الموضوع: الی اهل الزقازيق الافاضل

المشاركة الأصلية كتبت بواسطة ahmed_morsy

هههههه
ليه كده يا جماعة ده انتو احبطونی مع انی الی حد ما متفائل
طبعا نقلنا لظروف شغل بابا
انا ساكن فی حی الزهور

حى راقى ماشاء الله جنب الجامعة

عندك دار ابن كثير هناك للكتب الدينية

فيه مطاعم على البحر
بس معظم الحاجات هتلاقيها فى نص البلد

سلام عليكم
احنا نقلنا للاقامة فی مدينة الزقازيق لظروف معينة وان شاء الله هنستقر فيها
حرام عليكم دى علبة سردين
انا واخواتی ووالدی ووالدتی انا لسه فی الجامعة لكن للاسف طبعا لسة مش ليا اصحاب ولا اعرف ای حاجة حتی بخاف اتوه لما انزل هههههه
عايز اعرف الحاجات الاساسية اللی هناحتجها كالآتی:
_المساجد ويفضل تكون مساجد كويسة والقائمين عليها اصواتهم خاشعة انا عرفت البخاری وهو كويس عايز زيه كده
مفيش شوفلك بقى جامع يرتحله قلبك و خلاص
_المطاعم وخصوصا البيتزا والمشويات
مفيش اكل المطاعم زى الزفت حتى لو فى امريكا , وفر فلوسك و كل فى البيت انضف و اوفر
_الهايبر ماركت انا عرفت فيه واحد اسمه خليفة
فى واحد جنب مستشفى الجاويش و واحد عند عمر افندى
_بنزينة مضمونة مش بتغش البنزين
مفيش
_محلات ملابس الشباب والتوكيلات عموما ومحلات الجلاليب والنقاب
مفيش غير رافين و اديداس و اكتيف
_محل باستری كويس
فى شارع سندويتشات مؤمن
_مول اجهزة كهربائية
انزل ش عبد العزيز او هنا فى الغزاوى
_اماكن للفسح بس محترمة مع العلم ان الوالدة منتقبة
مفيش مكنش انعذر
-اسعار التاكسی علشان مش حد ينصب عليا
5-7 ج

ههههههههههههههههههههههه

المشاركة الأصلية كتبت بواسطة Ahmed_Morsy

سلام عليكم
احنا نقلنا للاقامة فی مدينة الزقازيق لظروف معينة وان شاء الله هنستقر فيها
انا واخواتی ووالدی ووالدتی انا لسه فی الجامعة لكن للاسف طبعا لسة مش ليا اصحاب ولا اعرف ای حاجة حتی بخاف اتوه لما انزل هههههه
عايز اعرف الحاجات الاساسية اللی هناحتجها كالآتی:
_المساجد ويفضل تكون مساجد كويسة والقائمين عليها اصواتهم خاشعة انا عرفت البخاری وهو كويس عايز زيه كده
مسجد المدينه المنوره بحي الزهور
مسجد ابواحمد بطريق الغشام
مسجد البخاري بمساكن الاسكان
مسجد الشربيني بأخر شارع الحمام
_المطاعم وخصوصا البيتزا والمشويات
مطعم براديز - شارع البحر جوار بنك مصر اعلا كنتاكي ( بيتزا ومشويات وكل الاصناف )
مطعم كوك دور - شارع البحر جنب نادي احمد عرابي
مطعم اورينتال - ميدان القوميه ( بيتزا ومشويات وكل الاصناف )
حاتي شوقي ابو جمال - شارع الجناين جوار نصار للايس كريم ( مشويات )
فطاطري المدينه - شارع الجناين جوار نصار للايس كريم ( فطائر بالسكر وفطائر محشيه )
بيتزا كوين - شارع طلبه عويضه
مؤمن - شارع طلبه عويضه امام المصريه بلازا
ماكسيم - متفرع من شارع طلبه عويضه امام المصريه بلازا
سنترو - شارع طلبه عويضه
_الهايبر ماركت انا عرفت فيه واحد اسمه خليفة
ابو خليفه وانت عارفه
هايبر ماركت - ثالث شارع يمين من امتداد نفس الشارع اللي فيه ابو خليفه في اتجاه موقف المنصوره
عالم ماركت فرع امام عمر افندي بشارع الجناين و فرع في شارع الغشام بجوار موقف المنصوره
A2z على ترعه مويس بجوار مبني محافظه الشرقيه امام نقابه التجاريين ونقابه الزراعيين
هايبر ماركت - امتداد ميدان القوميه بجوار مستشفى الجاويش
ابو احمد طريق موقف المنصوره
ابو احمد اخر طريق الغشام بجوار مستشفى صلاح سالم
ابو احمد طريق ميدان الزراعه التجنيد
_بنزينة مضمونة مش بتغش البنزين
بنزينه وطنيه جوار التجنيد
بنزينه وطنيه جوار اداره المرور على طريق العصلوجي
بنزينه موبيل اول بنزينه موبيل من بعد اداره المرور وانت جاي من العصلوجي داخل على مزلقان الحسنيه
بنزينه بيومي جوار موقف المنصوره
_محلات ملابس الشباب والتوكيلات عموما ومحلات الجلاليب والنقاب

