تغيير جوان وش السلندر بنفسى عربية ايديا صينى الموتور سوزوكى

السلام عليكم
عندى سخونة فى العربية وعرفت ان قبل مااشتريها مباشرة كان معمولها جوان وش سلندر لاكن الميكانيكى ماوداش الوش للخراط ركب 2 جوان على بعضهم وقفل وانا اعتقد ان ده سبب السخونة فبففكر افك بنفسى جوان وش السلندر واوديه للخراط يكشف عليه واركب الجوان بنفسى وان شاء الله هعمل صور للموضوع ليفيد الجميع بس ربنا يوفقنى ومااغلطش فى حاجه ولو فى حد من المنتدى عنده معلومات عن العدد اللازمة للفك والخطوات ياريت يقولى والاحتياطات كل خبرتى انى اعشق الفك والتركيب من صغرى والقراءة على الانترنت شفت موضوع فى منتدى روسى وان شاء الله همشى زى ماقريت لاكن الموتور مختلف عن موتورى اللى كان عليه الشرح
ايه رئيكم فى اتخاذ الخطوة دى؟؟؟
وكل عام وانتم بخير بمناسبة الشهر الكريم

بالتوفيق إن شاء الله

بس المشكلة مش فـ فك الوش وتركيب الجوان متهيالي في تفاصيل كتير صعبة

زي الجزء بتاع تركيب سير الكاتينه تاني لان له شده معنيه وأي غلطه فيه بمشكلة

وهل حضرتك عندك الأدوات كلها ؟ ..

مش عارف أشجعك ولا أخوفك بصراحه بس انا متابع معاك ..

وياريت لو ترفعلنا صورة للموتور قبل ماتعمل حاجة عشان لو حد شايف حاجة المفروض تاخد بالك منها يقولهالك.

هو الأفضل إن تكون المكنه دي إتفكت قدامك قبل كده ..عشان تبقى عارف كل حاجه بتركب فيه وإيه اللي بيتفك بعد إيه ..أنا شفت الميكانيكي لما كان بيفك الهيد عندي ..العملية عامله زي المكعبات ..أو زي قوالب الطوب بتاعة الحيط ..بتتفك برصه معينة وترتيب معين وبعدين بتركب بعكس الرصه اللي إتفكت بيها ..حكاية برضه الربط على مسامير الهيد ..إما يكون معاك مفتاح عزم وتكون عارف الرقم اللي هتشد بيه ..أو تكون إيدك حساسه ناحية الرباط ..عشان مفيش مسمار يتكسر أو ممكن الوش نفسه يتشرخ