الموضوع: للأسف. مش عارف أخشع في الصلاة و لا القرأن

عندي نفس مشكله السرحان و التفكير في كل امور الحياه اثناء اي صلاه

ربنا يهدينا جميعا

طب ايه حل السرحان و التفكير اثناء الصلاه ؟؟؟

المشاركة الأصلية كتبت بواسطة dr. Assem

احنا في رمضان و لما ربنا يفتح عليا بصلاة التراويح منفردا او جماعة. او بقراءة القرأن . مش بكون مركز 8الص و مفيش خشوع تماما. بسرح في كل حاجة تتخيلها. لدرجة اني ممكن بعد ماخلص التراويح معرفش ارد عليك هو الامام كان بيقرا في سورة ايه.

الموضوع ده عامل لي احباط شديد. و بيخليني اكسل . وبقالي سنين على كده و مش عارف حل.

هل من مجيب ؟

- عشان أنت مبتقراش كتير فى كتب قال الله والرسول.

- لو أنت بتثقف نفسك هتعرف مين هو الله عز وجل وهتخشع بجد وهتركز مهما تكون شايل هموم الدنيا على كتافك.

الحل حضرتك عشان الخشوع في الصلاة ، هو حضور القلب مع المولى عز وجل في الصلاة ، بمعنى انك تكون عارف انك بتصلي قدام ربنا سبحانه وتعالى وانه سبحانه بيسمع منك ، وتحاول على قد ماتقدر انك تدعو ربنا بكل ما في نفسك من اراده ان ربنا يتم نعمته عليك بالهدايه وصلاح الحال ، وتزيد من الدعاء في السجود لان ده بيكون له اثر واضح على حضور قلبك وخشوعك اثناء الصلاه
فالصلاه مش مجرد حركات بتؤدى ، لأ دي صلة حقيقيه بتحصل بين العبد وربه ، ولو اديتها بنية ان ربنا يتقبلها منك ويرضى عنك بيكون ليها اثر واضح بيستشعره كل انسان صادق النية وبيكون حاله بعدها مختلف فعلا و بيحس بالسكينة والطمأنينه اللي بتتنزل في قلبه