الانترفيو كمدير

**ENG.MaRk** · 06-07-2015 02:05 AM

المشاركة الأصلية كتبت بواسطة MaZaGAngeE

iباشا… الكلام ده ممكن ينفع في اي بلد غير مصر…
لكن بجد والله من غير سخرية او تريقة انت لو عملت كده مع حد جاي يشتغل معاك هيقول انك انسان مش طبيعي… بالذات لو بتختبر فنيين او عمال و حتي المؤهلات .. كله في الضياع يا باشا ومحدش بيتخرم فاهم حاجة…

ممكن تعتبروني ماكتبتش الجزء اللي فيه السؤال الخاص بالcritical thinking لأني لاحظت إن الناس كلها مصممة تطلعه trivial أو ملوش لزمة مع إنه مهم جداً لتحديد القدرات ... حضرتك لو مش عاجبك الشكل اللي اقترحته للinterview ممكن تقترح حاجة أحسن تفيد صاحب الموضوع بدلاً من نشر الطاقة السلبية و عموماً شكراً لمشاركتك و رأيك أنا أحترمه

**MaZaGAngeE** · 06-07-2015 02:17 AM

المشاركة الأصلية كتبت بواسطة eng.mark

ممكن تعتبروني ماكتبتش الجزء اللي فيه السؤال الخاص بالcritical thinking لأني لاحظت إن الناس كلها مصممة تطلعه trivial أو ملوش لزمة مع إنه مهم جداً لتحديد القدرات ... حضرتك لو مش عاجبك الشكل اللي اقترحته للinterview ممكن تقترح حاجة أحسن تفيد صاحب الموضوع بدلاً من نشر الطاقة السلبية و عموماً شكراً لمشا:ركتك و رأيك أنا أحترمه

يا باشا مش بقول انه مالوش لازمة ولا بنشر طاقة سلبية… انا بس بقول الواقع بناء علي خبرتي الشخصية في التعامل مع العمال و الفنيين و السواقين و المهندسين… سواء في تعيينهم او تدريبهم او ادارتهم في الاعمال اليومية…
الحق يتقال احنا بنشتغل بطرق في غالبها بتقتل اي ابداع او ابتكار عند العامل و لو غلط مرة و فكر صح بناخد الفكرة و نحطها باسامينا و ده اتعمل معايا كتير جدا و انا مهندس صغير او رئيس قسم او مدير صيانه… بس الحمدلله دايما بطلب من اللي تحت ادارتي انهم يفكروا و يجربوا و بنزل مكافئات للفكرة الحلوة و بعمل تقرير للادارة بكده ..

بس تقدر تقول ان اسلوب الادارة ده نادر جدا في مصر و انا مقابلتش مدير فوقي محترم بيديني حقي… كلهم بياكلوني في وشي بكل بجاحة ..

**unl0veable** · 06-07-2015 02:21 AM

المشاركة الأصلية كتبت بواسطة ENG.MaRk

انت تعرف ليه الناس برة متقدمين عننا بكتير ؟!
بعد الDiscipline و الcommitment طبعاً الناس برة بتعرف تحترم بعضها و طريقة سؤالك عن إذا كنت بأتكلم جد أو لا أنا معتبرها insult !!!
ثانياً أنا قلت إن ده شكل مبدأي للinterview و بيختلف من مكان لمكان حسب طبيعة العمل و الinterview الصح بينقسم ل 3 مراحل أولهم هي مرحلة التعارف أو breaking some ice و ثانياً معرفة مهارات الapplicant و قدرته علي العمل تحت ضغط و التفكير في حل للمشكلة (critical thinking) و المفروض الemployer بعد المرحلة التانية بيكون حدد إذا كان الapplicant مناسب للوظيفة أو لا و المرحلة التالتة بتبقي تأكيد لقراره ... صاحب الموضوع ماعندوش خبرة كافية في الinterviews علي ما أعتقد و أنا حاولت أساعده علي قد ما أقدر و أسهلها عليه لكن لو هو عايز سصعبها ممكن أقوله علي template صعب جداً للinterview ممكن بسببه يكتشف إن مفيش حد مناسب للوظيفة

**ENG.MaRk** · 06-07-2015 03:03 AM

المشاركة الأصلية كتبت بواسطة MaZaGAngeE

يا باشا مش بقول انه مالوش لازمة ولا بنشر طاقة سلبية… انا بس بقول الواقع بناء علي خبرتي الشخصية في التعامل مع العمال و الفنيين و السواقين و المهندسين… سواء في تعيينهم او تدريبهم او ادارتهم في الاعمال اليومية…
الحق يتقال احنا بنشتغل بطرق في غالبها بتقتل اي ابداع او ابتكار عند العامل و لو غلط مرة و فكر صح بناخد الفكرة و نحطها باسامينا و ده اتعمل معايا كتير جدا و انا مهندس صغير او رئيس قسم او مدير صيانه… بس الحمدلله دايما بطلب من اللي تحت ادارتي انهم يفكروا و يجربوا و بنزل مكافئات للفكرة الحلوة و بعمل تقرير للادارة بكده ..

