افيدوني يا جماعه عشان انا تعبت من التفكير بعد البحث انا قدامي حاجه من اتنين
لانسر شارك فتحه سقف ١٥٢
النترا فتحه سقف ١٥٤
انا يهمني الأمان و العزل و قله الأعطال و توافر قطع الغيار
مستني آراء حضراتكم
شكرًا
عرض للطباعة
افيدوني يا جماعه عشان انا تعبت من التفكير بعد البحث انا قدامي حاجه من اتنين
لانسر شارك فتحه سقف ١٥٢
النترا فتحه سقف ١٥٤
انا يهمني الأمان و العزل و قله الأعطال و توافر قطع الغيار
مستني آراء حضراتكم
شكرًا
الاتنين كويسين
الفرق ان الالنترا فيها اوبشن اكتر زى اغلبية العربيات الكورى
و سمعت ان الشارك نازل منها موديل جديد السنة الى جايه ان شاء الله .. و معرفش موديل الالنترا الجديد هينزل امتى .. اسال فى الموضوع دة
انا بصراحة قبل ماأجيب الشارك كنت بقارنها بالفلوانس والكروز، الانترا كانت برا حساباتي خالص. انا ماسوقتش الالنترا، بس سمعت أن الhandling بتاع العربية على السرعات العالية مش حلو، والمقصود التحكم في العربية والstability, دا غير أن الدريكسيون مابيتقلش على السرعات العالية
شارك طبعا بس هي صالونها وشنطتها أصغر من الالنترا شوية !!
لو بتسافر كتير و بتمشي علي سرعات عالية هات شارك غير كدة هات النترا
الالانترا صالون اوسع وشنطه اكبر وشيك واعاده بيع عالي
الشارك ياباني انا معاك بس الصالون اضيق والشنطه صغيره مقارنه بشنطه الالانترا .....
توكيل غبور انا جربته سنه ونص ماكنش في اي مشاكل معاهم الحمدلله
توكيل لانسر ايه نظامه ؟؟
شوف حضرتك ايه افضل ليك وربنا يكرمك
نصيحة هات الالنترا بجنط و abs ساعتها هاتحمد ربنا كل ما تحط رجلك فيها
شكرًا يا جماعه علي الردود المفيده انا سواقتي داخل القاهره و السفر مره ولا مرتين في السنه انا عجباني الالنترا اوبشن و شكل تابلوه بس الشارك ياباني و ماركه محترمه جدا هو للأسف كله زود أسعار الشارك عشان الدولار و الالنترا فتحه سقف مش لقيها
أنا آسف جدا إن كنت تدخلت فيما لا يعنيني، بس إيه سر التمسك بفتحة السقف؟! دي حتى مش عمليّة في مصر، وكمان مش من أساسيات العربية!!
لا يا فندم لا تدخل و لا حاجه حضرتك اسأل براحتك الموضوع أني عندي ولدين و بيحبوا موضوع فتحه السقف عشان بيفتحوها و انا ماشي و يطلعوا دماغهم منها ده السبب الأساسي و شكرًا لمرور حضرتك
زود شوية وهات سيراتو
السيراتو أفضل من إلنترا في الثبات لأن عفشتها أنشف شوية فماسكة نفسها
الإلنترا بتتمرجح لأن عفشتها خفيفة
بس لو مش هيفرق معاك الجري وأخرك 120 ف النترا حلوة
وممكن تجيب إلنترا وتغير مساعدين خلفي بنوع أنشف زي المونرو
صدقني لما بتقارن الاتنين ببعض حسيت بأهانه للماتسوبيشي حتي لو فيها عيوب للاسباب الاتيه .......
اولا اساسيات العربيه الماتسوبيشي تفرق كتير عن الالنترا في الاعتماديه والامان والثقه وعلي رأسهم الماتور والعفشه والشاسيه والكونترول يمكن يكون صوت الماتور عالي بعد 140 بس في المقابل سير كاتينه حديد يكفي ترييح الدماغ واني اكون مطمن ثبات العربيه حدث ولا حرج .اداء العربيه علي الطريق لاتوصف
مميزات الالنترا التبلوه شكله جميل .قطع الغيار متوفره بزياده بحكم انها هيونداي
انما كا سياره والي يسوق الاتنين هيقدر يحكم وبجداره للماتسوبيشي............
اتمني حاجه في اي مقارنه ان لو حد طلب افضليه او مقارنه بين عربيتين اكون مجرب الاتنين مش مجرب واحده او اشتريت واحده تكون هي دي التوب لا اكون مجرب الاتنين واقدر اقيم بعدها
فتحة السقف تبدأ من الفئة الثانية للإلانترا، وفي الفئة الأخيرة للانسر، فإذا قارنت هاتين الفئتين، فالميتسوبيشي أفضل؛ فوسائل الأمان فيها أعلى، كما أنها مزودة بمفتاح ذكي وتكييف أوتوماتيكي، ويمكن طي المقاعد الخلفية لزيادة اتساع حيز الأمتعة. هذا غير أن اللانسر تتميز عن الإلانترا باقتصادها في الوقود وارتفاع بطنها عن الأرض.
