انا محتار حال الشركة الي انا فيها واقع جدا
كلها شك وشغل حرميه ونصب واحتيال وصاحبها لسانه طويل وولاده مدخلين في الشغل وكل واحد بتعليمات حتي ولاده الي طايل حاجه بيلهفها ومحدش فاهم حاجه منهم ولي حتي ابوهم ومفيش اداره منظمه
بشتغل بالنهار ماشي بليل ماشي بدخل دواير حكوميه مع ان المفروض يبق فيه معقب يخلص الورق وربنا بيسرها بلاقي واحد ابن حلال يخلصلي
سفر بليل بسافر واوقات مبيكونش متوفر عربيه وبكون معايا فلوس اقل شئ 50 الف ريال وبتحمل نتيجه المخاطره
تعب وارهاق زهني كبير والراتب ضعيف ومستحمل عشان اكل العيش
جيت طلبت منهم اجازه من يومين قالي لا عندي شغل طبعا بقالي 18 شهر قالي انت جي من من 5\2013 ونزلت في وفاة والدك علي حسابنا يبق انت كدا اخدت اجازتك السنويه وانا سمعت الدم ضرب في دماغي قمت مسكهم غاسلهم بالادب وقولتله اديني نهائي
اتصل عليه ابنه قالي خلاص انا كلمت ابويا ووافق بالعافيه علي 15 يوم الي هو انا نازل المفروض اخطب فيهم مردتش ارد عليه موافق ولي لا
طبعا تفاصيل الشغل
شغل حسابات - شغل اداري
بسلم رواتب الناس في الشارع
لازم كل شهر العمال يبصمو علي مخالصات بحط انا التواريخ بعد لما بعرض عليه الورق عشان هو عايزها من غير تاريخ
الراتب ضعيف جدا علي الشغل رايح اكل وشرب وسكن
الشغل متاح في ايام الاجازات الرسميه عادي وبدون بدلات
انا بفكر اخد الاجازه ومرجعش وادور علي اي دوله تانيه اسافر ليها او اشتغل في مصر مع ان دي تقريبا شبه مستحيل
حالتي الماديه كويسه جدا الحمد لله يعني عندي 75 % من الي اي حد بيتمني يسافر عشان يحققه
اعمل ايه