اى استفسار او سؤال بخصوص بريليانس انا فى الخدمه

**AL BATAL** · 03-09-2015 05:23 PM

بعد التحية

عندى مشكلة وارجو المساعدة

معايا بريليانس v5
فؤجئت لقيت لمبة الايرباج منورة استمرت اسبوع تنور اوقات واوقات لا
لكن دلوقت منورة علطول ومش عايزة تطفى
اية العمل ؟

شكرا

**avantador** · 08-09-2015 03:10 AM

لمبه الايرباج بتنور علشان 3 اسباب لو عربيه حضرتك gls بيبقى فى ضفيره ايرباج تحت الكراسى لو حضرتك حاطط دواسات وزنقت على السلك اللمبه هتنور. ثانيا ضفيره ايرباج التابلوه السلك بتاعها ضعيف فبيسجل اووم زياده فبتتغير .او اخيرا ضفيره ايرباج الحزام وكل ده بيتغير على حساب الضمان . بس نصيحه روح على مركز الخدمه فى اسرع وقت علشان لو لاقدر الله لا قدر الله حصل حادثه الايرباج مش هيفتح بسبب اللمبه

**iso_loma** · 10-09-2015 01:20 PM

لو سمحت عايز اعرف مميزات وعيوب frv و fsv اتوماتيك وايهما افضل واسعار قطع غيارها وهل متوفره خارج التوكيل

**Hamada_lovemsg** · 11-09-2015 12:14 AM

لو سمحت انامعايا frv 2009 لسا شاريها قريب عاملة ١٢٠٠٠٠ كيلو
كنت عايز اعمل صيانة كاملة للعربية تنصحني اروح فين وهتكلفني كام
وايه اهم الحاجات الي لازم اعملها صيانة عشان لسا شاريها وعايز اعملها صيانة كاملة
وشكرا

**emadmansour010** · 13-09-2015 05:22 PM

انا عندى fsv2013 منذ ان اشتريتها 2 سنه لمبة check engin كل شهر تنور ودواسة البنزين تفصل تم تكويد البوابه 5 مرات وتم تغيير البوابه ومازال العطل تم تنظيف سنسر البوابه ومازال العطل
رجاء المساعده حيث انى ساضطر لبيعها

**avantador** · 13-09-2015 08:16 PM

استاذ iso_loma ال frv عربيه جميله وثابته والشاسيه بتاعها ناشف عيبها ان العفشه بتاعتها ناشفه شويه وللعلم اقصى سرعه للعربيه 170 ويفضل متجبش منها فتحه سقف علشان فيها مشكله وبالنسبه لقطع غيارها متوفره فى اماكن كتيير واسعارها رخيصه وليها بدائل

**avantador** · 13-09-2015 08:21 PM

صيانه حضرتك هى هى صيانه ال 20 الف زيت وفلتر وفلتر بنزين وبوجيهات وفلتر هوا وتكييف وتراجع على التيل والطنابير ويتربط عفشه هتكلفك حوالى 500 الى 600 لو هتغير زيت شل 10 الاف ممكن حضرتك تعملها فى التوكيل جسر السويس او الدراسه

**avantador** · 13-09-2015 08:26 PM

استاذ emadmansour010
مشكله حضرتك من المشاكل اللى التوكيل بيحتار فيها رغم انها حصلت اكتر من مره عربيه حضرتك محتاجه دواسه + بوابه مع بعض لان ال fsv لما بتغير حاجه واحده من دول بس نادر جدا ما تظبط وللاسف التوكيل طول ما العربيه مبتفصلش معاه يبقى مفيش مشكله حاول تسيب العربيه كام يوم عندهم للتجربه وحاول تكبر الموضوع علشان يهتمو ولو عربيه حضرتك عدت ال 40 الف ممكن تغير الدواسه على حسابك وقولهم انه طلب حضرتك هى فى حدود 500 جنيه وان شاء الله العربيه هتظبط

**bigheart852000** · 13-09-2015 09:50 PM

لو سمحت محتاج اغير طقم دبرياج لعربية FSV 2011 1500ccوسألت على طقم الدبرياج بره لقيته ب 850 جنية وكنت عاوز اعرف اية الطقم اللى ممكن يركب عليها وسعره كام لانى سمعت ان 1600cc بيركب عليها بتاع اللانسر وده ب 400 جنية يعنى ارخص من بتاعها

**mohamedali8588** · 16-09-2015 12:14 AM

الشيء بالشء يىيذكر انا غيرت للfsv جلدة كوبلن لانسر اصلي ب ٥٠ جنيه ، وكمان غيرت جلبة المقص الكبير وجبت بتاعة الافيو والعفشجي بس مسحها بسيط في دقيقة بالصاروخ وركبها وقالي وقتها بردو ان بتاعة اللانسر نفس المقاس
،،،،، متابع الرد فيما يخص بديل طقم الدبرياج