حضرتك بتعرف تسوق؟

**OlaOsman** · 16-11-2008 12:02 PM

المشاركة الأصلية كتبت بواسطة وائل عطية

ولا اللي يقولك خد الملف على 170 وماشاء الله العربية كانت ثابتة وتمام..
طبعاً ماهو الملف دا في طريق " بومباي كالكتا " !

**boty50** · 16-11-2008 12:10 PM

أخويا الأكبر عايش ومتجنس في السويد من 30 سنة
أذكر كلمة قالها ليا من 10 سنين بعد ماساق في الأسكندرية
وهي "انتوا ببتعرفوا تحركوا العربية انما مش بتعرفوا تسوقوا"

افتكرت الكلمات دي لما أبنتي الكبري اللي بتسوق في مصر
من حوالي سنتين وجت الكويت وطلبت تسوق علي شارع
الخليج ، المشكلة فعلا لم تكن في السواقة نفسها بقدر ماكانت
المحافظه علي العربية بين الخطوط الأرضية اللي هي مقدسة
لدرجة كبيرة جدا" هنا ومالهاش اي لازمة في مصر
وكانت مش عارفة تظبط نفسها
بينهم ومش متخيله ان الناس اللي جنبها محترمين الخطوط و
السرعات والسائقين التانيين علي السرعات العالية

قبل ماتدخل الشارع اللي فية البيت خدت لفة علي ضيق
علشان تلحق الشارع قبل السيارات اللي في الأتجاه المعاكس
طبعا انا صرخت لأن ممكن جدا تكون عربية طالعة من الشارع
وتلبس وش يوش ، انما هي أتعودت ان هي دة السواقة
الصح لأن دة العادي في مصر وكل اللي حواليها بيسوقوا
كدة!!

نفس الشيئ اللي باتفرس منه في الأجازات وهو النور
الواطي ليلا ، كل الناس بلا استثناء بتطفي النور وهي
ماشية رغم ان الطريق مليان مطبات ، انا اطفي النور
والسائق في الأتجاه الآخر يطفي ومفيش حد شايف حاجه
ولو حب حد يشوف يغمز النور العالي ويطفيه اسهل من
شد زرار النور الواطي ، فيسبب عمي للي في وشة
اللي هو برضة يعمل نفس الشيئ
طيب ماكلنا ننور النور الواطي ونمشي زي مخاليق ربنا
انما لأ ، هو اتعلم السواقة علي كدة وهايفضل يسوق
كدة لأن هو دة الصح من وجهة نظره

**M.Osman** · 16-11-2008 12:14 PM

سبحان الله ... انا شايف نفسي الحمد لله بعرف اسوق ..بقالى سنة بس ( انا عندى 20 سنة )

-احترم القانون ..
-داخل المدينة و الملفات بمشى على سرعات منخفضة
-الحاجة الوحيدة اللى مش بحبها هى الركنة موازي للرصيف ... دى لسة بستعين بأصدقائي مثلاً..
-موضوع ترك مسافة بينك و بين اللى امامك دي متنفعش فى مصر .. لوجود بنى ادمين ميعرفوش الحوار ده خالص

...شكرا عالموضوع :)

**Osama_soliman** · 16-11-2008 12:22 PM

تعرف تسوق يعنى

- تعرف تتحكم بالكامل فى عربيتك
- تعرف توصل مشوارك فى مواعيدك
- تعرف تمشى فى شوارع القاهرة

من غير

- ما عربتك تتكسر
- ما تشمت حد
- ما تعمل غرز وما شابه

**Samir Elshahawy** · 16-11-2008 12:26 PM

كان المفروض تكتب العنوان كالتالي " حضرتك بتعرف تسوق في مصر ؟ "
لان مفهوم السواقة هنا في مصر مختلف عن اي بلد تانية باعتبار ان مصر بلد الحضارة و ان الفراعنة هما اللي اكتشفوا السواقة علشان كده احنا واخدينها بالوراثة و سايقين فيها

**M.Osman** · 16-11-2008 12:27 PM

المشاركة الأصلية كتبت بواسطة boty50

نفس الشيئ اللي باتفرس منه في الأجازات وهو النور
الواطي ليلا ، كل الناس بلا استثناء بتطفي النور وهي
ماشية رغم ان الطريق مليان مطبات ، انا اطفي النور
والسائق في الأتجاه الآخر يطفي ومفيش حد شايف حاجه
ولو حب حد يشوف يغمز النور العالي ويطفيه اسهل من
شد زرار النور الواطي ، فيسبب عمي للي في وشة
اللي هو برضة يعمل نفس الشيئ
طيب ماكلنا ننور النور الواطي ونمشي زي مخاليق ربنا
انما لأ ، هو اتعلم السواقة علي كدة وهايفضل يسوق
كدة لأن هو دة الصح من وجهة نظره

مش عارف اقولك اية ... بس بجد هنا الناس في مصر فاكرة ان النور عشان اشوف بس ..انا عايز اقولهم النور عشان سعادتك تتشاف ...

