السلام عليكم يا شباب
كنت عايز اجيب نور زنون
يا ريت اعرف سعره كام واللمض لوحدها ولا اللمض والمكنه بتاعتو
وصينى ولا ايه؟
عرض للطباعة
السلام عليكم يا شباب
كنت عايز اجيب نور زنون
يا ريت اعرف سعره كام واللمض لوحدها ولا اللمض والمكنه بتاعتو
وصينى ولا ايه؟
بييجى مكنتين ولمبتين وكله صينى واسعارهم بتبدأ من 500 جنيه
نصيحة بلاش
اولا ...بيأذى اللى قدامك
ثانيا ...الفرق مش رهيب ممكن باللمبات الزيبق تشوق كويس برضو
ثالثا...انا شخصيا بحسبن على اللى بيضرب نور زينون فى عينيا وبدعى علية....
تحب حد يدعى عليك؟؟
نصيحة بلاش تركبهم
ياجماعة انا مش فاهم مكبرين موضوع الزينون كده ليه
ويعني ايه بتحسبن وبتدعي مش فاهم بجد في ايه
السيارات الحديثة معظمها بتنزل زينون
وقريب جدا كل السيارات هتكون زينون
بس المشكلة الوحيدة ان فيه ناس بتركبه عن جهل على فوانيس عادية مفيش فيها عدسات فده اللي بيخلي نورها مشتت وقوي في عيون اللي جاي من ادامه
ياعم دة رايى وانت حر
بس لما تشوفنى متضربش فلاش زينون عشان مدعيش عليك
وانا دعوتى مستجابة
عايز تركب زينون صح لازم تركبله عدسات علشان ميعميش الناس
و عيز في حدود ال 500 جنيه تكه واحده يعني عالي بس
هات hid
الف شكر يا شباب على المعلومات الحلوة دى
اولا انا معايا بيجو 205 والعربية دى النور بتاع ال128 احسن منها
علشان كدة عايز الزينون مش اكتر وبعدين انا مش هفضل مشغلو فى وسط البلد
بس الفكرة يكون فارش السكة كلها بليل
وممكن اعرف العدسات اجيبها منين؟
وعلى فكرة انا جبتلها فوانيس جديدة واعلى لمض زيبق
بردو مفيش فايدة:k17:
انا لسه مركب زينون عالى وواطى مشكلته انه عشان يديك اضاءه كويسه لازم تكون اللمبه سخنه وعشان تسخنها تفضل منورها 10 ثوانى ولا حاجه (مفيش مشكله على الواطى لانك بتفضل منوره و بتطفيه شويه و تنوره على طول) المشكله على العالى لما تيجى ترعش لحد!!! بتلااقيه ضعيييييييف و ياسلام لو احتجت تنور العالى فجاه عشان الطريق ضلم او حد ضرب نور فى عينك برده هتلااقيه ضعيييييييف فبلااش تركبه على العالى عشان هيتعبك فى الرعاش لان اللمبه بتبرد بسرعه يعنى فى خلال 10 دقايق بتكون ودعت.
بالنسبه للاسعار انا جبته كورى ضمان سنه ب 800 جنيه على الواطى(35 وات) و ب 950 على العالى (55 وات و ده لما بيسخن بيكون قوى جدااااااا) وعربيتى عدسات عشان محدش يشتكى من انه بيوجع العين و فعلا العدسات بتخليه يفرش على الارض .انا اشتريت من محل فى اسكندريه فى سموحه اسمه لو جراج و ده موزع ارابكوم و كمان الضمان ضمان ارابكوم.
انا اسف على الاطاله بس انا كنت بحاول اشرح بالتفصيل عشان الاعضاء تستفيد .
لو عندك اى استفسار انا تحت امرك
اضاءة الزينون مش مجرد ضوء قوى و خلاص دا نظام متكامل مكون من الآتى:
1. لمبات ذات طبقة زجاجية مزدوجة بها كبسوله تحوي الغازات المشتعله مثل غاز الزينون و الصوديوم .
2. محولات كهربائية وظيفتها المحافظة على تزويد اللمبات بالطاقه اللازمة أثناء التشغيل.
3. بادئات كهربائية وظيفتها تزويد اللمبات بالطاقه الكهربائة لحظة بدئ التشغيل.
4. ضفيرة كهربائية و مرحلات و ظيفتها ضمان تغذية كل من المحول و البادئ بالكهرباء.
