يعني ايه العروسه جميله

**نادر احمد** · 02-07-2015 12:31 AM

مهما كانت الواحدة جميلة بعد فترة حتبقي بالنسبة ليك عادي
حديك مثال علي موضوع الجمال دا واللهفة علي حاجة , لما تشوف اي حاجة وتعجبك اوي وتبقي حتموت وحتشرتيها ,بعد لما تشتريها حتفرح بيها كام يوم وبعد كدا خلاص حتبقي عادي زي اي حاجة اشتريتها قبل كدا وادامك .

**Bassem Youssef** · 02-07-2015 01:40 AM

اتقالي حكمه محستش بمغزاها الا لما كبرت

لو اتجوزت هيفاء وهبي و بعد شهر عدت قدامك بمايوه و انت بتقري مجله عالم الحيوان ... صدقني هتكسل ترفع عينك من علي المجله

فعلا ... الواحد لما بيتعود علي جمال معين بيحس انه بقي شئ عادي

**volociximab** · 02-07-2015 01:56 AM

عشان كده بيقولوا الى بيتجوز تانية بيحن للاولانية ههههههههههههههههههههههههه هههههههههههههه

**Mecha** · 02-07-2015 02:00 AM

المشاركة الأصلية كتبت بواسطة punisher

لو عايز تتجوز جميله واموره وكيوت... من الاخر اللي يشوفها معاك عينه تطلع عليها... تأكد انها هتكون متسلطه ومعووجه والعيشه معاها تقرف ومتقلعهاش من رجلك... ده غير انك لو معكش فلوس مش هتبوصلك او هتبوص لغيرك..

معلوم معلوم ,قرد يسليني ولا غزال شارد

**Abo_Mazen** · 02-07-2015 09:20 AM

المشاركة الأصلية كتبت بواسطة Mecha

معلوم معلوم ,قرد يسليني ولا غزال شارد

أيوه صح ..ويا واخد القرد على ماله ...يروح المال ..ويفضل القرد على حاله

**Mecha** · 02-07-2015 03:02 PM

المشاركة الأصلية كتبت بواسطة Abo_Mazen

أيوه صح ..ويا واخد القرد على ماله ...يروح المال ..ويفضل القرد على حاله

القرد معاه مال افضل م القرد الاشفور .صحيح اللي مربي قرد عارف لعبو.
انما ايه الصوره داين.

**ibrahim sallam** · 02-07-2015 04:50 PM

المشاركة الأصلية كتبت بواسطة mody1982

مستني مشاركتك الاخري يا استاذ ابراهيم

بعتذر عن عدم مشاركتي بالآمس لانشغالي فمعذرة منك.

قيل لي قبل زواجي أن الجمال ليس بالمقام الآول والعجيب أني مقتنع جدا بهذا الكلام بل من وجهة نظري لايوجد عاقل يقول خلاف ذلك فكان ردي على هؤلاء اي نعم ليس بالمقام الآول لكنه شيء مطلوب ومرغوب فمثلا عندما تكون إمرأه ذات خلق وجميله أفضل من إمرأه ذات خلق فقط وكلما ضفت صفه للمرأه تكون أفضل.

الحقيقه أن هذا صراع باطني نفسي بحت وللشيطان مدخل فيه بمعنى توسوس لك نفسك بالتغاضي عن أشياء نظير لهفك وشغفك بالعثور على إمرأه جميله!

ومن خلال تجاربي إتضح بما لايدع مجال للشك أن خلق البنت وحسن تربيتها وحفظها لزوجها وادبها فضلا عن دينها وتمسكها به هذه الاشياء لاغنى عنها مطلقا وتطغى على الجمال فالبحث ابتدءا يكون بناء او من منطلق هذه الاشياء لاغير ولو عثرت على بنت تحمل هذه الصفات يقينا ومقبوله عندك فلا تتردد في اقتناءها فهي نفيسه وعزيزه ونادره.

والجمال أصلا ذوق متفاوت من شخص الى أخر فمن أراها جميله ربما تجدها مقبوله عندك وهكذا.

فنصيحتي اقتني ثم اقتني ثم اقتني بمن تسعدك بدينها وخلقها ثم تسرك بشكلها.

**waleed alsudy** · 03-07-2015 08:12 AM

الرسول صلى الله عليه وسلم فيما معناه
ان المراءه تنكح لاربع جمال ومال ودينها ونسبها
فاظفر بذات الدين تربت يداك
المقصود ان المال بيروح والجمال يفني لكن الباقي هو دينها مسلمه محافظه على الصلاه كذا
ومش معنى كلامي ان تاخد واحده وحشه فقيره ملهاش نسب لا كل حاجه بردو بالمعقول بس وانت بتبص شكلها ايه ووعندها كام وبنت مين تشوف بردو بتصلي بتصوم تعرف ايه عن ربها عن السنه عن الدين علشان هيا اللي هتكون معاك وهيا الوحيده اللي هتربي اولادك فياترا هتربيهم على الفضيله ولا الرذيله

**JOHN YOUSSEF** · 07-07-2015 03:57 PM

مع احترامى لكل اللى بيقولوا ان الاخلاق و الدين افضل
و دا طبعا شىء بديهى و انا موافق عليه
بس صدقنى صدقنى لو كنت عاوز بنت بمستوى جمال معين مش هتقدر تتنازل
و ممكن تخطب و تفك 100 مرة لغاية لما تلاقى اللى ترضيك و ترضى عينيك
و غالبا الجمال مع قوة شخصية البنت و ثقتها بنفسها بيديك حالة ممتازة من الرضا
اما الجميلة الخانعة الضعيفة الشخصية فلن تثيرك ابدا

و برده انا مش مع اللى بيقول انك هتزهق من البنت
لانها لو جميلة هتبقى متجددة و بالذات لو كانت صاحبة شخصية

وفقك الله