تخيل ان فى ناس بتمشى بالنور المنخفض ( اقل درجة ) على الطرق السريعة بالليل ...

بجد .. اللى عملوا النور فى العربيات ناس مبتفهمش

**muslimah_dentist** · 16-11-2008 12:38 PM

السواقة فى مصر ببساطة هى :
"التحكم التام فى السيارة و تعلم كيفية تفادى أخطاء الآخرين"

أنا أختى كان بقالها سنتين بتسوق فى أمريكا و أما جت مصر جابت gen 2 و بتقول ايه ده كأنى بأسوق لأول مرة ، اللى بيحصل فى مصر ده."برده مصر أم الدنيا"

**Ghamrawy** · 16-11-2008 12:44 PM

الحمد لله باعرف اتنبأ بتصرفات كل الموجودين حواليا بنسبة كبيرة و على اساس كده باكيف نفسى على ظروف الطريق كويس .
مش بتحرك بالعربية و فيها اى عطل فى الفرامل او الدبرياج او حتى مراية مكسورة و انوار الاشارات و الفرامل لازم اكشف عليها كل فترة و تكون شغالة بنسبة 100% و مش بتعلق

**r2tarek** · 16-11-2008 01:57 PM

انا عندى 30 سنه وبسوق وانا عندى 15 سنه يعنى 15 سنه بسوق نصف عمرى تقريبا وبسواق فى بلاد كتير لانى بسافر ( شهر فى مصر وشهرين خارج مصر )
ودرست دوره اسمها القياده الوقائيه وتتلخص فى الاتى
1-توقع اخطاء الاخرين
2- التعاون مع السائقين الاخرين
3- عدم الاصرار على حقك فى الطريق

وده فعلا يعتبر مفهوم القياده الصح عامه او المفروض فى الظروف العاديه

بس فى دورات تانيه فى القياده زى ( المطارده او الطؤارى - حمايه كبار الشخصيات والأمن - الطقس والمناخ )

لاسف انا مش فاهم القياده فى مصر اى نوع بالظبط

المفروض هم دول اشهر اربع فى العالم

ويريت اكون وضحت انواع القياده

**mohamed_rhem** · 16-11-2008 02:06 PM

المشاركة الأصلية كتبت بواسطة sab3aawy

اقول لك ايه مفهوم السواقة فى نظرى بظروف بلدنا

1- انك بتعرف تكون انت والعربية حتة واحدة، لو عايز تمشى بيها على الحبل او تعدى بيها البحر متتبلش مبتلاقيش اى صعوبة، سيطرتك على عربيتك 100% واحساسك بيها 100%

2- انك لا تخلى حد يضرب فرامل ولا تخلى حد يخرج من حارته ولا تخلى حد يتلبخ بسبب وجودك حواليه، تعمل اللى انت عايزه من غير ما حد يحس بوجودك او يتضايق منه

3- انك تعرف توصل بالعربية من نقطة أ الى نقطة ب على ان تكون حالة العربية عند وصولك بها الى نقطة ب هى نفس حالةة خروجك بها من نقطة آ، لا اتخبطت ولا فوتت

+111111111111

الموضوع: حضرتك بتعرف تسوق؟

LinkBack

أدوات الموضوع

عرض

-

-

-

المواضيع المتشابهه

فاكر نفسك بتعرف تسوق !!

لو بتعرف تسوق بلاش تتفرج

بتعرف تسوق ؟ طب شوف كدا يمكن تغير رأيك

هااااام جدا ,, لكل الناس الي بتعرف تسوق ,, مساعدة ضروري جدا

بتعرف تسوق من غير مرايات؟

الكلمات الدلالية لهذا الموضوع

المفضلات

المفضلات

ضوابط المشاركة