و كفاءة الاضاءة الزينون تعتمد على بعض العوامل الأخرى
فاذا أردت الحصول على اضاءة تعادل ثلاثة أضعاف اضاءة الهالوجين العادى
(السبب اللى بيخللى الناس تركب زينون أصلا)
فيجب أن تفهم تناسب قوة الضوء و جودة توزيعة طردياً مع مساحة السطح العاكس للمصباح الأمامي و نظافته و عمره
فكلما زادت مساحة العاكس و كلما كان نظيفا و جديداً زادت قوة الإضاءة و وإزدادت جودة توزيع الإضاءة الساقطه على الأرض و بالتالي كانت القيادة ليلاً أكثر راحة و أمانا.
و بما أن السيارة بيجو 205 فلا أنصحك بتركيب الزينون بها الا اذا كان الغرض الوحيد انك تعمى الناس فى الشارع
(هتلاقيها ممتازة فى الغرض دا لأن نسبة التشتيت هتبقى عالية جدا)
بس فى المقابل كجودة اضاءة للطريق هتحس انك انضحك عليك مقارتة بالمبلغ اللى انت دفعته
جرب تركب كتاوت و ضفيرة سلوك جديدة و لمبات هالوجين فيلبس ألمانى و ان شاء الله الاضاءة تبقى زى الفل
بعد اذنك يا استاذ احمد هو الزينون عندك على العالى ولا لأ و لو على العالى هل فعلا بيكون ضعيف فى الرعاش زى منا قلت ولا ايه و لو كده هل فى حل ولا انا لبسته؟؟؟؟؟؟
الزينون عندى العالى و الواطى فى لمبة واحدةBi-Xenon
أنا مركب الكورى الأصلى بالضمان فى الرحاب HID.Plus
طبعا النور بيستغرق من 3-5 ثوانى على البادىء ميزود اللمبات بالكهرباء
بما ان هيا ماكينة واحدة فى الBi-xenon فاللمبة بتفضل سخنة على طول
فطول منا مشغل الواطى فمبحسش بضعف فى الاضاءةو لما برعش بيدينى بنفس القوة
طبعا الزينون اللى حضرتك مركبه فى العالى لو حضرتك تعرف تبيعه يبقى افضل طبعا لأنه بالشكل دا هيبقى سريع التلف و أكيد حضرتك فاهم ليه
السلام عليكم
والله يا باشا انا معايا 205 بردو
وهقولك حاجه
انا مركب زينون تكه واحده
وعلى فكره مش بفتحه في البلد أساسا
بس الحل للي حضرتك عايزه اكسدام GTI اوريجنال بييجي فيه الفوانيس الشبورة وتركب فيهم لمبتين ألماني محترمين
وساعتها الي يتكلم تدب صوابعك في عنيه لانه بيكون فارش في الارض بس
ارجوا اني اكون افدتك
ya gama3a msh lazem 3adasat 3shan elXenon yerkab....el li bye3mi da el nas bteb2a merakeba 3al 3ali msh el wati:S:S
طيب يا استاذ ahmed sarhan فيها مشكله لو شيلت الزينون من العالى و ركبته فى الفوجات و لو مينفعش و حبيت ابيعه شهاده لضمان باسمى هنقلها باسم المشترى ازاى؟؟؟؟؟ ولا لو باظ منه لازم اروح انا اغيرهوله ولا ايه؟؟؟؟؟؟؟
زينون كورى بضمان سنة ب 800 جنيه
زينون صينى نضيف بضمان سنة ب 700 جنيه
زينون صينى مضروب بدون ضمان ب 450 جنيه
مينفعش حضرتك تنقل الزينون من العالى و تركبه فى الفوج
الفوج له لمبه مخصوصة H3 و العالى عند حضرتك H7 وبكدا مينفعش
حضرتك ممكن طبعا تبيع الزينون فى أى وقت و لأى شخص
بالنسبة بقى للضمان فأنا معرفش غير ضمان HID Plus بتاع الرحاب
وهما بيدوا ضمان سنة على الكيت كاملة (المحول و البادىء و اللمبة و الضفيرة)
ودى سياستهم فى الضمان
ملاحظات :
لابد من إحضار وثيقة الضمان أو فاتورة الشراء
سوف يتم إصلاح أو إستبدال الجزء المعاب حسب ما يتطلب الأمر .
للبائع الحق في الإحتفاظ بالجزء المعاب لغرض التصليح مدة لا تقل عن 24 ساعة.
