الموضوع: ساعدوني اشتري سيراتو فئة تانيه خليجي ام كروز ام ريو هاي لاين

أولاً خلينا نتفق على ان اختيار العربية بيعتمد بشكل كبير على الراحة النفسية.....
وكل الآراء ال هتسمعها (بما فيها رأيى) بتعتمد على التجربة الشخصية لكل واحد.....
انا شخصياً برشح السيراتو بشدة ، على الرغم من انى اكثر واحد في مصر معجب بالكروز....
ودى بيرجع للأسباب الاتية من وجهة نظرى وعلى قد علمى :
1- الكروز موديل قديم ، وشكل شغال من اكتر من 6 سنين ، والتغير التم عليها محدود ( فوانيس الشبورة/الموتور..). يعنى احتمال كبيييييييييير هتغير شكل قريب.
حرام تشترى زيرو لموديل شغال من 2008... اشتريها مستعمل افضل لو حاببها قوى.
2- الصيانة عند منصور (حدث ولا حرج) تجربتى معاة في عربية اوبل كانت اهم سبب لبيعى العربية.
3- اعادة البيع (تقيلة وبتخسر كتير).
4- موديلات 2009 /2010 كانت فيها مشاكل فتيس وتكييف(وتم تعديلها في الموديلات الاحدث).

تجربتى مع الكروز كانت بداية عام2014 قبل ما اشترى السيراتو.. اشتريتها مستعمل موديل 2010 وكانت عاملة 40الف كيلو.. استخدام سيدة. وبعتها بعد شهر وخسرت فيها اكثر من 2000جم على الرغم من انى كنت شاريها بسعر كويس ، لاكن حمدت ربنا انى طلعت منها.
(طبعاً موش شرط الحصل معايا يكون حصل مع كل ال اشتروها - زى ما قلت ليك في الأول كل واحد بيبنى رأية حسب تجربتة).

بعد ما اشتريت السيراتو وركبتها ، اقدر أقول لك الفرق كبييييييييييييييييييييييي يييير في كل حاجة.
علشان كدة برشحلك السيراتو ولو حابب الكروز بلاش تجيبها زيرو. علشان لو حبيت تطلع منها متخسرش كتير.