يعني ايه العروسه جميله

**mody1982** · 01-07-2015 02:42 AM

السؤال ده بدأت اسألي لنفسي النهارده
يعني ايه البنت دي جميله و عجباني و عايز ا تجوزها ؟ ( بتكلم من ناحيه الشكل )
يعني نقصد جمال وشها مثلا ؟برضه يعني ايه ايه صفات الوجه الجميل( التقاطيع المسمه و الانف و الفم الصغيرين ) طيب ما جنيفر انستون مناخيرها كبيره بوقها كبير و مناخيرها كبيره و في ناس بتعتبرها قمر
عينها واسعه او ملونه ؟
طيب بلاش الوش هي المقصود بالجمال الشعر الناعم الطويل؟
و لا ا لمقصود بالجمال الجسم الانثوي و لا الجسم ا لرفيع السمبتيك و لا ايه بالظبط
طيب الجميله هي اللي بشرتها بيضا و لا وسط و لا سمره
و لا الجميله هي ميكس من كل اللي فات
في مقاله كنت قريتها ان الجمال مرتبط بشكل هندسي بيترسم من الحواجب نزولا للعنيين التقاء بالانف و الخدين و الفم
مش عارف تقريبا بيقولك لو رسمت مثلث يقدر يمر بالمناطق دي هتبقي البنت دي جميله و هتعجب اي حد مهما كان تقاطيعها كبيره او صغيره
طيب الواحد لما يجي يختار يتجوز يعمل ايه يختار الجميله
طب فايده الجمال ايه يا جماعه غير ان الواحد يبص ليه بقصد جمال الوش يعني
هيفرق في ايه بعد الجواز
حد فاهمني؟

**Bassem Youssef** · 01-07-2015 02:53 AM

الجمال نسبي

لو شايفها حلوه اتجوزها

غير كده اصرف نظر

**accord** · 01-07-2015 03:12 AM

من رحمة ربنا ان الجمال نسبي واذواق مختلفة بين البشر

**punisher** · 01-07-2015 04:18 AM

لو عايز تتجوز جميله واموره وكيوت... من الاخر اللي يشوفها معاك عينه تطلع عليها... تأكد انها هتكون متسلطه ومعووجه والعيشه معاها تقرف ومتقلعهاش من رجلك... ده غير انك لو معكش فلوس مش هتبوصلك او هتبوص لغيرك... ده طبعا بأستثناء لو واحده زي القمر وتكون متدينه ومؤدبه ومتربيه... لو لقيتها بقي

الجمال نسبي... اللي انتا شايفها صاروخ ممكن واحد تاني شايفها معفنه...

الجمال الشكلي هتنبهر بيه ف الاول بعد كده خلاص هتتعود عليه... زي المحروم من اللحمه كده... اكله كل يوم لحمه هيقولك نفسي ف طبق فووول

الجمال ف نظري ان روحها تكون جميله ده بجانب ان شكلها يكون مقبول بالنسبالك ... غير كده يبقى الستات كلها مش هتملي عينك

يعني كمثال انجلينا جولي... عليها شفايف واااو... انا عايز اقولك اني بقرف منها.. هتقول ازاي... هقولك كل واحد وليه زوقه واللي يبهرك ميبهرنيش... قيس ع كده بقي

**ESO101** · 01-07-2015 04:32 AM

المشاركة الأصلية كتبت بواسطة punisher

لو عايز تتجوز جميله واموره وكيوت... من الاخر اللي يشوفها معاك عينه تطلع عليها... تأكد انها هتكون متسلطه ومعووجه والعيشه معاها تقرف ومتقلعهاش من رجلك... ده غير انك لو معكش فلوس مش هتبوصلك او هتبوص لغيرك

إيه سبب الفكرة دي ؟
يعني لو وحدة حلوة مش لازم تبقى شخصيتها بالسوء دا
إيه الرابط بين الجمال والتسلط
اللي أعرفه إن الجميلة مهما عملت هتتقبل منها .. بس لو مش جميلة هتبقى مش طايقها
فالجمال له ميزة إنك هتبقى مبسوط منها وعمايلها كلها هتبقى على قلبك زي العسل

**punisher** · 01-07-2015 04:52 AM

لو لاحظت هتلاقي ان ف اخر الجمله استثنيت البنت المؤدبه والمتدينه والمتربيه كويس... دي تبقي نعمه لو كانت من نصيبه