جميع مصاريف الإستبدال من وقت و فك و تركيب و شحن ( إلى خارج القاهرة) تقع على العميل .
يسري هذا الضمان للمشتري الأصلي و لا ينتقل بإنتقال ملكية المركبة . تسري باقي فترة الضمان على القطعة المستبدلة أو التي تم إصلاحها .الضمان لا يسري على :
الأجزاء التي تم تعديلها من قبل العميل
الأجزاء التي أسئ أستخدامها أو إهمالها
الأجزاء التي لم تركب بطريقه سليمة
الأجزاء التي تلفت أثناء النقل للوكيل الأجزاء التي تلفت نتيجة نقلها من سيارة إلى أخرى بطريقة خاطئة
أعتقد كدا الأمور ان شاء الله تكون واضحة
:ymca:معلش انا معرفش حكاية العدسات دى.
انا معايا إلينترا لسة مشتريها من شهر وعايز اركبلها زينون , غبور عامل عرض على الزينون للآخر الشهر بسعر 755 جم . كدة انا محتاج عدسات وتنصحونى اركبة واطى ولا عالى لانى اغلب مشاويرى سفر من القاهرة للمنصورة والطريق زفت وماباشوفش كويس بالليل على اجناب الطريق.
شكراً
ركب زينون فى الواطى بس و اضبط الرجلاش أثناء التركيب خليه يفرش على الأرض مش يضرب فى عيون التاس...بلاش تركب فى العالى ...عشان تعرف ترعش براحتك
لو الانترا كاملة (بفوجات) يبقى ان شاء الله مش هتعمى حد ولا حاجة
وطبعا قبل منسى دا مخالفة مرورية لو اتمسكت بيه..بيندرج تحت بند الاضاءة المبهرة
متشكر اوى يا استاذ (احمد سرحان) انا هحاول ابيعه و اشوف كده
انا ركبته فى العالى هو اضاءه كويسه بس مشكلته فى الرعاش بيكون ضعيف عشان اللمبه بارده !!!!و لو احتجت العالى فجاه عشان ينور ادامك بيكون ضعيف لمده 5 او6 ثوانى على ميسخن.
نصيحه بلاش فى العالى و ركبه فى الواطى وانت هتنسى النور العالى اساسا.
طب لو ركبتة فى العالى و الواطى على عربيتى الإلنترا - مش عارف فيها عدسات ولا لأ - هيضايق الناس لانى مش عايز حد يدعى عليا , كل الحكاية انى مابشوفش كويس بالليل وانا اغلب سواقتى سفر على طريق المنصورة , وهل دة يبقة قانونى وخصوصا ان غبور عامل إعلان فى الجرايد على خصومات الزينون , معلش طويلت عليكوا بس باخد رأيكو قبل ما اركبة وشكرا جدأأأأأأأأ .
انا برضة عندى نفس السؤال
انا مش محتاج الزينون فى داخل المدينة عشان غير قانونى اولا و ثانيا مستوى الرؤية بيكون معقول
انما انا بسافر كتير و فى طرق نسبة الرؤية فيها شبة معدومه
فلو حد يقدر يساعد و يقولى هو ممكن اركب زينون عالى فقط مع احتفاظى بالنور الواطى العادى ؟؟؟؟
وشكرا
هوممكن عادى يركب فى العالى بس خلى بالك انه مش قانونى و لو اتمسكت هيسحب الرخصه و هتفحص فى المرور من تانى بعد متفك الزينون.بالنسبه لالالنترا فهى مفيهاش عدسات لانى مشوفتهاش فيها خالص و فايده العدسات انها بتخلى النور يفرش على الارض و ميكونش ضارب فى عيون الناس و على فكره الزينون على العالى مش بيفرش على الارض ده بيرمى على بعيييييييد (لان هى دى اساسا فايده النور العالى) و مشكلته فى العالى ان الرعاش بيكون ضعيييييييييف عشان اللمبه بارده فنصيحه بلاش تركبه على العالى لانه متعب جداااااااااااا و هيبوظ.
يا رب اكون افدتكو
خش على الرابط دة و بالمناسبة الزينون دة واحد بول يعنى عالى او واطى فقط وسعرة ممتاز
http://www.nilemotors.net/Nile/showt...=39168&page=18
هوا الزينون الصيني سعرة يعمل كام ؟ عالي وواطي ؟ والمكنة ؟