تغيير وش السلندر والجوانات

السلام عليكم يا رجاله
بأختصار انا روحت النهاردة التوكيل عشان اعمل كشف كامل على العربية نيو اكسنت 2006 لاني كنت بعاني من تقطيع وصوت الموتور عالي ومشكلة سحب ، وبعد الكشف المهندس قالي ان العربية كانت عاملة وش سلندر قبل كدا ومتعملهاش خرط كويس ومتركب عليها جوانات جنجريد.

للاسف انا كنت مشتري العربية مستعمله من واحد ومقاليش على العيب دا، المهم المهندس قالي ان تكلفة تغيير وش السلندر والجوانات بالمصنعية هتعمل 11 الف جنية.

ايه الحل واروح فين عشان مدفعش 11 الف جنيه واصلحها تصليح نضيف بقطع غيار اصلية؟ ارجو المساعدة بالتفصيل وممكن تكلفني كام برا عند حد نضيف عشان انا معلوماتي على ادي في العربيات وشكرا.

لو حضرتك في إسكندرية كنت أفدتك ..شغلانه مش هتكلفك بره غير 600 جنيه بياخدوا فيها 11000 جنيه ..ربنا يهدك يا غبور إنت واللي زيك

اقتباس:

---

المشاركة الأصلية كتبت بواسطة abo_mazen

لو حضرتك في إسكندرية كنت أفدتك ..شغلانه مش هتكلفك بره غير 600 جنيه بياخدوا فيها 11000 جنيه ..ربنا يهدك يا غبور إنت واللي زيك

---

هيركب وش كامل زيرو وغالبا بعمود الكامه وبضمان الوكيل

اقتباس:

---

المشاركة الأصلية كتبت بواسطة mecha

هيركب وش كامل زيرو وغالبا بعمود الكامه وبضمان الوكيل

---

يا سيدي ما هو ممكن ما يحتجش يغير وش ولا عمود كامه ..وترسى على جوان ووش يتمسح وخلاص ..ويوم ما يغير الوش هيجيب وش إستيراد بالف ونص وخلاص كده

اقتباس:

---

المشاركة الأصلية كتبت بواسطة abo_mazen

يا سيدي ما هو ممكن ما يحتجش يغير وش ولا عمود كامه ..وترسى على جوان ووش يتمسح وخلاص ..ويوم ما يغير الوش هيجيب وش إستيراد بالف ونص وخلاص كده

---

والله ياريت كنت اتمني اني ابقي في اسكندرية بس للأسف أنا في القاهرة، بس السعر اللي حضرتك بتقول عليه دا مبشر.
في إنتظار بقية الردود إن شاء الله الاقي حد يدلني على الخير.

طبعا اشترى وش اسيراد حالته تكون نضيفه ,,هو حد بيشترى وش زيرو !!!
دا انت تشترى بالسعر دا موتور كامل و يزيد من الفلوس كمان

ها يا جماعة، حد يقولي على مكان نضيف وكويس في القاهرة؟

اي ميكانيكي عادي هيعمل الشغلانه ديه وبتتكلف من 400 الي 700 علي حسب الخراط هياخد كام ومصنعيه الميانيكي لو افتري 200

لو الوش اتخرط قبل كدا ,, يبقى الافضل ان يتغير خالص المرة دى

جماعة انا حاليا بدور على مكان اجيب منة وش استيراد بس مش لاقي وللاسف معرفش ميكانيكي نضيف عشان اروح معاه الحرفيين، حد يعرف ينصحني بمكان ثقه اجيب منة الوش ؟