محتار بين رينو فلوانس أعلى فئة و فورد فيوجن أقل فئة ارجو المساعدة

السلام عليكم..انا بقالى أربع شهور متابع المنتدى محتار بين العربيين دول..انا رحت شفت العربيتين فى المعارض و ح الخص اللى شفتو و عايز اسمع آراء وحوش المنتدى..
بالنسبة للفلوانس أعلى فئة : المميزات:
1-السعر:195 الف
2-الاوبشنز:كثير جدا ..مثبت سرعة-فتحة سقف-باركينج سنسور-6اير باجس -وغيرة
3-توكيل محترم و صيانة
4-انتشار في السوق
العيوب:
1-شكوى بعض الأعضاء من بعض المشاكل مثل السحب و طقطقة و سماع أصوات في عفشة العربية..و عمود الدركسيون
2-قوة الموتور و الثبات أقل من الفيوجن
بالنسبه للفورد فيوجن:
المميزات:
1-فءة أعلى من الفلوانس
2-قوة و فخامة و موتور اقوى و ثبات و عفشة
3-عزل رهيب و عدم وجود أصوات فى المطبات
العيوب:
1-السعر أغلى 245 الف(فرق 50 الف )
2-اوبشنز أقل فى أول فئة -مافيش مثبت سرعة-فتحة سقف-باركينج سنسورز-بلوتوث
3-العربية لسة جديدة و ما بعتش كثير و التوكيل لسة ما أثبت وجودة في السوق من ناحية الدعاية للعربية(عبد اللطيف جميل )
4-قطع الغيار لسة ما حدش يعرف اسعارها و لا إمكانية وجودها
5-سعر إعادة البيع
انا حيران بين الاتنين مش عارف الموضوع يستاهل انى ادفع 50 الف زياده ولا لا ارجوكم عايز اسمع آرائكم و شكرا

الفيوجن فئه اعلى من الفلوانس و لسه جديده كسياره على السوق ...
ايضا كسمعه فورد فى مصر مازالت غير مستقره وكثره تبديل الوكيل ينعكس على توافر قطع الغيار و الصيانه و كذلك سعر اعاده بيع ضعيف ...
لو مستعجل خليك فى المضمون و الى منتشر اكتر ...
ال ٢٤٥ يجيبلك ٥٠٨ و دى فى رائى الافضل و موتور جامد ١٦٣ حصان و متجرب من ٢٠١٢ على ٩٢ بدون ادنى مشاكل ...
تحياتى ...

انتا كده دخلت في فئة ال٥٠٨ والانسيجنيا والمقارنه حتبقي صعبه بين ال٣ عربيات دول جدا
وممكن تدخل معاهم الاوكتافيا a7 هاي لاين

أوبل إنسيجنيــــــــــــــا تكسب المقارنة

اشكر كل الأصدقاء على مروركم الكريم..انا فعلا رحت شفت البيجو 508 و الاوبل انسجينيا و كنت ح احجز البيجو بس لما شفت الفيوجن حسيت أن تقفيل العربية فية فخامة و قوة أكثر من البيجو بجانب أن واحد قريبى معاه ال 308 أشتكالى من معاملة التوكيل و أن التكييف مش حلو و أن فية فى التوكيل ناس مش فاهمين فى العربية...انا كمان كنت ناوي على الاوبل لحد ما قريت تقرير هنا فى المنتدى عليها و مشاكلها مع بنزين 92 و الاصوات(قطة الانسجينيا المحبوسة ) بجانب انى كان معايا اوبل فيكترا زمان طلعت عينى سخونة و تكييف و عفشة و ما صدقت خلصت منها..انا معاك أن توكيل فورد بهدلها بس عندى أمل فى عبد الطيف جميل يحسن الوضع..العربية من جوة و من بره تحفة ألمانى و التقفيل اسبانى تحفة..بس انا فعلا خايف من قطع الغيار و إعادة البيع علشان كدة فكرت فى الفلوانس الهاى لاين و مش عارف اخد قرار خصوصا أن الفيوجن لسة ما انتشرتش فى الشارع

