السلام عليكم جميعاً . بعد شغلى فى التوكيل لمده سنتين اقدر اساعد ان شاء الله فى حل اى مشكله ميكانيكا او كهرباء وباذن الله اكون عند حسن الظن
عرض للطباعة
السلام عليكم جميعاً . بعد شغلى فى التوكيل لمده سنتين اقدر اساعد ان شاء الله فى حل اى مشكله ميكانيكا او كهرباء وباذن الله اكون عند حسن الظن
السلام عليكم
اخى الكريم انا اشتريت سيارة بريليانس جالينا 2012 ولا اعلم كيفية تشغيل شاشات العرض وهل تحتاج الى ريموت كنترول ؟
تقبل تحياتى
ايوه يا افندم لازم ريموت وممكن حضرتك تشتريه من شركه video bus هيعمل حوالى 100 جنيه
السلام عليكم
انا معايا بريليانس fsv2011 العربية فيها شوية مشاكل ومحتاج حد يفيدني بجد
1- الفرامل عندى ابتدت تصفر كتير على الرغم من ان التيل لسا مش خلصان وكمان ساعات بحس ان الفرامل ضعيفة ولازم ادوس مرتين علشان العربية تكلبش ولما وديتها اخدتلها هوا الميكانيكي بيقولي لو عملت معاك كده تاني تبقى محتاج تغير ماستر الفرامل مع ان الماستر مش مسرب زيت
2- ساعات بحس ان في نفضة فالكبوت وانا على السلانسية وكمان بحسها فالدركسيون
3- الغيار الاول ساعات كتير بيدقر ولازم ادوس عالفتيس جامد علشان تاخد الاول وساعات المارشدير عصاية الفتيس تروح على غيار المارشدير بس العربية مش بتاخد الغيار مع العلم أن سحب العربية كويس جدا وباقى الغيارات حلوة خالص
يا ريت جزاكم الله خير تفيديونى عن سبب المشاكل دي وكمان عاوز اعرف سعر ماستر الفرامل
لو ممكن رقم تليفون حضرتك ابقى شاكر جدا
1. صفاره التيل بسبب شفه التيل او خامه التيل ناشفه كل المطلوب انك تشيل حافه التيل على الجلخ وان شاء الله هيمنع
2 .الفرامل ضعيفه اصلا فى العربيه دى تبقى دايس فرامل وال ABS شغال وبردو العربيه بتسحب وده بيرجع لنوع التيل متركبش التيل بتاعها وهات اى نوع تانى خامه انضف
3.بالنسبه للنفضه اللى فى الكبوت وتحس ان ال rpm رفع وبعد كده نزل بسرعه دى البوابه محتاجه معايره بيتعملها معايره بالجهاز ومفيش حد هيعرف يعملها غير التوكيل علشان متتعبش نفسك لان ليها كذا خطوه وبتكتب النسب اللى البابه المفروض تفتح عليها
4. بالنسبه للغيارات شوف الجلب اللى فى ويرات الفتيس فوق الفتيس متاكله ولا مظبوطه شوف فى بوش خفيف فى الواير ولا لا اذا لا قدر الله فى يبقى انت محتاج ويرات فتيس
ويارب اكون افادتك
اولا : شكرا لرد حضرتك
ثانيا : الفرامل انا لاحظت اني لما بخدلها هوا بتكون كويسة لمدة اسبوع وبعدين مستوها يقل بس مش بتسيب خالص
ثالثا: موضوع واير الفتيس انا لقيت ان الجلبة بتاعت الواير متاكله وخرطت واحدة وركبتها بالعضة خفت سنة بس ما راحتش
رابعا : كنت عاوز اعرف اية قطع الغيار اللى تركب على العربية دي لان قطع غيارها الاصلية غالية يعنى في ناس قالت تركب عليها عفشة ( سبيرنزا - اوكتافيا - جولف )
خامسا: كنت عاوز اسألك اية رأيك فالعربية دي
اسف على الاطالة وكنت اتمنى لو نتكلم فون لاني عاوز اسأل على حاجات كتير فالعربية .. رمضان كريم
أخي الفاضل عندي v5 .كان رشاش الماء للزجاج الأمامي والخلفيات سليم .
وفجأة وبدون مقدمات كل ما اسحب زراع رش المياه مافيش مياه طلعة المسحات الاماميه والخلفية يشتغلون مع بعض بشكل غريب ....ملحوظه قربة المياه مملوءة وشكرا لك
لو حضرتك سامع صوت موتور مياه المساحات شغال ومفيش مياه خارجه من الرشاشات اولا افتح الكبوت وشيل خرطوم الميه اللى فى الرشاش شوف فى ميه واصله ولا لا يعنى لو الرشاش مسدود لو مفيش ميه طالعه فى عند موتور مياه المساحات بلف اسود بيبقى فيه فلتر صغير كده ممكن يكون مسدود شيله خالص ووصل الخرطوم من غيره بس هتحتاج ترفع العربيه ولو الاتنين بيشتغلو مع بعض ده زراع مياه مساحات محتاج يتغير
كان فى حاجه عايز اوضحها بالنسبه لاى حد بيشترى عربيه v5 مستعمله معظم العربيات مغيره لوحه عدادات لان فيها مشكله فلو هتشترى عربيه لازم تعرف الكيلومتر الاصلى بتاعها ومتعتمدش على اللى موجود فى التابلوه لانه غلط والكيلومتر الاصلى بيبقى موجود على كنترول المحرك وده بيتعرف عن طريق الجهاز