معاكسه و تحرش و شتايم و سب دين في نهار رمضان
موقف حضرته ساعه صلاه العصر
عربيه ملاكي بتركن قدام مول
المول ده جنبه مسجد بكام متر كده
المهم نزل من العربيه راجل في الاربعينات و بنتين واضح من شكلهم انهم اجانب
كان في شويه شباب شكلهم ابن ناس ساندين علي عربيه مركونه جنب المسجد علي طول
و ابتدت البسبسه و كلام قبيح انا اتقرفت لما سمعته
الراجل الكبير قلهم بالحرف "احترموا نفسكوا شويه احنا صايمين"
و ابتدي سيل من السباب و الشتايم علي الراجل الكبير
و البنات واقفين مرعوبين و متنحين
المهم الراجل طلع محترم للاخر و رد عليهم بالحرف "انتوا اهاليكو معرفتش تربيكو"
و ده اقل واجب فقام واحد من الشباب رايح يزق الراجل
و الشارع كله اتلم و كان مولد و صاحبه غايب
و شويه شباب في الهيصه يروحوا يحتكوا بالبنات
كل ده ساعه صلاه العصر
انا مش عارف صليت ازاي من الصدمه من الموقف ده
معقول اللي وصلناله ده ؟؟؟ طب ده ايه علاقته باحوال البلد و بالسياسه و بالثوره اصلا ؟؟؟
لا في احترام لكبر السن و لا للشهر الكريم و لا لسمعه بلدك اللي مش ناقصه تشويه
اللي اكتشفته في الاخر ان ده سواق شركه ما و البنات دول جايين يشرفوا علي حاجه في شغل الشركه
حسبي الله و نعم الوكيل