عبد اللطيف الجميل كتوكيل محترمين جدا وشغالين بهدوء عشان ياخدو وضعهم في السوق والفيوجن والكوجا لسه مكملوش وقت نقدر نحكم علي انتشارهم فيه
واعتقد ان الفيوجن نازله بفتيس عادي ٦ نقلات بعيد عن مشاكل الباور شيفت وسمعته اللي اضرت بفورد
و شايف الكوجا بدئت تنتشر رغم انها لسه نازله السوق من فتره بسيطه جدا

وليا صديق كان معاه فوكس الشكل الجديد الفتيس الباور الشيفت وكان شاريها من فكري جروب ولما بدئت تظهر مشاكل الفتيس كانت معاملتهم سيئه بصراحه
لما التوكيل راح لعبداللطيف الجميل راحلهم المهندس كان في غاية الاحترام قالنا احنا حنغير اي حاجه محتاجة تغيرر لحد ما تكون راضي وبعد ما اتصلحت مرضيش يسلمهاله غير لما طلعنا جربنا ولفينا بالعربيه نص ساعه في العبور مع المهندس كان راكب معانا وقالنا لو ظهرت المشكله في وقت حتي لو بره الضمان التوكيل جيعملها تاني بس هو للاسف باعها علطول بعد ما اتصلحت وخسر فيها طبعا مبلغ مش قليل

انا شايف خليك مع فورد احسن وان كان تحتار شويه تانى فئه فى الفيوجن كل واحد وعنده ظروفه فى الشراء ومتنساش فيوجن المانى تقريبا بس كعربيه محترمه جدا وقطع غيارها مش غاليه قطع غيارها تقريبا زى قطع غيار كيا سيراتو فرق 200 جنيهه على كل قطع غيار وبعدين عندك فى الفيوجن وفوكاس او 1000 كيلو مجانا الفحص وتانى 5000 كيلو مجانا الفحس كمان
والتوكيل اوتو جميل خلاص اشترى التوكيل من مصرى ثابت ومش حيتغير تانى ومساله اعاده بيع مفيش عربيه متتبعش ولله حتى لو 128 بتتاع هيا تفضل عليك انت عاوز مين فيهم وتقرر

رأيي إن البلد دي خسارة فيها عربية غالية!! تترسملك عليها خريطة مصر بالمسامير، تتحكم وتتخبط منك كل حكة وخطبة، تتعامل مع توكيلات تعبانة، وتمعن دم قلبك في الصيانات،..
وفر ال 50 ألف وهاتلك فلوانس أعلى فئة، مش بس كده، ده أنت ممكن تجيب فئة أقل كمان وتوفر كمان وكمان.. والله أعلم.

اقتباس:

---

المشاركة الأصلية كتبت بواسطة ahmzd

رأيي إن البلد دي خسارة فيها عربية غالية!! تترسملك عليها خريطة مصر بالمسامير، تتحكم وتتخبط منك كل حكة وخطبة، تتعامل مع توكيلات تعبانة، وتمعن دم قلبك في الصيانات،..
وفر ال 50 ألف وهاتلك فلوانس أعلى فئة، مش بس كده، ده أنت ممكن تجيب فئة أقل كمان وتوفر كمان وكمان.. والله أعلم.

---

*1111111
اللي بينصح بفورد في مصر بيخسر فلوسه
عربيات مالهاش اي تواجد ومبيعات ﻻتذكر

علي حسب انت ال50 الف يفرقوا معاك مادياً ولا عادي مش قيمتهم كبيرة بالنسبة لك و ممكن تدفعهم في الفيوجن عادي انا لو مكانك بصراحة هاجيب الفيوجين لانها برستينج اعلي و فخامة و outstanding كدا بس الفلوانس مش وحشة بس لو تقدر تجيب الفيوجن متجيبهاش ليه؟

اقتباس:

