صوت الموتور بيعلى و بيقطع سينا 1400

السلام عليكم

عندى لمبة فى تابلوة السينا 1400 ى الشمال بتاعة الحساسات كانت منورة . والاعراض ان العربية بتقطع بطريقه وحشه . كشفت على جهازين وقالو حساس كرنك وغيرته بواحد تمنه 130 جنيه من محل فى صقر قريش . وحطيت سائل تنضيف الانجيكشن . الاعراض بعد كانت كانت لمدة يومين اللبمة تطفى وتنور بس لما تطفى العربية تقطع ولما تنور العربية تتظبط نسبيا بطريقه كبيرة. بعد اليومين دول ابتدت طول ما اللمبه مطفية العربيه صوتها يعلى بطريقه صعبة والار بي ام يوصل 30 و 35 ولما اللمبة تطفى العربية تتظبط .

انا حاسس ان عندي مشكلة فى دورة الهوا بتاع الانجيكشن وخراطيمه وان ده اللى مبوظ الدنيا عندى ويمكن يكون فى حساس تانى ضارب او يكون حساس الكرنك اللى ركبته مضروب وبايظ

محتاج ميكانيكي محترم فى القاهرة وابن ناس وبيفهم ومش حرامي ولا حلانجى لانى روحت لحد ديلوقتى لخمس ميكانيكيه وكلهم بيعكو مابيخلصوش العيب

انا من سكان حلوان يعنى لو حد فى صقر قريش يبقى تمام ولو فى اى مكان تانى مش مشكلة بس ياريت عنوان بالتفصيل ولو رقم تليفون كمان يبقى تمام

وجزاكم الله كل خير