سواء جمالها زايد عن اللزوم... او هيا ف عينه جميله... ف ده هيخليه يستحملها

نقطه اني استحمل واحده عشان مجرد انها جميله... دي ف نظري اني اعيش معاها زي العبد.. مهما عملت ف انا راضي ومتقبل اللي بتعمله رغم انه مش علي هوايا... تفتكر دي عيشه؟

**عﻻء سالمان** · 01-07-2015 04:59 AM

مفيش واحدة مفهاش عيب وﻻ مشكلة..والى بتعرف تلعب باﻻلوان تاكد انة برة بس يعنى فى المستقبل مش هيكون جوا البيت الشكل الجميل .. تسال نفسك فى الشفايف الواو كلتها القطة؟ فين الحواجب المعرفش اية دى طلعت من غير حواجب.. فين العيون ام كحلة تجنن فين الشياكة وفين البرفان الساحر و...كل دة فشنك..وهيبقى عشان تفضل جميلة برة البيت فى عيون غيرك بعد الجواز ..خليك لماح وشوفلك وحدة محترمة من اصل طيب لوالدين ترتاح معاهم ﻻن الحياة فى مجملها جدية وقناعة وخدمة بحب ورعاية مستمرة ونسمات جديدة وضعيفة بتغير كل حاجة فى سكتهاانتا محتاج واحدة تعلم و تربى مش واحدة لسة عاوزة تتعلم و تتربى

**punisher** · 01-07-2015 05:05 AM

المشاركة الأصلية كتبت بواسطة عﻻء سالمان

اانتا محتاج واحدة تعلم و تربى مش واحدة لسة عاوزة تتعلم و تتربى

الله ينور عليك

**ESO101** · 01-07-2015 05:05 AM

المشاركة الأصلية كتبت بواسطة punisher

لو لاحظت هتلاقي ان ف اخر الجمله استثنيت البنت المؤدبه والمتدينه والمتربيه كويس... دي تبقي نعمه لو كانت من نصيبه

سواء جمالها زايد عن اللزوم... او هيا ف عينه جميله... ف ده هيخليه يستحملها

نقطه اني استحمل واحده عشان مجرد انها جميله... دي ف نظري اني اعيش معاها زي العبد.. مهما عملت ف انا راضي ومتقبل اللي بتعمله رغم انه مش علي هوايا... تفتكر دي عيشه؟

بس يعني كأنك عممت وعملت إستثناء وكأن نادر ماتبقى جميلة ومش متسلطة
عمومًا
هتلاقي نفسك بتتقبل منها اللي صعب تقبله من غيرها
ممكن تكلمها بحزم لما تلاقيها تمادت بس الجميلة مايتزعلش منها بصراحة
ومش حكاية عبد .. مفتكش هيكون عندك القدرة إنك تزعلها وخصوصًا لو روحها حلوة ومتفاهمين
وأقصد الجمال الطبيعي مش الميك أب .

**punisher** · 01-07-2015 05:15 AM

والله من الواقع اللي بنشوفه مش هقولك ان هيا قمه ف الجمال... دي لو جمالها مقبول بتلاقيها شايفه نفسها كأنها ملكه جمال...

اللي حضرتك بتقوله انا متفق معاه بس من وجهه نظر تانيه... اولا مترتبطش ب واحده انتا شايف انها وحشه او مش ماليه عينك بالمعني الاصح... تاني حاجه لو فيها بينكم حب وموده وتفاهم ده اللي هيخليك تستحملها لو غلطت عشان هيا ف الاخر انسانه وليها اخطاء... بس مش جمالها اللي يخليني استحملها... الجمال بند مهم بس مش بند اساسي

اتمني تكون فهمت وجهه نظري

الموضوع: يعني ايه العروسه جميله

LinkBack

أدوات الموضوع

عرض

-

-

-

-

-

-

المواضيع المتشابهه

سن العروسه

ساعدوووونى فى تجهيز العروسه

ادخل فنون جميله ولا اكادميه فنون جميله

طريقه جميله فى تلميع الطبلوه وتجعل رائحته جميله

اشتريها ولا لاء - النصيحه يا أهل العروسه

الكلمات الدلالية لهذا الموضوع

المفضلات

المفضلات

ضوابط المشاركة