سعر النترا 2008؟؟؟؟

**hussein** · 29-07-2007 01:10 AM

بعد نزول اللنسر 2008

وقع تحت ايدى دلوقت كشف اسعار اللانسر الجديدة (موديل 2008، 1500 Mivec)
بس هى اسعار خاصة شوية فممكن فى السوق تكون ازيد كام الف
هى 3 فئات GLX, GLS, GLS Sport

GLX:
تكييف، باور، سنتر،ريموت، ايموبليزر، زجاج كهرباء، مرايات كهرباء، ايرباج سائق فقط، ABS، EBD ، RPM مجهزة لتركيب راديو (بها 4 سماعات)

GLS:
تزيد عنها عازل صوت، غطاء داخلى للمحرك، انذار اصلى، باكتات ابواب، باكتات اعتاب، دلايات خلفية.

GLS Sport:
تزيد كمان ايرباج للراكب، راديو مع CD Changer ، زجاج فيميه مانع للاشعة فوق بنفسجية،سبويلر خلفى، اكصدامات رياضية، جنوط سبور، فتحة سقف، لمبات شبورة، طارة دركسيون جلد مزودة بتحكم فى الراديو، زر تشغيل السيارة بدون مفتاح، تبريد درج التابلوه.

الاسعار:
GLX: 102 Manual, 105 Auto
GLS: 109 Manual, 112 Auto
ٍSport: 120 Manual, 124 Auto (منقول عن الاستاذ حازم حزه)

تفتكرو بعد الاسعار دى غبور هيبيع الالنترا بكام؟
اعتقد ان المانوال من غير abs and ebd and airbagas
مش هتزيد عن 80 الف جنيه صح ولا حد عندو رأى تانى لان فعليا غبورعندو النترا ب 122 الف

**M_Abdallah** · 29-07-2007 02:02 AM

انا شايف ان غبور سياسته مع الالنترا زي مع المازدا.الصراحة العربية كامكانيات روعه بس سعرها غالي.انا شايف مفيش حاجه تكسر نفس غبور غير ان حد يستورد هيونداي خليجي.زي سمارت كار في المازدا.

________________
محمد عبدالله

**Dr Ahmed** · 29-07-2007 02:12 AM

كل الأرقام المكتوبة هنا غير نهائية وغير مؤكدة حتى الآن.

**Salah_sr** · 29-07-2007 03:31 PM

أحب أوضح بعض الأشياء أولا في الخليج (خاصة في عمان ) سعر العربية الألنترا في الخليج أعلي من بعض موديلات اللانسر فسعر اللانسر يبدأ من 3700 ريال بينما سعر الألنترا يبدأ من 4400 ريال فالموضوع مش غبور و لاغيره و لكن شركة هيونداي غيرت سياستها في العربيات و أسعارها و أصبحت تقدم جودة تنافسية مع الياباني و بالتالي أصبحت التكلفة للعربية الهيونداي أيضا عالية ودة مش كلامي و لكن يمكنكم قراءته في مواقع العربيات و يمكنكم مقارنة سعر العربيات الهيونداي مع أسعار الياباني و طبعا أنا مش بتكلم عن الفرنا و الأكسنت و لكن الفئات الجديدة السوناتا و الألنترا و العربيات ذات الدفع الرباعي و بما أنا عندي اللانسر 2002 و الألنترا 2007 فحكمي علي الألنترا يتفوق بكثير علي اللانسر و يوجد عيب عندنا إحنا بنكره غبور يبقي المفروض عربيته تكون رخيصة و لكن أي توكيل في مصر عنده حجم مبيعات غبور ؟؟؟؟ ده غبر مشكلة الكوري و الياباني المشكلة ده أختفت من أوروبا و لكن حتأخذ وقت عندنا و بكرة تبقي المشكلة صيني و كوري؟؟؟؟؟؟؟؟؟؟؟؟؟؟

**PRO-DRIVE** · 29-07-2007 03:39 PM

^^^^^ من حلاوه OTE يعنى طيب ما هو بهوان مزود اسعار سوبارو برضة و كان جايب امبريزا بنص المواصفات اللى بتنزل فى السعودية
غير كده انت شفت ان النترا الجديدة اتاخدت فى عربيات الشرطه على فكره
و كمان التسويق عندنا اهم للسوناتا من الالنترا لان السعر قرييب نوعا ما

**M_Abdallah** · 29-07-2007 05:01 PM

انا كنت في السعودية وعارف اد ايه ليها شعبيةهناك وعارف ايه وضعها في الخليج.وكل اللي بيشتريها هناك مش بيبص أوي لسعرها بس بيركبها لأنه حاببها ومرتاح ليها أوي.
واسعارها هناك جي ال ( مانوال ) - 36,000 ريال سعودي و جي ال ( اوتوماتيك ) - 39,400 ريال سعودي .
والكل سواء في مصر او بره متفقين ان الألنترا روعة وامكانيات حلوة لكككككككككككككككن معروف ان سعرها مبالغ فيه بالنسبه للعربيات الياباني اللي في نفس فئتها.
الفكرة من وجود منافس أخر شغال في الخليجي أتاحت فرصة اكبر للانتشار .
اما نيجي نشوف اللانسر الخليجي عملت ايه في السوق انتشرت انتشار كبير جدا ومعظم معارض السيارات في مصر لازم تلاقي فيها لانسر خليجي.
اللي بييجيب لانسر خليجي باردوا يقدر يجيب اللانسر المصري لأن فرق السعر مش كبير . بس طبعا كل واحد ليه فكره.

___________________
محمد عبدالله

**Salah_sr** · 30-07-2007 08:31 PM

علي فكرة السوبارو مش بهوان في عمان و لكن أيضا OTE

**PRO-DRIVE** · 30-07-2007 09:37 PM

طيب ما هى OTE هى هى سهيل بهوان و التانية دى بتاعت تويوتا اللى هو سعود بهوان
حتى تحت او تى اى بيكتبوا معنى العناية

شوفهم كلهم حتلاقيهم جنب بعض فى الوطية اول حاجة شيفى و بعدين هيونداى و بعد كدا سوبارو ما علينا هو حلو و خدماته ممتازة بس اسعارة غريبه !!!