الموضوع: مشروع تربية كلاب وقطط حد يعرف متطلباتة؟

المشاركة الأصلية كتبت بواسطة رامي مصطفى

نصيحه اقبلها او لا
بلاش تربي كلاب لان فيها حرمانيه وفلوسها حرام
اعتبرني مابعرفش حاجه و اتأكد برده من الكلام ده معلش قبل ما تنوي علشان ربنا يباركلك

يرجى قراءة كلام شيخ الإسلام ابن تيمية فى كتابه مجموع الفتاوى حينما سئل عن هذا الأمر فأفتى بجواز أخذ الثمن للكلب (المعلم) بضم الميم ، لما تتحقق به مصلحة للمسلمين من إستخدامه للحراسة أو للصيد ، ومصلحة لمن يعلم الكلاب تلك المهارات بموهبة ومقدرة وهبها له موزع الأرزاق ، فكل" ميسر لما خلق له ، وصدق الله القائل (( وعلمك ما لم تكن تعلم وكان فضل الله عليك عظيما))

المشاركة الأصلية كتبت بواسطة الفجر

بعرف انة مشروع نادر ومحدش فكر فية

مشروع تربية قطط وكلاب مدربة حد يعرف او حتى يفهم فية وتكاليفة من اكل وتدريب وارض وخلافة؟

يارب يكون حد هنا يفم فى الحاجات دى وان كنت اشك بس يا مسهل يارب

مشروع مربح جدااااا"
بشرط توفير المكان المناسب المجهز ، والإمكانيات اللازمة على تفصيل يطول شرحه، ومراعاة لأمور معينة ليكون بيع السلعة حلال / والتى هى فى هذه الحالة ، الكلب المدرب (المعلم) على الحراسة أو الصيد أو كلاهما .

كلام حضرتك جميل و النبي صلى الله عليه وسلم قالها قبلو ((إلا كلب صيد او كلب زرع))
هل ايللي بيربي الكلاب دلوقتي بيعلموا الصيد؟؟؟؟؟ ولا تعالا ياتوتو روح ياتوتو سلم بإيدك ياتوتو؟؟؟
وهل ايللي بيشتري كلاب في زماننا علشان يطلع رحلات صيد ولا بيربيه في البيت ويركبوا العربيه ع رجلوا ويقعد يبوس فيه ويحضن فيه؟؟؟؟؟؟؟
لو السائل الكريم هيعلموا الصيد والحراسه ويبيعه بس للي هيصطاد بيه او يحرس بيه ارض او بيت او ممتلكات يبقي تمام
واولا واخيرا احنا مش فقهاء ممكن كلامي ده يكون كله غلط انا مجرد بفكر اخويا يخلي بالوا ويسأل من يثق في دينهم قبل مايبدء علشان ربنا يباركلوا
تحياتي