عرض للطباعة
بسم الله الرحمن الرحيم
ان شاء الله هشتري اوبل فيكترا 94 اوتو 2000 سي سي
عايز اعرف مميزاتها وعيوبها وهي مفيهاش مشكله غير ان التكييف بتاعها عايز يتشحن والاضاءه بتاعه العداد صاحبها بيقولي لما بغسل الموتور الاضاءه بتعلق وبعدين بتشتغل
ومتوسط سعرها كام خصوصا ان المواضيع اللي ف المنتدى عن الفيكترا قديمه واسعار من اواخر العشرينات الي اوائل التلاتينات والعربيه صاحبها طالب 40000
:E_braces[1]:وشكرااااا جدا لكل الاعضاء وللمنتدي الاكثر من رائع:E_braces[1]:
كانت معروضه عليا في 2013 ..أوبل 94 أوتو 2000 سي سي وكان مطلوب فيها 34 ..مكانش فيها الهوا ..والتكييف كان فيه شغل ..هو على كلام صاحب العربية عايز يتشحن ..بس عايز يتشحن دي بالنسبة لي يعني فيه شغل
ربنا يوفقك و تلاقى حاجة كويسةاقتباس:
المشاركة الأصلية كتبت بواسطة seal team
بس عاوز انصحك حاجة عموما فى موضوع التكييف - مفيش حاجة اسمها عاوز يتشحن اما تكييف شغال تلاجة او العربية غير مكيفة لان فيه عيوب كتير بتبقى فى دائرة التكييف و بتبقى مكلفة جدا و خلى بالك ممكن يقولك و انت بتشتريها نشحن التكييف و وفعلا تجربه تلاقيه كويس بعدها بفتره تلاقى سرب فريون و تدخل فى قصه طويله ف خلى بالك
الحاجة التانيه السعر ده عالى جدا يعنى لازم العربية كده ميبقاش فيها الهوا يعنى حالة شاذة زى مبيقولوا لانك لو حطيت كمان 5 الاف جنيه تاخد فيكترا بى معقولة
بما انها 2000 سي سي يعني بتحرق بنزين كتير علي ما اظن
في الاوبل لازم تخلي بالك من العفشه و طلمبه البنزين
الالماني المستعمل لازم يكون علي التكه و الا هتصرف كتير
بالتوفيق ان شاء الله
شكرا للافاده اخي الكريم انا خدتها ع 36اقتباس:
المشاركة الأصلية كتبت بواسطة abo_mazen
اخي الكريم علاء شكرا جدا للافادهاقتباس:
المشاركة الأصلية كتبت بواسطة علاء طولون
هو فعلا قال هيشحن التكييف
هي العربيه مش حاله شاذه بس في بارومه في صاج العربيه من تحت حاجه بسيطه وهيعملها ولحام صغير في الكارتيره مع الحوض
وخدتها ب 36
ايه كده كويس ولا:b4_592:
شكرا اخي الكريم للافادهاقتباس:
المشاركة الأصلية كتبت بواسطة باسم يوسف
لسه عامل لها عفشه وطلمبه البنزين زي الفل
ربنا يستر وان شاء الله مفيش صرف ولا حاجه
شوف اولا بغض النظر عن اللي هو قالو وعن السعر قبل اي حاجه لو لازماك يبقى تفصصها يعني اكشف على المكنه والفتيس والعفشه كويس جدا والتكييف يشحنهولك وتجربه وانت واقف وانت ماشي وموضوع اضاءه الطابلوه تروح لكهربائي محترم يعرفلك ايه السبب يعني مش علشان موديلها قديم تكسل تعمل الحجات دي الاوبل لو مش جبته مظبوط من الاول هتتعب فيه وبعدين موضوع 40 الف كتير سعرها حاليا يعني لو مفهاش مسمار في اوخر الثلاثينات لاحظ كلامي لو مفهاش مسماار وربنا يوفقك