الموضوع: الاصدار الافضل من تكييف شارب ..

المشاركة الأصلية كتبت بواسطة مُصْطٓفٓى

تكنولوجيا جديدة في المكيفات
مهمتها توفير الكهرباء بنسبة 40 في المئة
بالإضافة إلى تغلبها على موضوع عدم ثبات درجة الحرارة في الغرفة
بالإضافة لكونه أسرع في تبريد الغرفة

رائع جدا
اول مره اعرف المعلومه دي
شكرا ليك :)

انا عندي في الشغل كارير وفي جوي صحراوي نار مولعة في المنطقة الصناعية مدينة السادات واغلب المواقع الي بكون فيها كل التكيفات بتاعتها كارير برضو وبصراحة ممتاز

التيار المتغير - يعني له تردد - والتردد العادي في مصر 50 - والجهد العادي في المنازل 220

الانفرتر في السوق - اسم لجهاز بيحول من بطاريات 12 او 24 فولت الى تيار متغير بتردد 50 و 220 فولت ليشغل اغلب الاجهزة في المنازل
لكن الانفرتر اكبر واشمل من المعنى ده
---
الانفرتر - هو جهاز بيحول الكهرباء من تيار ثابت (البطاريات مثلا) الى تيار متغير التردد ومتغير الفولت
--
في التطبيقات الصناعية (مجال عملي) بنعتمد على الانفرتر لتحويل التيار المتغير بتردد 50 وفوقت 220 - الى تيار ثابت اولا - ثم الى تيار متغير مرة أخرى - لكن بتردد وفولت مختلفين - يتم التحكم فيهم عن طريق الانفرتر بالزيادة والنقصان للتحكم في سرعة دوران المواتير في الأغلب ABB \ AC Drives
--
وده المقصود في التكييفات والثلاجات الحديثة - شارب وLG وقريبا سامسونج - ان بيتم التحكم في سرعة دوران الكومبرسير عن طريق التحكم في التردد والفولت الي خارجين ليه عن طريق الانفرتر
--
وبالتالي - يفضل الكومبرسيور شغال طول الوقت - لكن 40% من قدرته - الجو حر - الانفرتر يرفع التردد والفولت - فيشتغل عند 45% من قدرته - وهكذا - يفضل شغال طول الوقت
--
عكس النظام القديم والمنتشر في التكييفات والثلاجات - الي كانت بتعتمد على ان الكومبرسيور يفضل شغال 100% من قدرته - لحد ما التبريد يوصل للدرجة المطلوبة - فيتوقف تماما - لحد ما الحرارة تزيد تاني - فيشتغل تاني 100% وهكذا
--
تخيل انك سايق عربية وعايز تثبت سرعتها عند 80 كم - زمان كنت تدوس بنزين على الآخر لحد ما توصل 85 - تشيل رجلك خالص - لحد ما توصل 75 - تدوس تاني وهكذا
--
النظام الجديد - قالك لا - انت تفضل دايس بنزين - بس تزود بنزين لحد ما توصل للسرعة المطلوبة - وتثبت عن نفس درجة البنزين - 40% مثلا - ولو وصلت لمطلع - سرعتك هاتنزل تاني - هاتدوس زيادة كمان شوية - بقت 45% - وهكذا
--
ده بيضمن سرعة في الوصول للتبريد المطلوب - ثبات في التبريد - توفير في استهلاك الكهرباء يصل الى 40%
-- اسف على الاطالة