هل لو اديت حد صورة البطاقة ممكن يستخدمها ضدى

هل لو اديت حد صورة البطاقة ممكن يستخدمها ضدى ؟؟؟

الرقم القومى خصوصا

حسب ياباشا ..يعني مثلا ممكن يقتل قتيل ويحط صورة البطاقه في جيب القتيل ..مثلا يعني

الموضوع نسبي ونوعي

يرجع لثقة حضرتك في الشخص اللي هياخد الورقة دي ..خلي بالك دي صورة ..يعني الحصول عليها سهل نوعا ما ..بس برضه .زي ما قلت لحضرتك هي تختلف حسب ثقة حضرتك في الشخص وحسب الحاجه اللي هتستخدم فيها صورة البطاقة دي

في الايام ايللي احنا فيها دية بلاش بالله عليك
ماعدش في ثقه في اي حد واحنا في شعب متدين (أمي) بطبعه

مشكلة صورة البطاقة إنها إثبات إنك شخصيا عملت إجراء ما، أمثلة:

-صورة بطاقتك + موظف شؤون طلبة غير أمين في كليتك = شهادة تخرج باسمك وصورة شخص تاني.
- صورة بطاقتك + موظف بنك غير أمين = إثبات إنك اودعت مبلغ مالي في حساب مشبوه مثلا.
- صورة بطاقتك + موظف شهر عقاري غير أمين = توكيل منك بالتصرف في (بعض/ كل) ممتلكاتك، أو توكيل لمحامي يرفع قضايا بالنيابة عنك.
- صورة بطاقتك + موظف غير أمين في محل خطوط موبايلات = شريحة أخرى بنفس رقم تليفونك، وبالتالي لو فيه حسابات فيسبوك مثلا أو إيميلات مرتبطة برقم موبايلك فهو يقدر يستولي عليها.
-صورة بطاقتك + موظف مرور غير أمين = عربية يتم ترخيصها بإسمك ويتعمل بها أي مصايب.
- صورة بطاقتك + موظف سجل مدني غير أمين = شهادات ميلاد لك ولكل قرايب الدرجة الأولى لك وقسيمة زواج لك (لو إنت متزوج)
-صورة بطاقتك + موظف جوازات غير أمين + شهادات ميلاد أطفالك (راجع المثال السابق) = جوازات سفر باسم أولادك وصور أطفال آخرين (مش فاكر هل استخراج جواز سفر شخصي بيحتاج وسيلة تأكيد أخرى غير البطاقة ولا لأ، لو مش بيحتاج فبالاستعانة بنفس موظف الجوازات غير الأمين ممكن يستخرج جواز سفر باسمك وصورة شخص آخر).

الأمثلة دي مبالغ فيها شويتين تلاتة، والموظفين في الأماكن الحساسة زي الأمثلة المذكورة أكيد بيكون عليهم رقابة أمنية وتحريات كل فترة للتأكد من عدم انحرافهم، بس دا ما يمنعش الواحد ياخد حذره وما يتركش مستنداته لحد مش واثق فيه

لو كان شخص ثقه لقضاء مصلحه٠ اكتب علي ظهر الصوره يستخدم لغرض كذا فقط

لا عادي، دة أنت لو اديته البطاقه نفسها تروح تعمل محضر وتطلع بدل فاقد وخلاص..