---

المشاركة الأصلية كتبت بواسطة stilnox

السلام عليكم..انا بقالى أربع شهور متابع المنتدى محتار بين العربيين دول..انا رحت شفت العربيتين فى المعارض و ح الخص اللى شفتو و عايز اسمع آراء وحوش المنتدى..
بالنسبة للفلوانس أعلى فئة : المميزات:
1-السعر:195 الف
2-الاوبشنز:كثير جدا ..مثبت سرعة-فتحة سقف-باركينج سنسور-6اير باجس -وغيرة
3-توكيل محترم و صيانة
4-انتشار في السوق
العيوب:
1-شكوى بعض الأعضاء من بعض المشاكل مثل السحب و طقطقة و سماع أصوات في عفشة العربية..و عمود الدركسيون
2-قوة الموتور و الثبات أقل من الفيوجن
بالنسبه للفورد فيوجن:
المميزات:
1-فءة أعلى من الفلوانس
2-قوة و فخامة و موتور اقوى و ثبات و عفشة
3-عزل رهيب و عدم وجود أصوات فى المطبات
العيوب:
1-السعر أغلى 245 الف(فرق 50 الف )
2-اوبشنز أقل فى أول فئة -مافيش مثبت سرعة-فتحة سقف-باركينج سنسورز-بلوتوث
3-العربية لسة جديدة و ما بعتش كثير و التوكيل لسة ما أثبت وجودة في السوق من ناحية الدعاية للعربية(عبد اللطيف جميل )
4-قطع الغيار لسة ما حدش يعرف اسعارها و لا إمكانية وجودها
5-سعر إعادة البيع
انا حيران بين الاتنين مش عارف الموضوع يستاهل انى ادفع 50 الف زياده ولا لا ارجوكم عايز اسمع آرائكم و شكرا

---

برغم ما ذكرت عن الرينو فأنا أرشحها لك عن الفورد..
1- الفلوانس الآن مجربة في السوق، ولا أرى العيوب التي ذكرتها أساسية، وعادة ما تكون مشاكل فردية.
2- الفيوجن جديدة في السوق، وليست هناك معلومات كثيرة عنها. إلا إذا كنت مستعدًا للمغامرة.
3- إعادة البيع لصالح الفلوانس.
4- التجهيزات في الفئة الأعلى للفوانس أكثر من الفئة الأولى للفيوجن.
5- لا يُعقل أن تدفع قرابة ربع مليون في سيارة ليست بها مثبت سرعة !

اقتباس:

---

المشاركة الأصلية كتبت بواسطة stilnox

اشكر كل الأصدقاء على مروركم الكريم..انا فعلا رحت شفت البيجو 508 و الاوبل انسجينيا و كنت ح احجز البيجو بس لما شفت الفيوجن حسيت أن تقفيل العربية فية فخامة و قوة أكثر من البيجو بجانب أن واحد قريبى معاه ال 308 أشتكالى من معاملة التوكيل و أن التكييف مش حلو و أن فية فى التوكيل ناس مش فاهمين فى العربية...انا كمان كنت ناوي على الاوبل لحد ما قريت تقرير هنا فى المنتدى عليها و مشاكلها مع بنزين 92 و الاصوات(قطة الانسجينيا المحبوسة ) بجانب انى كان معايا اوبل فيكترا زمان طلعت عينى سخونة و تكييف و عفشة و ما صدقت خلصت منها..انا معاك أن توكيل فورد بهدلها بس عندى أمل فى عبد الطيف جميل يحسن الوضع..العربية من جوة و من بره تحفة ألمانى و التقفيل اسبانى تحفة..بس انا فعلا خايف من قطع الغيار و إعادة البيع علشان كدة فكرت فى الفلوانس الهاى لاين و مش عارف اخد قرار خصوصا أن الفيوجن لسة ما انتشرتش فى الشارع

---

ما ذكرته عن الإنسيجنيا كان في الدفعات الأولى، وبسؤال الملاك عن الدفعات الجديدة 2014 و 2015، وخاصة بعد تعديلات المحرك، لم نسمع ذات الشكاوى التي كانت في الماضي.

راجع موضوعي في التوقيع إلى آخره، ففيه تأكيدات من الملاك على ما ذكرت، والله أعلم.

فعلا خساره في مصر اي عربيه غاليه كفايه الطرق السيئه والزحمه الرهيبه