الالنترا افضل على كل المستوباتو هي بس خفيفه شويه لكن هتتعود عليها في كام بوم و بس كدا.
انسى اكذوبة ياباني و الكوري دي انتهت من زمااااان,
ألالنترا : خامات افضل و جوده اعلى – اعتماديه – كماليات اكتر – انعم – عزل افضل – صالون اوسع – مريييحه –
الشارك : افتح الكبوت و اتفرج على مستوى عزل الاسلاك الكهربا ولا على طرمبة الباور المش موجوده اصلا في الالنترا علشان الالنترا باور كهربا انعم بكتبر. شوف مستوى البلاستيك كدا فيالشارك و تقفيل العربيه
او اقولك ؟ شوف ملاك الشارك بيقولوا عليها ايه من اول الصاج الورق اللي لو كلب قعد عليها بيطبق للدهان اللي بيقشر بعد 3 شهور.
http://www.nilemotors.net/Nile/47112...post3875974903
http://www.nilemotors.net/Nile/471119-2015.html
ولا عن العفشه الناشفه مثلا و الصالون الضيق الفقير و الشنطه الصغيره
و طبعا توكيل غبور مابتقارنش بدياموند
و على فكره انا معايا النترا 2013 عامله 117,000 كم ما شاء الله لسه زيرو و انا بسافر كتير كمان
لما فكرت الايام دي اجيب عربيه جديده كنت بقارن اصلا بين الشارك و الريو و اخترت الريو لنضافة العربيه من تقفيل و خامات و صاج و كماليات و تكنولوجيا.
سيدي الفاضل ....اركب الاثنين وقارن الميتسوبيشي ضيقة جدا عن الالنترا سواء في الامام او الخلف وشكل التابلوة والخامات سواء للكراسي والصالون افضل للالنترا العزل والنعومة افضل الالنترا النعومة واستهلاك البنزين وقوة الموتور الالنترا يكفي ان الالنترا بتعمل معايا 6 لتر لكل 100 كم وبمعدل سرعة بين 120-100 في السفر وداخل البلد مابتعديش 7لتر لكل 100 كم ....قطع غيار منتشرة اكتر وارخص من الميتسوبيشي الشارك وبمراحل ....ثبات مش بطال ابدا علي السرعات العالية حتي 200 بس بالعقل مش فووووو وبالاخص في التجاوزات لان الجزء الخلفي لية تفكير لوحدة غير باقي العربية .....نور واوبشن وحركات وشكل جذاب الالنترا ....سرعة بيع وتمسك فلوس اظن الاتنين زي بعض بس الالنترا بانتشارها عن الشارك افضل في البيع ودة اعتقادي ومش لازم تاخد بية .....انا ركبت الاثنين والشارك حلوة بس قدمت شوية خطوطها في الداخل والخارج عجزت والالنترا اصبي منها بمراحل ...من الاخر انت صاحب الاختيار وطبعا استخارة الله الافضل من كل شيئ
مع كامل احترامي لحضرتك وحبك الكبير للشارك بس متاكد انك ركبت الاثنين ومتاكد ان الشارك استهلاك البنزين اقل من الالنترا ؟؟؟؟؟؟
مش معني كدة اني باقول ان الالنترا واو وفايرون لا ليها عيوب واخطرهم الثبات بس فعلا بمجرد ما تاخد علي العربية وعلي رد فعلها للجزء الخلفي هتستمتع بيها وصدقني مش وحشة خالص وبعدها اركب الشارك وقول اية رايك بجد وصدقني هتغير خالص اللي انت كاتبة
خد بالك ان فية عربيات افضل بكتير في التماسك زي الصني القديم والشارك طبعا والكرولا لكن الراجل طلب بحيادية الاثنين دول وبالتالي امانة الرد اقتدت كدة
دا انا بنتي مصدعاني كل شويه ليه ماجبتش عربيه من غير سقف
اقولها ياحبيبتي منصور مقاطع الكلام الفاضي ده
تقولي طيب ماتروح لعموا يصلحالك ويشيل السقف!!!!!!
العربيه مش بس راحه وامان لأ العربيه راحة دماغ بردوا من تصليح السقف!!!!!!!!!علشان الاولاد
ربنا يوفقك في اختيارك
ربنا يبارك لكل واحد في عربيته
تم بحمد الله حجز شارك وكيل فءه تالته فتحه سقف و جنو ي و اي بي آس و طاره مالتي فنكشن من عند سمير ريان شكرًا لاراءكم القيمه استفد منها كتير
ربنا يبارك لك فيها إن شاء الله، ويعطيك خيرها ويكفيك شرها.
١٥٠٠٠٠ وكيل
ربنا يباركلك فيها ويديك خيرها ويكفيك شرها
الفئه دي من الالنترا مفيهاش abs
لو كنت بتقارن ف فئه ال 170 الف كنت هقولك النترا
بس كدة الشارك احلي
تستلم على خير إن شاء الله، وربنا يبارك لك فيها ويعطيك خيرها ويكفيك شرها يا رب.