كبوت الماروتي

**Abu mazen** · 01-07-2015 09:04 PM

العربيه ماروتي قفل الكبوت بيفتح لوحده وانا ماشي لما باخد اي حفره او مطب خفيف اعمل ايه

**Abo_Mazen** · 02-07-2015 10:25 AM

روح لسمكري يبصلك عليه ..الموضوع ده شكله شائع في الماروتي ولا إيه ؟؟؟؟!!!!

**alking_2006** · 02-07-2015 11:10 AM

روح بسرعة لسمكرى علشان حصلت معايا قبل كدا و الكابوت فتح و انا سايق و قفل على الزجاج الأمامى و كنت سايق على 80 و مش شايف و ستر ربنا اللى خلانى اقف بالعربية من غير ما اخبطها

**Abu mazen** · 02-07-2015 02:01 PM

شكراً ليكم وانا ه؛ وف سمكري واعمله

**Mecha** · 02-07-2015 03:35 PM

فيه رجلاش للاتش عند القفل اضبطه بمفتاح 10 ملي

**احمد كامل** · 04-07-2015 11:26 AM

انا كان عندى نفس العيب و رحت لبتاع ابواب و ضبطلى القفل
الموضوع بسيط ماخدش ربع ساعة

**karim kemo** · 05-07-2015 02:55 AM

فيه مسمار ف الكبوت نفسه المسمار اللي فيه السوسته لفه سنتين و اقفل الكبوت جامد و حاول تحركه يمين و شمال بايدك لو مفتحش تاني يبقي اتظبط

**msa142** · 05-07-2015 04:49 PM

اظبطه بنفسك محدش هيفهم عربيتك غيرك كل الى هتحتاجه مفتاح 10 ومفك عاده او صليبه هتظبط المسمارين الى ماسكين لسان الكبود والسوسته هتقرط عليها او ترخى عليها على حسب الكبود وجرب وحاول بنفسك وحاول انك تظبط الكاوتشتين الى على اليمين والشمال على اقل وضع عشان تعرف تظبط الكبود وابقى رجعهم بعد ماتخلص

**ريمون سلامه** · 06-07-2015 02:04 AM

الموضوع ده هيجنني والله رحت ل 3 بتوع ابواب وبرضو الكبوت بيفتح وكل واحد يقولى هو ازاى بيفتح و كل مايحاولو يفتحوه بايديهم يلاقوه مبيفتحش امشي من هنا والاقيه فته مش عارف اعمل اى

**karim kemo** · 06-07-2015 04:38 AM

يا باشا اظبط المسمار اللي فيه السوسته لفه بايدك ياما تربطه سنه او تفكه سنه لحد متأكد ان الكبوت مش هيفتح تاني

ولو عايز تعرف هيفتح مع المطب او لا امسك الكبوت و هو مقفول من بين الشبكه و الكبوت و هاته يمين و شمال لو فتح

يبق المسمار متظبطش العب فيه تاني لحد متلاقي الكبوت مبيفتحش ولا بالطبل البلدي انا مجربها وعملتها في عربيتي