لخبراء الخشمونيوم...اخد بالي من ايه وانا بشتري...???

باذن الله ناوي اعمل مطبخ خشمونيوم....والحمد لله معنديش اي خبرة سابقة في الموضوع ده...سالت عند واحد جنبنا قالي المتر ب 1750...غير الفلتر او المدخنه.....عايز اعرف هل في انواع معينه في الخشمونيوم ولا نوع واحد....وهل له سمك معين..ولا كله سمك واحد....والفلتر بيقولي في كربون ايطالي ب 800..وده نوع معقول....ولا اعمل مدخنة عادية احسن.....في ناس بتقول المدخنه احسن.....وناس بتقول الكربون احسن.....والديكورات اللي بتتعمل من اضاءة وغيره...هل ليها حساب لواحدها ولا لا...وايه الديكورات اللي ممكن تتعمل......ومتوسط اسعارها.....وازاي ميتضحكش علي وانا بشتري ....وشكرا مقدما ....

للرفع

انا عملت المطبخ عندى الوميتال عند واحد فى عزبه النخل مش نصاب وخاماته كويسه لو عاوز نمرته ممكن ابعتهولك
وتاخد فكرة عن الأسعار

السعر ده غالي جدا ومبالغ فيه بصراحه

انا كنت هعمل مطبخي خشمونيوم ولاخر لحظه قررت اعمله خشب وكان السعر تقريبا 1150

طيب ايه نوع الشفاط الافضل..الكربون او المدخنة العاديه..???

السعر ده معقول جدا لو القطاع الألومنيوم نضيف يستحمل و التشطيب كويس إنما للأسف تلاقى صنايعية فى ورش يعمل زبالة الشغل و ياخد عليه أسعار زى الشركات.

تاخد بالك من الآتى :

1- الماكينة الهيدروليك نوعها إيه : صمم تشوفها فى العلبة صناعة إيه لإن لو صينى مش حتعيش أكتر من سنة .فى النوه الألمانى و النمساوى ممتاز . ممكن تتفق على السعر و تقوله بس إنت حتجيب الماكينة و تخصمها من السعر أو هو يجيبلك المكنة و يوريهالك فى العلبة

2- المفصلات و مجارى الجرار تكون من النوع اللى تحمله عالى مش تتكسر أو تصدى على طول

3-قطاع الألومنيوم (العظم ) تتأكد لما تيجى تتفق تسأله سعر ال1700 لأى قطاع 4سم أو 5سم أو 3 سم و يوريلك القطاع علشان تعمل تشيك عليه فى التركيب لإنه ممكن يجيبلك قطاع أقل و تخانة أقل.

4- الحشو يكون نوع نضيف .

5- المقابض

6-يحطلك كاوتش أو فرشة على داير الضلف من الداخل

7-فى النهاية تأكد إنه لازم يسرق منك بس إنت بتاخد إحتياطك

اقتباس:

---

المشاركة الأصلية كتبت بواسطة whatzup

طيب ايه نوع الشفاط الافضل..الكربون او المدخنة العاديه..???

---

ركب شفاط كهرباء عادى فوق البوتوجاز سعرة 240 جنية من العربى . أضمن حاجة

اقتباس:

---

المشاركة الأصلية كتبت بواسطة ahmedwagdy03

ركب شفاط كهرباء عادى فوق البوتوجاز سعرة 240 جنية من العربى . أضمن حاجة

---

طب ايه افضل نوع شفاط كهربا عادي ؟؟؟؟

ماقولتلك فوق

http://https://www.elarabygroup.com/ar/toshiba-ventilating-fan-vrh30j10.html

اقتباس:

---

المشاركة الأصلية كتبت بواسطة ahmedwagdy03

ركب شفاط كهرباء عادى فوق البوتوجاز سعرة 240 جنية من العربى . أضمن حاجة

---

الشفاطات زي فريش والعربي
فايدتها بتكون محدودة جدا
والحيطة اللي ورا البوتاجاز بتكون مزيتة وتنظيفها صعب
لو تقدر الشفاط المسطح اللي بيكون فوق البوتاجاز
اظن انه حيكون أكثر فائدة ان شاء الله