فهي أمور يختلف عليها ما بين إثنين في نفس المكان

بكل بساطة

المهم انها تبقى عجباك و شايفها جميلة .. مش مهم خالص رأى الناس .. و مش مهم برضه مقاييس الجمال .. معلش محدش فينا هيعمل دكتوراة فى اييه اللى يخلى بنت حلوة او وحشة ..

الموضوع بسيط .. انت لما بتشوف واحدة بتعجبك كلها على بعضها جمال و روح و اخلاق و طريقة تعامل او متعجبكش .. مش مهم بقى الناس شايفاها ملكة جمال و لا وحشة .. ممكن تأخد برأى الناس بس فى اخلاقها و طرق تعاملها و تكون ناس ثقة و اتعاملت معاها فترة انما الجمال ده حاجة نسبية و كل المهم فى النقطة ديه انها تكون عجباك شخصيا كلها على بعضها

المشاركة الأصلية كتبت بواسطة mody1982

السؤال ده بدأت اسألي لنفسي النهارده
يعني ايه البنت دي جميله و عجباني و عايز ا تجوزها ؟ ( بتكلم من ناحيه الشكل )
يعني نقصد جمال وشها مثلا ؟برضه يعني ايه ايه صفات الوجه الجميل( التقاطيع المسمه و الانف و الفم الصغيرين ) طيب ما جنيفر انستون مناخيرها كبيره بوقها كبير و مناخيرها كبيره و في ناس بتعتبرها قمر
عينها واسعه او ملونه ؟
طيب بلاش الوش هي المقصود بالجمال الشعر الناعم الطويل؟
و لا ا لمقصود بالجمال الجسم الانثوي و لا الجسم ا لرفيع السمبتيك و لا ايه بالظبط
طيب الجميله هي اللي بشرتها بيضا و لا وسط و لا سمره
و لا الجميله هي ميكس من كل اللي فات
في مقاله كنت قريتها ان الجمال مرتبط بشكل هندسي بيترسم من الحواجب نزولا للعنيين التقاء بالانف و الخدين و الفم
مش عارف تقريبا بيقولك لو رسمت مثلث يقدر يمر بالمناطق دي هتبقي البنت دي جميله و هتعجب اي حد مهما كان تقاطيعها كبيره او صغيره

وقد قيل لا تكون المرأة حسناء حتى يبيض منها أربعة وهي اللون وبياض العين والأسنان والأظفار ويسود منها أربعة وهي شعر الرأس وشعر الحاجبين وأشفار العينين وسواد العين
ويحمر منها أربعة اللسان والشفتان والوجنات وثم ويتسع منها أربعة الجبهة والراحتان
والوركان والصدر ويضيق منها أربعة خرق الأنف وخرق الأذنين وشق الفم وثم ويطول منها أربعة القامة والعنق والقصب والأصابع ويضخم منها أربعة الساقان والوركان والعجز والكرب وهو منبت العانة ويقصر منها أربعة خطاها وطرفها ولسانها وذكرها.

كلام ابن الجوزي في ذم الهوى.

هذا كان ردا على تساؤلك عن مفهوم الجمال ( وقد تختلف الاذواق).

ولي مشاركه اخرى باذن الله بعد صلاة التروايح