اى استفسار او سؤال بخصوص بريليانس انا فى الخدمه

**avantador** · 22-07-2015 09:28 PM

لا المشكله دى مش فى العربيه هو لو لا قدر الله حادثه والفتيس اتكسر وللعلم سعر الفتيس فى التوكيل 56 الف انما سعره بره ميعديش ال5

**kokikoki** · 23-07-2015 11:30 AM

السلام عليكم .
أخي الكريم انا معايا سبليندور 2008 و دواسة الدبرياج ثقيله مقارنه ب اي عربيه مانيوال تانيه هل دي مشكله ولا ده طبيعي في العربيه . والتوكيل قالي عايزه طقم دبرياج . هل دي مشكله بتواجه ملاك الاسبلندور . ولو سمحت عايز اعرف ايه رأيك في العربيه عموما وايه المشاكل المعتاده وشكرا..

**avantador** · 24-07-2015 08:38 PM

الدبرياج التقيل مش من عيوب العربيه بالعكس ممكن تكون محتاجه ديسك بس التجربه هتكون افضل العربيه دى مشاكلها قليله جدا ومن افضل ما انتجت الشركه وعلشان كده مش هينزلوها تانى

**ahmed mohsen abd elrahman** · 26-07-2015 01:00 PM

لو حضرتك ممكن تفيدني اجيب نص امامي كامل v5 2014 منين لاني عامل حادثه كبيره

**احمد نور الدين** · 26-07-2015 03:47 PM

السلام عليكم يا باشمهندس

اولا شكرا جزيلا لاهتمامك ومتابعتك

عندي مشكلة في جالينا 2012 ماشية 115 الف كم المشكلة بدات من فترة كبيرة في ان العربية بتدور وهي باردة وبعدين لما امبير الحرارة يتحرك الربع تبطل وادورها تاني تدور وتمشي طبيعي

والتوكيل ماعرفش المشكلة بعد فترة بدات العربية تدور وبعدين شوية وتبطل وادورها وتدور وتبطل وادورها تاني لغاية الامبير مايوصل قبل النص تقريبا وبعدين مافيش مشكلة لما تسخن

حاليا العربية بتاخر جدا جدا في الدوارة وتقط وتبطل وتلقط دقيقة وتبطل وهكذا اكتر من مرة مع صوت رجة في الموتور وريحة بنزين ني من الشكمان لغاية لما تسخن اول ما تسخن خلاص تمشي وزي الفل مافيش حاجه ولو بطلت ودورت وهي لسه سخنة بتدور زي الفل

اول امبارح اتطور الموضوع بس معرفش اذا كانت نفس المشكلة ولا سبب تاني العربية عند 120 كم سرعة وبعده بتنتش وتزم زي مايكون مثلا محطوط ليها بنزين 80 مع العلم انها عمرها ماتمونت غير 92

حاجه كمان كنت عايز اغير الشكمان بالكامل اجيبه منين وبكام تقريبا واركبه فين

وشكرا لاهتمام حضرتك

**lestat1978** · 27-07-2015 09:12 PM

كان عندي المشكلة دي في الكارينز ولما رحت التوكيل غيرو حاجة اسمها حساس الكرنك او الحساس وظبتت بعد التغيير لو عايز راي اخر فيه ميكانيكي بريليانس شاطر عند اول يمين في اول يمين بعد ابو رامي مدينة نصر اسمهم سامي ومرسي

**avantador** · 31-07-2015 07:11 PM

حضرتك تقصد رفرفيين وصدر امامى واكصدام وسربنتينا وفانوسيين ولا بالمقصات والكبالن والشمعدان وقنطره ؟

**avantador** · 31-07-2015 07:14 PM

عربيه حضرتك محتاجه حساس كامه ب 250 جنيه ممكن حضرتك تشتريه وتركبه بنفسك حضرتك هتفتح الكبوت هتشيل الكفر اللى على الموتور وانت واقف قدام العربيه ناحيه اليمين من وش السلندر هتلاقى حساس مربوط بمسمار 10 لونه اسود بفيشه بسلكتيين هو ده الحساس غيره وان شاء الله العربيه هتظبط ومنتظر النتيجه

**m0105538** · 17-08-2015 12:36 PM

السلام عليكم ورحمة الله
من فضلك اخي الكريم معايا بريليانس سبلندور ٢٠٠٩ وعندي شوية دربكة في العفشة الاماميه وكوبلن يمن بيطقطق في الملفات ممكن اعرف لو هاظبط العفشة هاتتكلف كام تقريبا مع العلم ان المساعدين كويسين وبالنسبة لقطع الغيار الخاصة بالماتور كسيور وفلاتر ممكن متوسط اسعارها من فضلك قطع غيار ومصنعيات تقريبيه وهل يوجد قطع غيار تركب عليها لسيارات اخري وشكرا

**zekoass33** · 19-08-2015 05:22 PM

اخى الكريم والاصدقاء الكرام السلام عليكم ورحمه الله وبركاته
معى سياره
Brilliance FSV 2013
عامله 65000 كليومتر مرحتش التوكيل الا مره واحده فى صيانه الاف كليو متر ولم اذهب اليه ثانيه
فى صوت عند السير عندما اشغل التكيف ولما اطفى التكيف يختفى الصوت هل من الكمبويسر ولا من بليه التكيف ال راكبه على السير علما بان البليه بتلف مع تشغيل التكيف او عدم تشغيله
هل يوجد نصيحه لااستمال هذه السياره او اى ملوحظه نتسفد بها من حضرتك وايه رايك بالسياره وشكرا جدا لحضرتك