هشتري شارك مواصفات شرق أوسط ومحتاج مشوره من أصحاب الخبره :)

**Dr.M_ElAshmawi** · 08-07-2015 01:02 AM

بعد اذنكم أنا ناوي أشتري شارك وعاجبني الأوبشنز اللي في توب لاين شرق أوسط لكن عندي كام استفسار أتمنى لو حد يقدر يفيدني :

سمعت ان العفشه بتختلف في الشرق الأوسط عن الخليجي والتوكيل والعربيه بتكون أوطى حاجه بسيطه ناس بتقول المساعدين مختلفين فيها وناس بتقول سوست ومساعدين !! .. ايه مدى صحة الكلام دا ؟

سمعت بردو ان الأوبشنز الزياده في الشرق الأوسط بتكون صيني ومتركبه هنا في مصر ؟؟ بردو الكلام دا ايه رأيكم فيه ؟

في كلام بردو بيتقال ان تكييف الشرق الأوسط ضعيف مقارنة بالخليجي !! ؟؟

مين وكيل أو مستورد الشرق الأوسط هنا في مصر ؟ مضمون ولا لأ ؟

بشكل عام في عيوب معينه في الشرق الأوسط تخليني أبعد عنها ؟

لو استنيت 2016 تنزل هتفرق كتير في السعر ؟ ... ولا سعر 2015 هينزل بمجرد نزول موديل 2016 ؟

أسف عالاطاله وأتمنى اللي يعرف حاجه يفيدني :)

**bassembbb** · 08-07-2015 01:22 AM

متابع بشدة ، و اتمني حد يدلنا

**د.هشام** · 08-07-2015 02:01 AM

المشاركة الأصلية كتبت بواسطة Dr.M_ElAshmawi

بعد اذنكم أنا ناوي أشتري شارك وعاجبني الأوبشنز اللي في توب لاين شرق أوسط لكن عندي كام استفسار أتمنى لو حد يقدر يفيدني :

سمعت ان العفشه بتختلف في الشرق الأوسط عن الخليجي والتوكيل والعربيه بتكون أوطى حاجه بسيطه ناس بتقول المساعدين مختلفين فيها وناس بتقول سوست ومساعدين !! .. ايه مدى صحة الكلام دا ؟

××××××× الكلام ده مش مظبوط، كل الشارك سواء خليجي أو شرق أوسط نفس العفشة، عفشة رياضية وارتفاع العربية 16.5 سم، فيه عفشة تانية مابتنزلش مصر، وإرتفاع العربية بيكون 14 سم بس

سمعت بردو ان الأوبشنز الزياده في الشرق الأوسط بتكون صيني ومتركبه هنا في مصر ؟؟ بردو الكلام دا ايه رأيكم فيه ؟

×××××××× الoptions اللي بتتركب هنا في مصر كاسيت تاتش فيه بلوتوث وكاميرا خلفية، fog lights, جنوت، سبويلر والحاجات دي كلها سهلة تتعرف

في كلام بردو بيتقال ان تكييف الشرق الأوسط ضعيف مقارنة بالخليجي !! ؟؟

******** الله أعلم ، اللي سمعته أن الكاوشات اللي في العربية بتستحمل الحرارة اكتر

مين وكيل أو مستورد الشرق الأوسط هنا في مصر ؟ مضمون ولا لأ ؟

بشكل عام في عيوب معينه في الشرق الأوسط تخليني أبعد عنها ؟

×××××× ﻷ مافيش، بس هات الخليجي وريح دماغك

لو استنيت 2016 تنزل هتفرق كتير في السعر ؟ ... ولا سعر 2015 هينزل بمجرد نزول موديل 2016 ؟
×××××× السعر بيعتمد على سعر الدولار

أسف عالاطاله وأتمنى اللي يعرف حاجه يفيدني :)

**M.Elwan** · 08-07-2015 03:29 AM

انا عارف ان الشرق اوسط شكل عداداتها مختلف ممكن تصورها لما تلاقيها عشان نتاكد من المعلومة دي في موديل ٢٠١٦
وده شكلها فيها شاشه الوان بين العدادات ٣ بوصه

images upload

**د.هشام** · 08-07-2015 03:48 AM

الخليجي نفس شكل العدادات
بس بدل اللون الأزرق والأبيض في الشاشة اللي في النص، الألوان كلها حمرا

