الموضوع: حضرتك بتعرف تسوق؟

المشاركة الأصلية كتبت بواسطة sab3aawy

اقول لك ايه مفهوم السواقة فى نظرى بظروف بلدنا

1- انك بتعرف تكون انت والعربية حتة واحدة، لو عايز تمشى بيها على الحبل او تعدى بيها البحر متتبلش مبتلاقيش اى صعوبة، سيطرتك على عربيتك 100% واحساسك بيها 100%

2- انك لا تخلى حد يضرب فرامل ولا تخلى حد يخرج من حارته ولا تخلى حد يتلبخ بسبب وجودك حواليه، تعمل اللى انت عايزه من غير ما حد يحس بوجودك او يتضايق منه

3- انك تعرف توصل بالعربية من نقطة أ الى نقطة ب على ان تكون حالة العربية عند وصولك بها الى نقطة ب هى نفس حالةة خروجك بها من نقطة آ، لا اتخبطت ولا فوتت

الله ينور يا عم سبعاوي اوجزت فانجزت واحب اضيف الاتي:

انك تفتكر مقولة ((السواقة زوق وفن واخلاق)) اللي كل الناس قربت تنساها
السواقة زوق:: فمينفعش انك تكون زيك زي العربجي ابو حمار وتعرف امتي تقف وامتي تعدي وامتي تسمح لغيرك انه ياخد حقعه المشروع

السواقة فن:: انك تعرف ان العربية اله لها حدود وصلاحيات لازم تعرف هي مبسوطة ولا زعلانة وان برضو الطريق مش ملكك لوحدك وطريقة استخدامك ليه مقننة انك تعرف اوزاي تنفذ اللي انت عايزه باقل مجهود وبدون خسائر ليك وللاخرين

السواقة اخلاق:: راجل كبير او ست محترمة او ولد صغير واقف علي الناحية التانية عايز يعدي من علي خطوط المشاه...!!!
واحد راكن وانت تيجي تقفل عليه...!!!
علشان توفر دقيقة تقص شارع وتعطل غيرك ساعة ...!!!
مش كل السيارات علي الطريق ليها نفس الاولوية في سيارات اهم من سيارتك وليه مهمة اكبر من درجة استعجالك .. الاسعاف المطافي الشرطة احيانا..الخ ...!!!