تغيير وش السلندر والجوانات

**osamaattia** · 07-07-2015 01:27 PM

السلام عليكم يا رجاله
بأختصار انا روحت النهاردة التوكيل عشان اعمل كشف كامل على العربية نيو اكسنت 2006 لاني كنت بعاني من تقطيع وصوت الموتور عالي ومشكلة سحب ، وبعد الكشف المهندس قالي ان العربية كانت عاملة وش سلندر قبل كدا ومتعملهاش خرط كويس ومتركب عليها جوانات جنجريد.

للاسف انا كنت مشتري العربية مستعمله من واحد ومقاليش على العيب دا، المهم المهندس قالي ان تكلفة تغيير وش السلندر والجوانات بالمصنعية هتعمل 11 الف جنية.

ايه الحل واروح فين عشان مدفعش 11 الف جنيه واصلحها تصليح نضيف بقطع غيار اصلية؟ ارجو المساعدة بالتفصيل وممكن تكلفني كام برا عند حد نضيف عشان انا معلوماتي على ادي في العربيات وشكرا.

**Abo_Mazen** · 07-07-2015 01:51 PM

لو حضرتك في إسكندرية كنت أفدتك ..شغلانه مش هتكلفك بره غير 600 جنيه بياخدوا فيها 11000 جنيه ..ربنا يهدك يا غبور إنت واللي زيك

**Mecha** · 07-07-2015 02:50 PM

المشاركة الأصلية كتبت بواسطة abo_mazen

لو حضرتك في إسكندرية كنت أفدتك ..شغلانه مش هتكلفك بره غير 600 جنيه بياخدوا فيها 11000 جنيه ..ربنا يهدك يا غبور إنت واللي زيك

هيركب وش كامل زيرو وغالبا بعمود الكامه وبضمان الوكيل

**Abo_Mazen** · 07-07-2015 03:20 PM

المشاركة الأصلية كتبت بواسطة mecha

هيركب وش كامل زيرو وغالبا بعمود الكامه وبضمان الوكيل

يا سيدي ما هو ممكن ما يحتجش يغير وش ولا عمود كامه ..وترسى على جوان ووش يتمسح وخلاص ..ويوم ما يغير الوش هيجيب وش إستيراد بالف ونص وخلاص كده

**osamaattia** · 07-07-2015 05:25 PM

المشاركة الأصلية كتبت بواسطة abo_mazen

يا سيدي ما هو ممكن ما يحتجش يغير وش ولا عمود كامه ..وترسى على جوان ووش يتمسح وخلاص ..ويوم ما يغير الوش هيجيب وش إستيراد بالف ونص وخلاص كده

والله ياريت كنت اتمني اني ابقي في اسكندرية بس للأسف أنا في القاهرة، بس السعر اللي حضرتك بتقول عليه دا مبشر.
في إنتظار بقية الردود إن شاء الله الاقي حد يدلني على الخير.