الموضوع: موجة جديدة من الغلاء

ا/ banzai وا/tasaka مؤيد كلامكم عن النظام العالمى للاقتراض وصك العملات وان كل وحده نقديه فى العالم مبيملكهاش شخص واحد بل اكتر من شخص ومؤسسه واظن ان الموضوع عامل زى القطر بدايته عند امريكا لما استبدلت الاحتياطيات العالميه من معيار الذهب الى الدولار باكبر عمليه نصب فى التاريخ ومن ساعتها بدل الاحتياطيات كانت عباره عن معدن له قيمه وشبه محدود عالميا بقت الاحتياطيات شويه ورق ملهوش لازمه وكمان بقت امريكا تداين الناس بشويه الورق ده يعنى كل الدول مستلفه قروض بالدولار امريكا طابعاه بدون رقيب ومداينه العالم بيه والقطر ده ملهوش نهايه
وعلى فكره عيب النظام العالمى الحالى ان كل المسكنات اللى موجوده بتدارى مصيبه الانهيار الكامل لان النظام ده انهياره مبيكونش تدريجى ولا قابل لاعاده الهيكله الموضوع حينهار فجأه وفى العالم كله مره واحده

اما عن سؤال ا/باسم يوسف عن وصول مصر لوضع اليونان اقولك حسب وجهه نظرى الشخصيه مصرمش حتبقى فى نفس وضع اليونان لان احنا عندنا شويه حاجات ربنا عاطيهالنا بتعتبر موارد وايرادات منها قناه السويس وشويه السياحه ومبلغ احتياطى نقدى "حتى لو جزء منه قروض وودائع" وكمان متنساش ان مصر فيها انتاج داخلى تقدر تقول فى اغلب المجالات حتى لو مش مكفى السوق بس موجود وكمان عندنا مبلغ كويس بييجى نتيجه التصدير حتى لو مش كبير قوى ولكنه موجود
وعندك شويه عوامل تانيه برضه تخلينا منوصلش لوضع اليونان اهمها تنوع مصادر الاقتراض الدولى "وخاصه منها اللى على استعداد يسلفك لوجود رابط قومى ودينى واللى هم اشقاءنا العرب" ومصادر الاقتراض الداخلى حدث ولا حرج كم الودائع المهوله للمصريين عاطى فرصه حلوه للحكومه انها تقدر تصدر سندات وتلاقى فورا اللى يشتريها ودى ميزه للحكومه بس نقطه سلبيه للاقتصاد لان معنى زياده الودائع ان الشعب مبيستثمرش فلوسه وانما مكنفهم فى البنك وده بيضر الاقتصاد بشكل كبير
وكمان فكره ان مصر شعبها متطلباته قليله بالنسبه للاوروبيين فاحنا نسبه زياده الاجور للتضخم مختلفه تماما عن اوروبا وبالرغم ان ده ضغط على المواطن الا انه ميزه لموازنه الدوله
وكمان مصر كل تقاريرها لما بتحب تاخد قروض او بتقدمها فى اى محفل دولى بتتراجع مراجعه دقيقه علشان احنا "مصنفين عالم تالت " فالكل عايز يضمن حقه بعكس اليونان اللى قدمت تقارير مزوره علشان تدخل الاتحاد الاوروبي وتمت الموافقه على التقارير دى ولسه مكتشفين التزوير ده لما بدأت اليونان تنهار وبرضه خللى بالك الازمه فى موضوع اليونان ان اليونان داخل كيان وانهيارها حيأثر على الكيان ده وممكن يخليه ينهار هو كمان انما مصر بلد لوحدها وقراراتها حتأثر فيها بس ولو اثرت خارجيا بيكون تأثير غير مباشر

وعلشان كده اقدر اقول ان مشاكلنا الاقتصاديه مختلفه شويه عن مشاكل اليونان وده مش معناه اننا معدناش مشاكل اقتصاديه بالعكس عندنا مشاكل كبيره بس نوع مختلف من المشاكل مش مشكله ديون انما احنا عندنا مشكله بطاله -تعليم -صحه -زياده فى المصروفات وقله موارد الايرادات وشويه حاجات كمان كده سلوكيه واجتماعيه واقتصاديه انما مش ازمه فى سداد الديون .

تحياتى .

ما هو الهدف من قانون عزل رؤساء وأعضاء الهيئات المستقلة والجهات الرقابية من مناصبهم ؟

أصدر الرئيس عبد الفتاح السيسى القانون رقم 89 لسنة 2015، الذى يتيح له عزل رؤساء وأعضاء الهيئات المستقلة والجهات الرقابية من مناصبهم ، فهل يكون هشام رامز محافظ البنك المركزى المرشح الاول لمغادرة الملعب ، خاصة وأن سياساته الفاشلة تسببت في أكبر ارتفاع للدولار فى تاريخه أمام الجنيه المصرى مما يهدد الاقتصاد المصري ،
أنا شخصيا أتوقع أن هشام رامز هو الهدف الاول للقانون وانه لابد ان يكون اول من يتم الاطاحة به.
لنرى ماذا سيحدث