الاصدار الافضل من تكييف شارب ..

**WHATZUP** · 06-07-2015 03:21 AM

فني التكييف يحاول ان يقنعني ان اشتري تكييف شارب الاصدار القديم .....وقال لي انه افضل من الاصدار الجديد 2015...هل هذا الكلام صحيح... وسالت فني اخر فقال لي....ان الاصدار القديم يستخدم نوع فريون ارخص وبناءا عليه فانه موفر ماديا.......فهل هذا الكلام صحيح....ام ان الفريون الجديد سوف تكون كفائته افضل......ارجو الرد بسرعه...لانه سوف ياتي للتركيب غدا باذن الله...وشكرا مقدما.....

**accord** · 06-07-2015 03:31 AM

فكك من فتي الصنايعية وخليك مع الاحدث
التكنولوجي كل يوم في جديد

**طارق _عبد السلام** · 06-07-2015 03:57 AM

هو هتغير له كل يوم فيريون............... الاحدث افضل.

**أبو آسر** · 06-07-2015 05:21 AM

شارب أساسا أصبح فاشل شأنه شأن كل منتجات مصانع العربي اللي بتتمسح في الياباني والياباني بريء منها
أنا عندي 2 شارب وأحدهم كان فيه عيب خطير منتشر بمعظم الوحدات وهو صوت طقطقة صادر من المروحة الداخلية وملوش حل عندهم ! تخيل ؟!
وكلمت الشركة اللي ركبته أكتر من مرة وكل مرة ييجي واحد يلصمه ويمشي ومفيش كام ساعة والصوت يرجع وآخر ما زهقت كلمت العربي نفسهم بعتولي موزع قريب مني مكنش عارف يفك الريشة الخارجية !! وآخر ما زهقت جبت فني واحد شكرلي فيه وفكه حتة حتة وعمل فيه على أد ما يقدر وفعلا الصوت راح تقريبا بعد معاناة
الخلاصة لو تقدر تجيب ال جي أفضل وفكك من شارب خالص

**أبو آسر** · 06-07-2015 05:50 AM

المشاركة الأصلية كتبت بواسطة مُصْطٓفٓى

كنت لسه حعمل موضوع عن ايهم افضل sharp & lg
وخاصة في تكييف الانفرتر
ال جي 1.5 حصان انفرتر بارد وساخن عامل 7000 جنيه
شارب 2.25 حصان انفرتر بارد فقط عامل 6600 جنيه
واحد حبيبي قالي اعمل سيرش وشوف ايهم افضل
الغرفة لا تعتبر كبير 3.5 في 3.5 يعني الحصان ونصف كويس جدا ان شاء الله

حصان ونص كويس جدا وزيادة كمان على غرفة بالمساحة دي
وهات إل جي متجيبش شارب عن تجربة مع الاتنين لأن شارب دلوقتي بيعتمد على مسألة الصيت ولا الغنى

**أبو آسر** · 06-07-2015 07:46 AM

المشاركة الأصلية كتبت بواسطة dreamo

عندي شارب 3 حصان بريميم بلاس بارد ساخن .. من خمس سنوات
باقي على انتهاء الضمان شهرين

أول تكييف اجربه وماجربتش غيره .. لكن شوفت ال جي 3 حصان و 1.5 حصان واتعاملت معاه

اولاً تكييف ال جي .. حاسس صوته اهدى .. والتبريد بين شارب وال جي ماتقدرش تقول واحد افضل في التبريد
لأختلاف البيئه
ثانياً ال جي لاحظت ان جودة الخامه والتقفيل اقل من شارب .. حتى الريموت كنترول
في ال جي الريموت خفيف اوي وتحسه جوده وخامه رديئه .. في شارب الريموت تحس ان معاك ايفون

مالاخر .. تكييف شارب انا مشغله على مساحه 100 متر مابيفصلش طول الخمس سنين
ونقلته من شقه لشقه .. صحيح التبريد مش بيوصل لكل الغرف في الشقه
لكن ملحوظ اوي التبريد في المكان اللي راكب في ه في الصاله .. وبحس بيه في الغرف البعيده
والحمد لله لا عطل ولا غيرتله فريون .. حتى مع النقل ماتغيرش فريون
هي الصيانه الدوريه الطبيعيه المجانيه عباره عن تنضيف خارجي عادي كل فتره .
وخدمة عملاء وصيانة شارب .. ممتاااازه .. اتصل بالليل يجولي تاني يوم الصبح .

بخصوص اصدارات شارب .. انا مش مقتنع بحكاية الفريون دي
مانت ممكن تجيب القديم وتغيرله الفريون بفريون جديد اللي انت عايزه بقى

وبالمناسبه في 1.5 حصان شارب نزل جديد .. الفنيين بيقولوا عليه حكايه ورائع وفيه كل الاوبشن

اخيراً ماتستعجلش وخود راحتك ووقتك في البحث والمقارنه .. وحاول تشوف عالطبيعه .

غريبة موضوع التقفيل ده لان عندي ال جي ٣ حصان من حوالي ٥ سنين برده وتقفيله ممتاز والريموت افضل الى حد ما من ريموت وتقفيل شارب اللي عندي من سنتين بس !
حتى الجسم الداخلي للشارب تحسه بلاستيك رديء وخفيف على خلاف ال جي

**أبو آسر** · 06-07-2015 07:54 AM

-

الموضوع: الاصدار الافضل من تكييف شارب ..

LinkBack

أدوات الموضوع

عرض

-

-

-

-

-

المواضيع المتشابهه

تكييف شارب 1.5 اسبليت هل هو جيد ام هناك الافضل ؟؟

للى جرب تكييف شارب وlg

تكييف شارب كسر الزيرو

ايهما الافضل تكييف شارب ولا سامسونج؟

سعر تكييف شارب

الكلمات الدلالية لهذا الموضوع

المفضلات

المفضلات

ضوابط المشاركة