أنا بشوف فعلا اللي ناقص فلوانس نظام اتزان الكتروني و ده يمكن اقوي نقطة لمنافستها الاقوي كورولا
و السؤال هنا لملاك فلوانس الافاضل ما هو تأثير غياب نظام الاتزان الإلكتروني علي الفلوينس من خلال تجربة حضراتكم
عرض للطباعة
أنا بشوف فعلا اللي ناقص فلوانس نظام اتزان الكتروني و ده يمكن اقوي نقطة لمنافستها الاقوي كورولا
و السؤال هنا لملاك فلوانس الافاضل ما هو تأثير غياب نظام الاتزان الإلكتروني علي الفلوينس من خلال تجربة حضراتكم
الاتزان الالكترونى اقوى استخدام له فى البلاد شديدة المطر و الثلوج لانه بيحافظ على العربيه من انها تعوم . اكتر من كده ليس له علاقه باتزان السياره فى الظروف العاديه . يعنى العربيه المتزنه من الاساس فى تصميمها ﻻ يزيدها شئ هذا النظام و العربيه الغير متزنه و غير ثابته من الاساس ﻻ يزود اتزانها و ﻻ ثباتها . هو يعمل فى ظروف معينه فقط . مش هاتلاقى هنا حد له تجارب كتير معاه لانه زى ما قلت لك بتحتاجه فى المطر الشديد او الثلوج .
ممكن اللى هنا جربه . جربه فقط فى حالة غرزه شديده و العربيه بطبيعتها مش ثابته و عامت منه .
نظام الثبات الالكتروني esp شرح + صور + اهميته في انقاذ حياتك + فديوهات + موضوع يهمك
http://www.nilemotors.net/Nile/413059-esp.html
https://scontent-mad1-1.xx.fbcdn.net...34&oe=561136E1
جربته في مرسيدس w211
زرار esp
في مكان فيه مياه مرة بيه ومرة بدون النظام
فارق جامد فعلا نظام مهم لابعد حد
ملحوظة فى محلها تماماً
ال esp ضرورى لظروف السواقة العسل عندنا فى مصر.
ربنا اراد ان ال espيكون سبب فى انقاذ حياتى اكثر من مرة - احدهما عندما تساقطت من التريللا التى امامى كمرتين حديد قطعوا على طريق السويس وانا على سرعة فوق ال 100 كم وكنت مضطر فى لحظة انى اعمل غرزتين اكروبات علشان اتفادى الكمرتين اللى فجاءة حاوطوا العربية ال bmw
مرة اخرى تريللا خبطت العربية الفولفو خبطة شديدة وانا على سرعة فوق ال 100 كم على طريق اسكندرية الصحراوى والعربية عامت للحظات قبل ما تلم نفسها. اعتقد ان عربية غيرها كانت اتقلبت من الخبطة.
اما العربية الكيا كارينز (بدون esp) فخدت خبطة خفيفة فى طريق ال na وعامت من الرصيف الشمال للرصيف اليمين قبل ما تلف لها لفتين ويتلعب بيها الكورة ما بين اوتوبيس لعربية نقل قبل ما توقف وسط الطريق.
..
انا كنت ناوى اجيب الفلوانس ولكن غيرت رأى بسبب غياب ال esp. مع انها موجودة فى السيات ليون و الاسكودا رابيد مثلاً. وخايف من الكرولا التركى من اللى قريته عليها.