الموضوع: غز الشباب

يا ناس وﻻد وبنات رجال وستات استمتعوا بشبابكم قبل ما تكبروا ميخليكمش القلق على المستقبل او قلة المورد تضيعوا شبابكم حزن وقلق ..ايامكم مش هتتكرر ومش هتتعوض..اﻹنبساط والفرحة وسط الأهل والأصحاب مش محتاجين فلوس كتير احنا الى بنغلط فى شبابنا لما نرهق نفسنا بالبص لحاجة مش مقسومالنا..او نبص للى فى ايد غيرنا.. البنت الى تشوف حد شاريها وظروفة معقولة بﻻش تتعزز علية وتطمع فى حاجة احسن ..البنات الوحيدات فى التﻻتينات واﻻربعينات كتير ..ارجوكم اﻻخوات يفكروا فى اخواتهم وميسيبوهمش..حب الخير الناس والنقاء مع الحرمان من اجمل اسباب اﻹستمتاع بالشباب .. التوكل على الله ومناجاتة بما تطلب من اجمل اسباب اﻻستمتاع بالشباب.. زمان وانا 20 سنة مريت بازمة عاطفية ..حل مشكلتها شيخ المسجد وكان يعرف الوصول للقلوب..فهمت منة ان اى رغبة لك كمسلم ربنا هيديهالك لو دخلت الجنة ان اتحرمت منها فى الدنيا..اتعلمت منة الصبر والتمسك بالله الذى يعرف ما اريد و يخلق لعبدة بيدية كل ما يتمنى من قبل ان يولد..علمنى احب جمال ربنا الى خلق كل جمال يشدنا فى الدنيا..حافظوا على جمال شبابكم بعدم انتهاك الحرمات وعدم السكوت على من ينتهكها..حسوا بغﻻوة شبابكم وعيشوة باجسامكم السليمة الفتية وعقولكم المتوقدة وابتساماتكم الجذابة..كل يوم بيعدية شبابك فى هم ونكد خصم من أغلى لحظات عمرك عمرة ما هيرجعلك..بكتبلكم وانا على اعتاب اﻻربعين صاحى سقف الغرفة بيلف بيا انزل مالسرير اﻻقية بيرتفع وينخفض قدام عنيا وترجيع وصعوبات فى الحركة الطبيعية وربنا يقدرنى واعرف اسعد الىﻻحواليا ومقصرش مع اصحاب الفضل عليا..
مﻻحظات سريعة..
الناس الى يهمهم صحة وحيوية قرايبهم الكبار فى السن .. من خبرة بسيطة بعد اﻹلتزام فى الصﻻة و عادات الطعام وتوفيق الله سبحانة وتعالى فيتامين سنترام بيعوض نقص الشيخوخة..و بيومارين - اوميجا ثرى بيحارب عدم التركيز ورعشة اﻷطراف.. السنترام موجود بمصر بس بيو مارين موجود خارج مصر وبدايلة المحلية والمستوردة ضعيفة ..الليمون بالعسل وتقليل اللحوم الحمراء والدقيق والدهون والسكريات ولله الأمر من قبل ومن بعد