بروتون جين٢ و لا سوزوكي سياز

عزيز اشتري عربية جديدة و محتار بين الاتنين ، انا محتاج عربية فيها ثبات و صاج كويس ، و اعرف ان به في البروتون اكتر بس قصة ان الحين 2 دركسيونها تقيل و من جوه معرفش تقفيلها هل اتحسن و لا مش حلو ، السياز عربية جديدة شكلها حلو بس معرفش ثباتها و صاجها اخباره آيه علما باني لِسَّه خارج من حادثة صعبة قريب و مش عارف احكم عليها بالنسبة لموضوع قطع الغيار و هل هي متوفرة في التوكيل أصلا و لا عاملة زي الحين ٢ اول ما نزلت لما كان الناس بيستنوا قطع الغيار بالشهر و الاتنين ، و كمان أنا خايف تطلع عيوبها كتير زي بيجو ٣٠١ ........... لو ممكن تساعدوني في الاختيار

سياز ليها مستقبل بس شراؤها في جزء مغامرة لأن انتشارها لسه مش جامد وتوكيلها مش اللي هو!
بروتون تتفوق في الموتور والثبات وقوة الصاج والانتشار (حاليا) ولكنها استهلاكها البنزين أعلى وبرضه توكيلها أي كلام!
وبناء عليه: لو عايز حداثة وشياكة ووفر بنزين وكماليات كتير وصالون واسع وشنطة كبيرة يبقى سياز بس الله أعلم في موضوع الصيانة وقطاع الغيار وإعادة البيع!
أما لو عايز قوة صاج وقوة موتور وثبات في الشد والجري وانتشار معقول وسعر إعادة بيع مقبولة يبقى بروتون.. والله أعلم.

بسم الله الرحمن الرحيم

أخى الفاضل

لقد سلكت مسلكآ صعبآ و إخترت طريقآ وعرآ . . . المنافسه شديده فى هذه المقارنه و الحيرة عاصفه. سأشركك بما عندى لعله يفيدك

1 - التوكيلين لكلاهما فى منتهى السوء إلا أننى أعرف أن وكيل سوزوكى يسعى لتحسين الوضع المتردى و علاج الفضاح المتكرره

2 - السياز أوفر فى الوقود و هذه ميزة عظيمه الشأن و يثمنها شخص مثلى كثير السفر طويل المسافات كثير الساعات و هذا العنصر من عناصر المقارنه يمثل أقوى عيوب البروتون و أشد نقاط خسارتها

3 - ثبات البروتون تم التأكد منه مرارآ و تكرارآ حتى أن بعض ملاك البروتون وصفوا ثباتها بأنه ثبات الألمانى فى نفس الوقت لم يتم يقينآ التأكد من ثبات السوزوكى سياز

4 - الفخامه و الأناقه و السكون و الهدوء و الرفاهيه و الراحه (هذه ممزات فى قمة الأهميه عنما تسافر بالسياره 10 ساعات متواصله و ما يزيد عن ذلك . . لأن العناصر السابقه هى التى تحدد إحساسك بالراحه أو الإجهاد و العصبيه و الصداع . . . . عن تجارب . . .و إسأل مجرب)

هذا ما عندى و أرجو أن يكون مفيد

هداك الله لأرشد أمرك و أقومه

السلام عليكم و رحمة الله و بركاته