بس تقدر تقول ان اسلوب الادارة ده نادر جدا في مصر و انا مقابلتش مدير فوقي محترم بيديني حقي… كلهم بياكلوني في وشي بكل بجاحة ..

أنا ماشتغلتش في مصر خالص غير في الbusiness علشان كدة مش عارف ايه أخبار سوق العمل ... واضح إن الإبداع و الاختراع ملوش حظ في البلد ديه

**wawamoha** · 06-07-2015 03:29 AM

ممكن اضيف ؟؟؟

بص يا سيدي - من واقع تجربتي البسيطه و دراستي للا ماستر :
1- تكنيكال انترفيو مهم جدا - مين قال ان خريج الجامعه بيبقى فاهم ؟؟
2- لو شركتك عندها Strong Culture - يبقى مهم جدااااااااااااااااااااااا ااااا.......اااااااااااااااا تختار واحد عنده المقدره عل التكيف بسرعه مع الثقافات الاخرى \ الاخرين
3- Emotion intelligence شوف عنده الاحساس بالخرين - و للا بلاطه ...

ربنا يوفقك

**askanas** · 06-07-2015 05:55 AM

انت لو عرفت غرض المقابلة هتعرف هتعمل ايه ؟
يعني انا لو اوفيس بوي جاي الشركة انا عايز منه ايه ؟ ينضف - مشاوير - امين - مواعيده مظبوطة
فا هيكون كلامي معاه بيقيس مقدار الكلام ده . لكن مفيش حاجات ثابتة للمقابلة

وعلي نفس الاساس جميع الوظائف و السؤال هو انا عايز منه ايه

و خليها دردشة هتطلع منه بكل النتايج اللي عايزها .

**Ahmed_Rahem** · 06-07-2015 07:25 AM

أى انترفيو بينقسم لشقين اساسيين،
الاول : Hr وفية بيتحدد السمات الشخصية للمتقدم، سواء الجدية ،الالتزام، تحمل المسؤلية، العمل تحت ضغط، الخ ويفضل يقوم بيها واحد بتاع hr وممكن فى حضورك علشان تاحد فكرة بردة عن المتقدم. الجزء دة مسئولية hr علشان المفروض انهم بيعينوا على اساس سمات معينة ثابتة فى كل الشركة علشان البيئة العامة للشركة تكون متامثلة.
الاسئلة الاكثر شيوعاً، عرفنى لنفسك فى 5-3 دقائق، من هو فلان؟
كيف ترى نفسك بعد 5 سنوات من الان؟
اكتر موقف تتذكر كان صعب / اخدت قرار متسرع ؟ الخ ؟
اية نقاط ضعفك ونقاط قوتك؟
تعرف اية عن شركاتنا؟
لية قدمت فى الوظيفة دى؟

الثانى: تقنى ودة مسئولية المدير المسؤل، وفية بتختبر النقاط الاساسية المهنية للوظيفة ومدى كفائة الردود وامكانية التعامل مع المشكلات وطرق التفكير فى الحل.
الاسئله، بما انى مش عارف الوظيفة فهكتب اسئلة لمحاسب جديد وانت قيس عليها للمهنة بتاعتك
اية هى المعايير المستخدمة فى الشغل؟
تعرف عناصر القوائم المالية؟
اية الفرق بين بنود الاصول والالتزامات؟
اية الفرق بين المخصص والاحتياطى؟
تعرف اية الفرق بين المحاسبة الضريبية والمالية؟

متخدش على ان المتخرج عارف كل شئ احياينا بيكونوا ميح للأسف، او ممكن نقاط القوة عندة مش المطلوبة فى الوظيفة المتقدم فيها.

اخيراً بتعمل جدول بالنقاط الرئيسية بالتعاون مع hr وبتقلل الاختيار حتى تلاقى الى انت عايزة.

**Ahmed_Rahem** · 07-07-2015 06:37 AM

المشاركة الأصلية كتبت بواسطة matrix_it

حضرتك متأكد ان الاسءلة دى لمحاسب جديد ؟؟

ايوة، والى يقدر يجاوب عليها كلها يبقى فاهم كل حاجة وبيتقبل، والى يقدر يجاوب نصها يبقى كويس ونبص على باقى امكانياتة التانية (ذكى، مجتهد، خبرة الكمبيوتر، السمات الشخصية) - وممكن يتقبل والى جاوب كل الاسئلة يترفض بسبب المهارات الاخرى - والى يفشل فيهم بنقولة مفيش نصيب تكمل معانا.