الفيرنــا بتبطل كل ما أفول العربيــة بنزيــن !!

**roffa1** · 29-07-2007 01:44 AM

معايا فيرنا 1600 أوتوماتيك مو 2005 عامله 87000 بيحصل معايا مشكله غريبه خالص : منذ حوالى 15000 كم أبتدت العربية كل ما أملاها على الآخر بالبنزين 92 و أمشى بيها بعد حوالى 1كم و أول ما أرفع رجلى من على البنزىن أو أدوس على الفرامل , العربية تبطل و طبعا علشان أشغلها تانى لازم أديلها غيار ال N و أدوس على البنزين كتير مع الكونتاكت علشان تشتغل تانى . الحكاية دى تتكرر مع كل تهدية أو دوسة فرامل لغاية لما أستهلك حوالى 4 أو 5 لتر ترجع العربية زى الساعة آخر حلاوة . مع العلم بأنى غيرت فلت البنزين و البوجيهات و فلتر الهوا مرتين فى خلال 10000 كم و كمان غيرت موتور طلمبة البنزين بآخر أصلى من التوكيل. مع العلم بأننى كل مشاويرى على الطريق السريع و طبعا لما تبطل العربية مايبقاش فيها فرامل ولا باور طبعا الموضوع فى منتهى الخطورة. و اذا لم أفولها, كل كل حاجة تبقى زى الفل. أرجو الأفادة

**sab3aawy** · 29-07-2007 09:31 AM

دى مشكلة شرقان، العربية بتشرق نتيجة لأن كمية البنزين اللى بتدخل من الرشاشات اكتر من اللازم

لازم تروح بيها التوكيل وتفهمهم ان العربية بتشرق ويعيدو ضبط السوفت وير أو يغيروا الرشاشات حسب الخطوة اللى يشوفوها صح، بس انا فى تخيلى ان تغيير الرشاشات هايحل المشكلة دى

**ahmedfouad** · 17-11-2008 05:01 AM

عملت ايه يا باشا؟

**mrghost** · 17-11-2008 05:07 PM

على ما اعتقدت ان المشكله اما فى التانك او الخراطيم اللى واصله حتى الموتور

**ahmed_yos** · 17-11-2008 05:15 PM

نا عندى نفس المشكلة ديه بالظبط و لما سالت الميكانيكى قالى ان المشكلة فى حاجة اسمها حساسات تنك البنزين هيا الى بتعمل كده لما العربية بتتفول بس الله اعلم الكلام ده صح ولا غلط
بس الى اكتشفتو بقى بالصدفة ان فى خرطوم صغير راكب فى حاجة عملى زى الفلتر بتاع البنزين كده فى شمال الكبوت الخرطوم ده لما بشيلو المشكلة بتتحل حتى لو فولت و الميكانيكى قالى شيلو ملوش لازمة بس بردو انا حاسس انى من ساعة ما شيلتة و استهلاك البنزين زاذ