هو اللى بيهرب الجنيه المصرى بره مصر, بيعمل بيه ايه ؟؟؟؟

السلام عليكم و رحمة الله و بركاته

كان عندى سؤال:

قريت خبر لناس اتمسكوا و هما خارجين بمبالغ مالية بالجنيه المصرى لبره مصر. هما دول بيعملوا بيها ايه بره؟؟؟

:3mla:

والله اعلم دول لزوم تحويل الجنيه لدولار خارج مصر يعني يغيره في شركات الصرافة اللي برة او من العاملين بالخارج وبيكون تمنه اقل كتير من جوه البلد
وعشان البلد مافيش فيها دولارات وبدل مالعاملين يحولو فلوسهم ع البنوك وتدخل السوق الرسمي لا التجار بياخدو الدولار ب8 جنيه والحكاية دي زادت قوي من يوم ماعملو حدود للسحب والايداع للافراد والشركات
تجار كانت بتلف علي اماكن تجمع المصريين الريال ب2.1 جنيه ويستلمو الجنيهات في مصر هن طريق قرايبهم زمانه زادد بقي ب2.2 دلوقتي

يمكن هايخدهم سوفنير و لا حاجه :)))

تهريب العملة المحلية لا يقل خطورة عن تهريب العملات الاجنبية بل قد يزيد خطورة عنها
حيث يسهل تحويلها بالخارج الى عملات اجنبية وبسعر افضل
مثال بسيط
من الافضل للمسافر للحج والعمرة أن يخرج بالجنيه المصري وتحويله الى ريال سعودي بالخارج
بدلا من شراء ريالات أو دولارات من داخل مصر

كذلك هناك اضرار كثيرة على الاقتصاد نتيجة تهريب العملة المحلية اهمها ما يلي على سبيل المثال لا الحصر:
1- استنزاف الاقتصاد نتيجة تحويل الاموال للخارج وعدم استثمارها بالداخل
2- الركود الاقتصادي نتيجة لتراجع القدراتالمالية لتنفيذ مشاريع وطنية منتجة
3- انخفاض معدلات نمو الناتج المحلي الاجمالي
4-زيادة العجز في ميزان المدفوعات نتيجة لتراع معدلات الادخار المحلي وبالتالي تضطر الدولة للاقتراض من الخارج
5-انخفاض قيمة سعر صرف العملة

بالعكس عملتنا اقل بره
وانت اكيد قصدك على الخبر ابو 40 الف
القانون اخره هنا 5000 مصرى