**Abo_Mazen** · 08-07-2015 10:30 AM

هي العربية دي الذات فئاتها كتير كده ليه ..؟؟؟؟

**ENG.MaRk** · 08-07-2015 01:24 PM

المشاركة الأصلية كتبت بواسطة abo_mazen

هي العربية دي بالذات فئاتها كتير كده ليه ..؟؟؟؟

نفس السؤال اللي عايز اسأله

**bassembbb** · 08-07-2015 01:56 PM

المشاركة الأصلية كتبت بواسطة abo_mazen

هي العربية دي الذات فئاتها كتير كده ليه ..؟؟؟؟

زيها زي السيراتو ، هي كلها مسالة عرض و طلب و شطارة مستورد/توكيل

**M.Elwan** · 08-07-2015 02:14 PM

المشاركة الأصلية كتبت بواسطة Abo_Mazen

هي العربية دي الذات فئاتها كتير كده ليه ..؟؟؟؟

المشاركة الأصلية كتبت بواسطة Abo_Mazen

هي العربية دي الذات فئاتها كتير كده ليه ..؟؟؟؟

الشارك لحد ٢٠٠٩ كانت بتتصنع في اليابان فقط وكانت مواصفاتها ثابته وفئاتها ثابته
من ٢٠٠٩ ميتسوبيشي فتحت مصانع في الفلبين MMPC والصين وتايلاند وتايوان وبدئت تصنع فيهم شارك بالاضافة لموديلات اخري

the Lancer EX is manufactured in five Asian countries namely Japan, China, Taiwan, Thailand and in the Philippines.
رايي واحتمال يكون خطا ان المواصفات بتتغير طبقا للبلد المصنعه والاسواق المستهدفه زي الفروقات بين اللوجان الروماني واللوجان المغربي او الفرق بين الكورولا التركي والكورولا التايواني
ودي عربيات كان تصنيعها في دولتين بس فمال بالك لو عربيه بتتصنع في ٥ دول

السوال هنا : هل السيارات التي يتم تصديرها من اليابان كلها ياباني ام الدول المصنعه تقوم بتصدير انتاجها لليابان
واليابان تقوم باعادة التصدير لدول اخري

**Abo_Mazen** · 08-07-2015 02:25 PM

المشاركة الأصلية كتبت بواسطة m.elwan

الشارك لحد ٢٠٠٩ كانت بتتصنع في اليابان فقط وكانت مواصفاتها ثابته وفئاتها ثابته
من ٢٠٠٩ ميتسوبيشي فتحت مصانع في الفلبين mmpc والصين وتايلاند وتايوان وبدئت تصنع فيهم شارك بالاضافة لموديلات اخري

the lancer ex is manufactured in five asian countries namely japan, china, taiwan, thailand and in the philippines.
رايي واحتمال يكون خطا ان المواصفات بتتغير طبقا للبلد المصنعه والاسواق المستهدفه زي الفروقات بين اللوجان الروماني واللوجان المغربي او الفرق بين الكورولا التركي والكورولا التايواني
ودي عربيات كان تصنيعها في دولتين بس فمال بالك لو عربيه بتتصنع في ٥ دول

السوال هنا : هل السيارات التي يتم تصديرها من اليابان كلها ياباني ام الدول المصنعه تقوم بتصدير انتاجها لليابان
واليابان تقوم باعادة التصدير لدول اخري

ما في عربيات كتير بتتصنع في دول كتير جدا ..إشمعنى دي اللي دخلت مصر بتسع فئات مثلا ؟؟؟!!!!!

الموضوع: هشتري شارك مواصفات شرق أوسط ومحتاج مشوره من أصحاب الخبره :)

LinkBack

أدوات الموضوع

عرض

-

-

-

-

المواضيع المتشابهه

عربيتي اتقلبت ،،، ومحتاج مشوره

مشوره من اهل الخبره

طلب راي و مشوره من اصحاب الخبره

.::حصريا:. هوندا جاز 2009 - Honda Jazz (Fit) 2009 (صور+مواصفات شرق أوسط ) ::..

أنا هشتري نوبيرا زيروا إن شاء الله .. عايز رأي أصحاب النوبيرا

الكلمات الدلالية لهذا الموضوع

المفضلات

المفضلات

ضوابط المشاركة