السلام عليكم
انا بافكر اشترى كرولا 2012وكنت عاوز ااعرف من ملاكها اى مميزاتها من حيث وسع الصالون والشنطة ثبات وعوامل امان وهل بها اتزان الكترونى مثل الكروز والاوبشن الداخلى الاعتماديه وشكرا
عرض للطباعة
السلام عليكم
انا بافكر اشترى كرولا 2012وكنت عاوز ااعرف من ملاكها اى مميزاتها من حيث وسع الصالون والشنطة ثبات وعوامل امان وهل بها اتزان الكترونى مثل الكروز والاوبشن الداخلى الاعتماديه وشكرا
الشكل الجديد اوسع شوية لكن القديم مش ضيق للدرجة...الشنطة كبيرة...الثبات حلو لحد١٤٠ ...فيها abs ebd ba ... لكن الجديدة فيها تراكشن كنترول .... لو حتشتريها هاتها هاي لاين عشان فتحة السقف والفوجات والاسبزيلر و ٦ سماعات وسي دي ٦ سيديهات وكونسول قطيفة .. الجديدة اعلي في الاوبشن..الاعتماية عالية جدا ماشاء الله
موديل 2013 معايا اوتوماتيك وفي الضمان وملتزم بصيانة الوكيل وأحب انقل لحضرتك مميزاتها وملاحظاتي عليها.
الي معايا فيها abs. Ebd.
# المزايا..
* العربية واسعة وكراسيها مريحة من الامام والخلف.
* شيك من الداخل وفيها تارة مالتي للتحكم في الكاسيت وكمبيوتر رحلات.
* تكييف رائع افضل من اللانسر مثلا وبيسقع في ثواني.
* الموتور ملوش صوت تقريبا الا لما بتعمل كيك داون.
* عزل الصوت للكابينة جيد الي حد كبير.
* استهلاك البنزين رائع.
* التسارع جميل.
# الملاحظات الي مش عاجباني...
* الفرامل لا تسعف في المواقف الحرجة. مع ان abs بيشتغل وبحس بيه لكن العربية مبتقفش في الوقت المناسب. وكلمت التوكيل اكثر من مرة لغاية ما واحد قالي كل الشكل دا كدا.
* محور الدوران بحس انه عنيف شوية.. مش عارف اوصلها ازاي. بس لما اكون ماشي 90 مثلا واكسر الدريكسيون بعنف شوية بحس العربية بتعوم شوية.
وطبعا في التوكيل قالوا ان محور دوران العجل كبير في التويوتا وقالوا انها ميزة مش عيب.
* قطع غيار مبالغ فيها شويتين زي الطنابير. التيل. بلي العجل. ...
ممكن اقولك نصيحة لوجة اللة هات موديل 2012 او 2013 وهتدعيلى العربيتين يابانى اصلى بس ابعد عن الخليج انا معا 2013 عربية محترمة جدااااااااااااا وابعد عن ا كلاااااااااااااااام لوجة اللة نصيحة
مشكور يا نجم على الرد حضرتك معاك جنوب افريقى مش يابانى وناس تقلى ابعد عن الجنوب افريقى وهات الخليجى وناس بتعيب على الخليجى زى حضرتك وناس تقلى ابعد عن الشكل القديم وخليك فى الشكل الجيد ابشن اعلى وخامات افضل وواكتر سبات وناس تانيه بتقول هات تيوتا الجمل قبل 2008
طيب ايه العمل من الواضح ان كل واحد معاه عربيه متحيز ليها رغم ان الناس دى مركبتش العربيات التانيه
الخيره فيما اختاره الله انا حاجزت امبارح تيوتا كرولا اوتو جميع الكماليات رغم انى بافكر فى العربيات من اكتر من 4 شهور وكل عربيه ادخل المنتديات الخاصه بها الاقى الناس طالعة بيها السما وبتزم فى الانواع التانيه كروز لانسر فلوانس هوندا اوبترا تيوتا قديم وتيوتا جديد
لاكن الغريب انى مفكرتش فى التيوتا اكتر من يومين ونفذت محدش عارف الخير فين وشكرا لكل من ساعد او حاول المساعدة بمعلومة او نصيحة
ملش على كد معرفتى المتواضحة من اول 2008 الى 2013 يوجد منها جنوب افريقى وخليجى الوكيل بيجيب جنوب افريقى والخليجى بتيجى بعيد عن التوكيل وبتيجى من السعوديه ان كنت اخطات فارجو التصحيح
اما جوهر الموضوع حضرتك لم تناقشة انت مسكت فى الجنوب افريقى ونهيت الكلام المهم ان كل واحد راكب عربيه متحيز ليها جدا وده الى لاحظتو فى جميع المنتديات والجميع بيزمو فى باقى السيارات وشكرا