الموضوع: مشكلة غربية في دهان لانسر شارك 2015 وكيل

من كام يوم قرأت كلام كان واحد كاتبه إنه شاري شارك وقرف منها لإنه لقى البوية بتاعتها بتطلع وهو بيغسلها وإنه عمل شكوى في حماية المستهلك وما خدش طبعا لا حق ولا باطل في بلد الو.... دي

المهم ما ركزتش أوي في الموضوع وما شغلش بالي وقلت يمكن دي مشكلة فردية
ولكن أنا دلوقتي بقالي أقل من 3 شهور شاري العربية وعاملة 3000 كيلو وكل شوية ألاقي حتة من بوية الإكصدام الخلفي والأمامي خصوصا الخلفي متقشرة وباين الفبر الإسود بتاع الإكصدام
مع إن العربية علطول في الجراج ومغطيها كمان فيه ولو وقفت في أي مكان أكتر من نص ساعة بغطيها بردو وكمان نزولي بيها قليل مش كتير لكن كل يومين ألاقي حتة قد الضافر بويتها متشالة وباين الفيبر
ومفيش أي أثر لخدش أو حتى كحتة خفيفة فقط حتة أد الضافر أو أصفر شوية من غير بوية بدون أي خدوش أو تجاريح

إفتكرت كلام الراجل اللي قريته وقلت إيه دي طيب أنا ماغسلتهاش لغاية دلوقتي وأنا بنفسي اللي بمسحها بقوطة قطن ناعمة طيب إيه اللي بشيل البويه دي هي العربية عندها جزام ولا إيه؟؟؟؟؟؟؟؟!!!

العربية وكيل ولاحظت إن الرفرف منفيش حتة الكاوتش الصغيرة اللي بتبقى راكبة فيه من ورا علشان تصد الطين والزلط فياترى ممكن يكون الزلط اللي متنطور من الكاوتش الرديء بتاعها هو اللي يبخبط في الأكصدام ويقشره؟؟؟!!!!!!

لكن حتى لو كده يبقى دهان العربية دي فعلا دهان زباااااااااااااااااااالة أوي

وأنا عرفت كده من ساعة ما روحت أرخصها المهندس وهو بياخد بصمة الموتور بيقولي إيه ده هي العربية دي زيرو ؟ قولتله: آه قالي : أمال إيه اللي عمل فيها كده؟ قولتله :عمل إيه
راح مشاورلي على صدر العربية لقيت الصدر مش واخد لزن العربية وباين لون البطانة الشامبين فيه مع ملاحظة إن العربية نبيتي
قالي : أمال ياباني إيه وقرف إيه ده بس
وبعدها لقيت كل العربيات اللي في المعرض كده
بس عرفت ساعتها إنهم راشين العربية دي برجلهم مش بإيديهم

أخيرا لقيت كلام الراجل اللي لقى البوية بتقع وهو بيغسل العربية كتب قائلا:

"كل عام وانتم بخير بمناسبة شهر رمضان المبارك انا كنت من ملاك السيارة الجميلة الاوبترا كنت شاريها زيرو عام 2010 كانت عجبانى جدا جدا شاء القدر واتباعت وفكرت كتير اجيب اية لقيت جروب لانسر شارك بيمدح فى العربية اوى اوى سالت كذا واحد طلعولى بيها السما المهم بصراحة كانت مع كذا حد مشكرليش فيها المهم الجروب فى ناس من مبيعات التوكيل يقنعوك ويودوك لمعرض كمان ويجبولك بسعر حلو المهم اشتريت العربية وفوجئت كالاتى عزل العربية زبالة بمعنى الكلمة تقفيل العربية والله تقفيل الفيرنا انضف منها كاوتش ماشاءالله تسمع دبة النملة فية المهم قولت معلش واستحمل رغم ان صوت الطريق والموتور بجد سببولى توتر قولت معلش فوجئت عيل صغير بيسند عليها اطبقت المهم اكلم الناس ف التوكيل يا جماعة صوت العربية يقولولى هوة كدة وكنت انا وكذا واحد متضررين بسبب التضليل ويقولى مهندس فى التوكيل حضرتك مجبتش النترا لية قطع غيار ارخص ومرمية طب دة اقولة ابة !! قولتلة اصلى كنت مفكرها عربية محترمة وتوكيل محترم ياسادة المراية فى التوكيل ب 3500 ومش موجودة !! وفى عربيات علشان باب مرمية فى التوكيل من شهور المهم وانا بغسل العربية لقيت بوهية العربية بتقع قولت لا بقى انا لازم اشوف حل فى الجرار دة كلمت الناس على الجروب وقولتلهم انا لازم اقول للناس بكل صراحة عن عيوب العربية لان كدة تضليل للناس لانى بجد اضللت ومش عايز حد يتضلل بسببى وبعد مرديت ع واحد اكتشفت انهم شلونى من الجروب وحد من السادة المحترمين ييقولى مينفعش تعيب فى العربية فى الجروب قولتلة انا كنت هطلع من نفسى لانة كلة كدب وضلال وضحك على الناس بمقولة عربية يابانى نصيحة منى والله متشتريش شارك ال2008 مبتتبعش وجاية تتباع دلوقتى يفولك اصل عدلو فيها قولة عدلو من 2012 متباعتش لية لان يا سادة هما رخصو العربية فبتدت تتباع مش بتتباع علشان حلوة خالص زى الفيرنا بتتباع علشان رخيصة نصيحة بجد ابعدو عن الشارك واستنو شكل جديد احسن لان ميتسوبيشي فشلت فى العربية دى فشل زريع بجد"