العبايات و المنقبات
السلام شوبنج سنتر بجوار مستشفى العبور
مسيو غانم شارع الجناين امام
محل مش فاكر اسمه في شارع على ناصيته محل اسماك متفرع من ميدان القوميه
_محل باستری كويس
اشهر واقدم المحلات
توبنج وده له اكتر من فرع فرع شارع الجنانين وسط البلد وفرع في القوميه في شارع طلبه عويضه وفرع في نهايه شارع فاروق
شاميات رباني من ميدان القوميه خلي صيدليه بسام على ايدك الشمال وامشي في نهايه الشارع
ابو راشد امام عمر افندي
ابو رحاب شارع الحمام
عتريس داخل شارع الجيش ( امام نفق الممر في اتجاه عمر افندي على ناصيه شارعه صيدليه الشعب ) مش هتعرف توصل له الا بعد فتره
لابوار ( مش عارف هل تقليد ولا الاصلي ) في شارع طلبه عويضه ( شارع مؤمن )
جاتوه من ميدان القوميه وامشي شمال ( على شمالك فرع فودافون ) هتلاقيه جنب صيدليه
_مول اجهزة كهربائية
الغزاوي ( اضمن واحد في الاجهزه وبيقف جنبك في حاله الضمان )
_اماكن للفسح بس محترمة مع العلم ان الوالدة منتقبة
تفتقر المدينه لاماكن فسحه لو على قد القعده الكويسه وبس نادي احمد عرابي (قوات مسلحه وفي رسوم دخول للمدنيين)
الواحه طريق الجامعه شرويده ( كافيه مفتوح في الهواء وركنه العربيات بره الكافيه )
-اسعار التاكسی علشان مش حد ينصب عليا
السواقين حاطين شعار اي مشوار ب 10 جنيه الا لو كسرت معاهم وفاصلت المشوار رينجه من 5 ل 7 كتيره
حاليا في تعليمات من المحافظ والمرور بيطبقه انه بدايه من شهر 7 العدادات تشتغل و كسره العداد ب 1.50 و كل 100 متر ب 15 قرش ولو فيه مخالفه بتبلغ عن رقم التاكسي بس مش فاكر رقم تليفون الابلاغ
وشكرا ياريت اللی عنده معلومة يفيدنی

المشاركة الأصلية كتبت بواسطة volociximab

حى راقى ماشاء الله جنب الجامعة

عندك دار ابن كثير هناك للكتب الدينية

فيه مطاعم على البحر
بس معظم الحاجات هتلاقيها فى نص البلد

شكرا لحضرتك
انا فعلا عرفت دار ابن كثير وعجبتنی جدا وسمعت عن دكتور الشربينی بس لسة مش سمعت له دروس
بس المشكلة البلد زحمة بطريق عجيبة مش عارف المرور ليه مش مظبطها وكمان الشوارع الرئيسية ضيقة ومفيش اماكن للركن فی وسط البلد

