السلام عليكم
سلك قفل الكبوت اتقطع ففتحت الكبوت بصعوبة و غيرت السلك ولكن فصل من ناحية القفل تانى
والأكرة سايبة والكبوت مش راضى يفتح تانى
فهل فيه حل للموضوع ده و أجيب صنايعى ايه بالضيط لحل الموضوع ده ( يعنى ميكانيكى ولا سمكرى ولا ايه ) لكم جزيل الشكر
عرض للطباعة
السلام عليكم
سلك قفل الكبوت اتقطع ففتحت الكبوت بصعوبة و غيرت السلك ولكن فصل من ناحية القفل تانى
والأكرة سايبة والكبوت مش راضى يفتح تانى
فهل فيه حل للموضوع ده و أجيب صنايعى ايه بالضيط لحل الموضوع ده ( يعنى ميكانيكى ولا سمكرى ولا ايه ) لكم جزيل الشكر
سمكرى
صنايعى ابواب ومفاتيح
سمكري ..أو بتاع أبواب
شكرا للسادة الأعضاء للاهتمام والرد
ده السمكري يفتحه في 10 دقايق متقلقش !!
السلام عليكم
معلش يا جماعة هو السمكرى هيقص حاجة فى الصاج ولا حيفتحه ازاى والمشكلة التانية انى كنت فاصل قطاش البطارية الموجب قبل ما أقفل الكبوت يعنى العربية لا بتروح ولا تيجى يتفع السمكرى ييجى و يفتح بعدته لأن العربية ما بتمشيش ولا الفتح هيبقى ازاى بالضبط
انا أسف يا جماعة بس دى أول مرة تصادفنى مشكلة زى دى ومخليانى والله ماليش نفس أركب العربية
لكم جميعا جزيل الشكر
السمكرى او بتاع الابواب يفتحه بسهوله
انت لو جبت حديده ورفعته بايدك من الجنب وحطيت الحديده قرب منتصف الكبوت وقرصت عليه هيتفتح
حاجه تانيه لو رفعت الكبوت من الجنب ومديت ايدك ممكن تلاقى جزء من السلك تشده عليك هتلاقى لسان الكبوت اتفتح
استقرب اى سمكرى او بتاع ابواب ووديه العربيه زق لو مرضاش يجى
تجيب صنايعي بتاع مفاتيح هو هيفتحه هيشد الواير من تحت وبعد كدا هيسحبه وهيمدلك واحد تاني ويركبه زي الاول بس وانت عنده جرب مره واثنين شوفه مشدود كويس ولا شاده جامد ولا مرخيه
السلام عليكم
كل الشكر للسادة الأعضاء لاهتمامهم ومشاركتى المشكلة
الحمد لله اتحلت المشكلة أخدت بنصيحة الأستاذ الفاضل /amr011111 وفتحت الكبوت من الجهة اليسرى بأقصى عزم وسندت بخشبة سميكة ومديت ايدى ومعايا زرادية وشديت طرف السلك ( قطعة صغيرة ناحية القفل ) وفتحت منها الكبوت وعملت واير شديد وربطه كويس وعملت سلكة سميكة وجامدة احتياطى جنب الواير عالطول أولها شابك فى لسان القفل وأخرها تحت فتحة هواية الكبوت مباشرتا عشان لو الواير قطع لا قدر الله تبقى دى احتياطى وممكن أزقها بالمفك تقوم تفتح الكبوت
والحمد لله جربت كذا مرة الواير والسلكة الاحتياطية وكله تمام والحمد لله
لسة مخلصها حالا والحمد لله
شكرا لكل السادة الأعضاء لمشاركتهم
وكل عام وحضراتكم بألف خير
وبارك الله لكم فى سياراتكم وفيما رزقكم