الموضوع: اتصال من نيويورك

المشاركة الأصلية كتبت بواسطة إنسانة

^
^

شوف احصائيات سجون فرنسا وهتعرف مين معظم "النزلاء" فيها وايه اصولهم وقارن نسبتهم في السجون بنسبتهم من مجموع السكان

عارف قصدك ايه وعارف ان اغلب المهاجرين من النزلاء ولكن في ناس من اصحاب البلد بيعملوا كدا
ووجهه نظري اللي عايز اوصلها ان بره مش جنه , اه التعاملات احسن ولكن برضوا في سرق ونصب واغتصاب .
لازم الواحد يبقي موضوعي
لا مصر نار ولا الغرب جنه

المشاركة الأصلية كتبت بواسطة نادر احمد 5

عارف قصدك ايه وعارف ان اغلب المهاجرين من النزلاء ولكن في ناس من اصحاب البلد بيعملوا كدا
ووجهه نظري اللي عايز اوصلها ان بره مش جنه , اه التعاملات احسن ولكن برضوا في سرق ونصب واغتصاب .
لازم الواحد يبقي موضوعي
لا مصر نار ولا الغرب جنه

مقارنة بالدول العربية العيشة هنا جنه ونص ومش معنى كدا خاليه من السلبيات فيه سلبيات بس ايجابياتها اكتر

الناس دي اجتهدت ووصلت ومش ملايكة فيهم الوحش

المشاركة الأصلية كتبت بواسطة إنسانة

مقارنة بالدول العربية العيشة هنا جنه ونص ومش معنى كدا خاليه من السلبيات فيه سلبيات بس ايجابياتها اكتر

الناس دي اجتهدت ووصلت ومش ملايكة فيهم الوحش

الله ينور عليكي ناس اجتهدت مش قاعدة ليل نهار تشتم في البلد وقاعدة حاطه رجل علي رجل ومش بتشتغل وبتشتكي .
او ناس بشتغل وبتعمل مشاريع وبتهرب من الضرائب وبعدين بيشتكي من الخدمات في مصر ومن الرشاوي .
الناس بره دفعوا ضرائب واشتغلوا بجد واجتهدوا علشان كدا حصدوا وعلشان كدا الحكومة بقي عندها فلوس تعمل شوارع نضيفة وتوفر للعاطل وظيفه او تديله بدل بطالة .
زي ما عملتي مقارنة من مستوي المعيشة بره وبين الدول العربية
اعملي مقارنة بين سعر البنزين والخدمات اللي بتقدمها الحكومة بره وفي مصر
قارني سعر البنزين في امريكا وسعره في مصر
قارني كام واحد بيدفع ضرائب في امريكا وكام واحد بيدفع في مصر ونسبتها كام
قارني كل دول وغيرهم وانت تعرفي الحكومة والبلد وصللت للي هي في دا ازاي

عارفه مره كنت قاعد مع واحد في احد المحلات من سنه ايام من الكهربا كانت كل شويه تقطع وقعد يشتم في الحكومة وفي وسط الكلام بيقلي علشان كدا بقالي سنه مش بدفع كهربا
تخيلي سنه مش بيدفع كهربا وكمان مش عجبه انه الحكومة بتقطع الكهربا كل شويه
شوفت الفرق بقي فين
النوع دا من البشر اللي دايما بيشتم في بلده وفي حكومته هو اول واحد سارق خيرها وهو احد اسباب تدهورها