العضو michohat
مش عارف اشكر حضرتك ازای
انا كتبت كل الحاجات اللی قلتها وان شاء الله اعرفها واوصلها
شكرا جدا ليك جزاك الله خيرا

المشاركة الأصلية كتبت بواسطة Ahmed_Morsy

سلام عليكم
احنا نقلنا للاقامة فی مدينة الزقازيق لظروف معينة وان شاء الله هنستقر فيها
انا واخواتی ووالدی ووالدتی انا لسه فی الجامعة لكن للاسف طبعا لسة مش ليا اصحاب ولا اعرف ای حاجة حتی بخاف اتوه لما انزل هههههه
عايز اعرف الحاجات الاساسية اللی هناحتجها كالآتی:
_المساجد ويفضل تكون مساجد كويسة والقائمين عليها اصواتهم خاشعة انا عرفت البخاری وهو كويس عايز زيه كده
_المطاعم وخصوصا البيتزا والمشويات
_الهايبر ماركت انا عرفت فيه واحد اسمه خليفة
_بنزينة مضمونة مش بتغش البنزين
_محلات ملابس الشباب والتوكيلات عموما ومحلات الجلاليب والنقاب
_محل باستری كويس
_مول اجهزة كهربائية
_اماكن للفسح بس محترمة مع العلم ان الوالدة منتقبة
-اسعار التاكسی علشان مش حد ينصب عليا
وشكرا ياريت اللی عنده معلومة يفيدنی

حضرتك اهلا بيك فى الزقازيق
1- المساجد على حسب توجه حضرتك هل سلفى ام معتدل والحمد لله المساجد كثيرة وقراء جيدين وربنا يتقبل
2- البيتزا خد الخلاصة (كواترو) دا خلف مسجد الفتح اسفل معهد سيسكو رائع جدا
وفى بيتزا بارادايس اعلى كنتاكى على الكورنيش بجوار بنك مصر
وفى بتزا هت لكن انا معرفش مكانة الصراحة
فى كمان (7 days ) فى القومية شارع الامن الغذائى جيد جدا
المشويات يقا خد الخلاصة برضو (حاتى بدر) شارع مولد النبى مشهور ومضمون
فى كمان (باربيكيو) على الكورنيش حى الزهور
وفى (اورينتال) اما مستشفى الجاويش القومية
وفى مطعم (ويلز) امام مستشفى الجاويش القومية(مشوى + بيتزا )
فى بقا سلسة مطاعم حضرموت ودى منتشرة بس على التجربة الشخصية ومجربتهاش
فى كمان (أم حسن ) امام عمر افندى وسط البلد
3- الهايبر ماركت
فى هايبر كبير ومحترم (عالم ماركت) امام عمر افندى وسط البلد
فى هايبر ابو خليفة(شارع المحافظة)
فى هايبر a to z ممتاز وكبير القومية بجوار مستشفى الجاويش
4- محطات البنزين
يوجد 2 محطة وطنية واحدة فى مدخل الزقازيق بجوار المرور والثانية بجوار التجنيد
5- محلات الملابس معنديش فكرة موثوقة
6- محل باسترى لو حضرتك قصدك لوازم الحلويات يبقى محل صلاح افندى امام عمر افندى وسط البلد
7- مول اجهزة كهربائية
الغزاوى وسط البلد شارع المكاتب مضمون جدا
فى كمان بى تك على الكونيش بالقرب من جمعية المحافظة على القرءان بس على البحر
8- اماكن الفسح
المصرية بلازا فى القومية نادى اجتماعى وحدائق وسينما وملاهى اطفال
9- اسعار التاكسى
زادت فى الفترة الاخيرة اقل حاجة 7 جنية و10 جنية ولو مشوار طويل 15 جنية
وعلى فكرة فى عربيات ملاكى حمراء شغالة تاكسى برضو
تحياتى ليك ويارب مش تزهق من البلد بسرعة